Kʼaay 113
Nib óolal yoʼolal a Kiliʼich Tʼaan
1. Táan k-tsʼáaiktech nib óolal,
Kiliʼich Dios Jéeoba,
tumen tsʼoʼok a tsʼáaiktoʼon a kiʼichkelem Tʼaan.
Ta beetaj xan u tsʼíibtaʼal yéetel a kiliʼich muukʼ,
a Tʼaaneʼ ku yáantkoʼon tiaʼal k-beetik baʼax uts.
2. A Tʼaaneʼ ku yeʼesik jach a yaabiltmoʼon,
tumen máaxoʼob tsʼíibteʼ kʼeban wíinikoʼob.
Le ken k-xok baʼax ku kaʼanskeʼ,
ku muʼukʼaʼankúunsik k-óol,
ku sáalkunsik k-kuuchoʼob, ku tsʼáaiktoʼon jetsʼ óol.
3. Ku péeksik k-puksiʼikʼal baʼax kiaʼalik a Tʼaan,
ku beetik xan k-xíixtik bix kʼaʼabéet k-kuxtal.
Ku yáantkoʼon tiaʼal k-kanáantik
le baʼaxoʼob k-tsʼíiboltkoʼ,
a Tʼaaneʼ ku péekskoʼon tiaʼal k-beetik baʼax toj.
(Ilaʼak xan Sal. 119:16, 162; 2 Tim. 3:16; Sant. 5:17; 2 Ped. 1:21.)