Kʼaay 116
Le sáasiloʼ táan u maas juul
1. Le máaxoʼob meyajt Jéeoba úuchjeakiloʼ
u kʼáat u kʼaj óoltoʼob le Cristooʼ.
U kiliʼich muukʼ Dioseʼ jach tu yeʼesajtiʼob
máax le ken u tsʼáa salvacionoʼ.
Teʼ kʼiinaʼ Jesuseʼ táan u gobernar,
tuláakal baʼax eʼesik lelaʼ.
Lelaʼ jach ku beetik u kiʼimaktal k-óol
tumen yaan u luʼsaʼal talmiloʼob.
(CORO)
Le bej k-bisikoʼ mantatsʼ sáasil,
le oʼolal jach maʼatech k-pʼatik.
Tuláakal le baʼax yaʼalmaj Diosoʼ
ku beetik k-bin teʼ toj bejoʼ.
2. Jesuseʼ tu yéeyaj juntúul palitsil
tiaʼal u tsʼáaik janal jach tu kʼiinil.
Le oʼolal yaan sáasil tu kaajal Jéeoba,
lelaʼ jach ku yáantik k-puksiʼikʼal.
Ku sáasiltal k-beel, ku yutskíintik k-kuxtal,
le oʼolal k-bin teʼ sáasilaʼ.
Toʼoneʼ k-tsʼáaik nib óolal chéen tiʼ Yuum Jéeoba
yoʼolal le bej jach táaj jatsʼutsaʼ.
(CORO)
Le bej k-bisikoʼ mantatsʼ sáasil,
le oʼolal jach maʼatech k-pʼatik.
Tuláakal le baʼax yaʼalmaj Diosoʼ
ku beetik k-bin teʼ toj bejoʼ.
(Ilaʼak xan Rom. 8:22; 1 Cor. 2:10; 1 Ped. 1:12.)