1. Yuumtsil Jéeoba Dios, kex kʼebanoʼoneʼ

mantatsʼ ka chʼaʼiktoʼon yaʼab óotsilil.

Tsʼáatoʼon a wáantaj utiaʼal u páajtal

k-sáalkunsik k-kuuch ken k-aktáant muʼyajil.

2. Kiʼichkelem Yuumtsil, yaʼab a nojbeʼenil,

mix juntúul wíinik ku náajmatik.

Beet uts a tsʼáaiktoʼon le kiliʼich muukʼoʼ,

utiaʼal u tsʼáaik tiʼ k-kuxtal sáasilil.

3. A kiliʼich muukʼeʼ mantatsʼ ku yáantkoʼon

ken yanaktoʼon jach yaʼab kʼiʼinamil.

Jeʼel bix le chʼíichʼ ku xikʼnal sen náachoʼ

ka beetik k-náachtal xan tiʼ k-talamil.