Kʼaay 137
Áantoʼon utiaʼal maʼ k-sajaktal
-
Yaʼabach máakoʼob jach u pʼeekoʼob
k-tʼaan tiʼu kʼaabaʼ Jéeoba Dios.
Táan yilkoʼob bix jeʼel u xuʼulskoʼob
le meyaj táan k-beetikoʼ.
Baʼaleʼ maʼ kun lúubul k-óol
tumen táan k-uʼuyik u tʼaan Dios.
Toʼoneʼ k-kʼáatiktech Dios ka wáantoʼon
tumen taak u chúukpajal k-óol.
(CORO)
Táan k-orar utiaʼal ka wáantoʼon
k-tʼaan tiʼ teech tu jaajil k-óol.
Toʼoneʼ k-kʼáatiktech ka tsʼáatoʼon
le poder yaan tiʼ techoʼ.
Luʼs tiʼ toʼon le saajkililoʼ
utiaʼal k-kʼaʼaytik a xuʼulsajoʼ.
Táan k-orar utiaʼal ka wáantoʼon.
Uʼuy k-oración.
-
K-sajaktal tu táan yaʼab máakoʼob
tumen toʼoneʼ j-kʼebanoʼon.
Techeʼ jach ka wilka wáantkoʼon,
tsʼoʼoleʼ maʼatech a pʼatkoʼon.
Ilawil xan Jéeoba Dios
bix u muʼyaj le máax utsoʼ.
Maʼ kun xuʼulul k-kʼaʼaytik a Reino,
letiʼe baʼax jach k-tsʼíiboltikoʼ.
(CORO)
Táan k-orar utiaʼal ka wáantoʼon
k-tʼaan tiʼ teech tu jaajil k-óol.
Toʼoneʼ k-kʼáatiktech ka tsʼáatoʼon
le poder yaan tiʼ techoʼ.
Luʼs tiʼ toʼon le saajkililoʼ
utiaʼal k-kʼaʼaytik a xuʼulsajoʼ.
Táan k-orar utiaʼal ka wáantoʼon.
Uʼuy k-oración.
(Ilaʼak xan 1 Tes. 2:2; Heb. 10:35.)
