1. Kuxaʼanoʼon tu kʼiinil le joochoʼ,

jach táaj jatsʼuts le meyajaʼ.

Toʼoneʼ kiʼimak k-óol ikil k-áantik

le angeloʼob beetik lelaʼ.

Tu yeʼesaj Jesús bix ken k-beetil,

letiʼeʼ tu tsʼáaj yóol kʼaʼaytaj xan.

Jach táaj kiʼimak k-óol ikil k-táakpajal

teʼ kʼaʼaytaj táan u beetaʼalaʼ.

2. Wa k-yaabiltmaj Dios yéetel máakeʼ

yaan k-tsʼáaik óol xan teʼ kʼaʼaytajoʼ.

Jach kʼaʼabéet u beetaʼal le joochoʼ

tumen naatsʼ yaan le xuʼulsajoʼ.

Ku taasik tiʼ toʼon kiʼimak óolal

tumen táan k-meyaj utiaʼal Dios.

Wa sáamsamal tiaʼanoʼon teʼ kʼaʼaytajoʼ

Dioseʼ yaan u kiʼikiʼtʼantkoʼon.