Kʼaay 125
Unaj k-uʼuyik u tʼaan Dios yéetel chúukaʼan óol
1. Tiʼ tuláakal luʼumeʼ, toʼoneʼ k-tsikbaltik
Dioseʼ maʼ kun xáantal ken u taas utsil.
Kʼaʼabéet k-ilik k-kʼaʼaytaj jeʼex u yaʼalmajoʼ.
K-kʼáat k-eʼes chúukaʼan óolal jeʼex u kʼáat letiʼoʼ.
(CORO)
Koʼox ilik k-beetik baʼax uts tu tʼaan Dios
yéetel u jaajil k-óol.
Jach yaan u yáantkoʼon, yaan u kanáantkoʼon.
Koʼoneʼex meyajtik chéen Dios.
2. Dioseʼ tsʼoʼok u tsʼáaiktoʼon u palitsiloʼ
yéetel u kiliʼich muukʼ tiaʼal u yáantikoʼon.
Toʼoneʼ kʼaʼabéet k-pʼáatal maʼalob tu táan Dios.
Kʼaʼabéet k-chúukaʼan kʼaʼaytik u tsolnuʼukoʼoboʼ.
(CORO)
Koʼox ilik k-beetik baʼax uts tu tʼaan Dios
yéetel u jaajil k-óol.
Jach yaan u yáantkoʼon, yaan u kanáantkoʼon.
Koʼoneʼex meyajtik chéen Dios.
(Ilaʼak xan Luc. 12:42; Heb. 13:7, 17.)
