Kʼaay 29
Yaan u chúukpajal in wóol in meyajt Jéeoba
(Salmo 26)
1. Pʼis óolteniʼ, kin kʼáatiktech, Jéeoba,
in kʼubmaj in kuxtal in beet baʼax uts ta tʼaan.
Jach ilawil wa maʼalob in kuxtal,
wa táan xan in tuklik in beetik baʼax a kʼáat.
(CORO)
Teneʼ mantatsʼ kun chúukpajal in wóol
in meyajtech, Jéeoba, tuláakal in kuxtal.
2. Teneʼ, Jéeoba, maʼatech in biskinba
yéetel le máax u pʼeek u beetik baʼax tojoʼ.
Kanáanteniʼ utiaʼal mu yúuchulten
le baʼax kun úuchul tiʼe máax kʼaas u kuxtaloʼ.
(CORO)
Teneʼ mantatsʼ kun chúukpajal in wóol
in meyajtech, Jéeoba, tuláakal in kuxtal.
3. In yaabiltmaj in wantal ta wotoch,
teneʼ yaan in wilik in kiʼimakkúuns ka wóol.
Naatsʼ tiʼa altar in kʼáat antal mantatsʼ
utiaʼal in tsʼáaik tiʼ teech nib óolal, Dios Jéeoba.
(CORO)
Teneʼ mantatsʼ kun chúukpajal in wóol
in meyajtech, Jéeoba, tuláakal in kuxtal.
(Ilaʼak xan Sal. 25:2.)
