Kʼaay 34
Unaj k-kanáantik le kʼaabaʼ k-biskoʼ
1. Jéeoba, kiliʼichech, yaʼab páajtalil yaantech,
a yaabiltmoʼon yéetel chúukaʼan a wóol.
Jaaj baʼax ka waʼalik, yaʼab naʼatil xan yaantech.
Toʼoneʼ k-ojel naʼan uláakʼ jeʼex techoʼ.
K-nojbeʼenkúunskech yéetel yaʼab kiʼimak óolal.
Sáamsamal k-kʼaʼaytik a Reino, Jéeoba.
(CORO)
K-jaajkuntkecheʼ jach ku tsʼáaik kiʼimak óolal.
K-kʼáat kanáant le kʼaabaʼ táan k-bisikaʼ.
2. K-múuchʼ meyaj tiaʼal k-beetik baʼax kiaʼak a Tʼaaneʼ
ku yáantikoʼon tiaʼal ka k-eʼes yaabilaj.
Yaʼab kiʼimak óolal ka tsʼáaiktoʼon, Jéeoba Dios,
toʼoneʼ yaan k-kʼaʼaytik a kʼaabaʼ mantatsʼ.
Tuláakal máak unaj u nojbeʼenkúunskech
yéetel u tʼaanoʼob tiʼ teech sáamsamal.
(CORO)
K-jaajkuntkecheʼ jach ku tsʼáaik kiʼimak óolal.
K-kʼáat kanáant le kʼaabaʼ táan k-bisikaʼ.
(Ilaʼak xan Deu. 32:4; Sal. 43:3; Dan. 2:20, 21.)
