1. Sara, Ester, María yéetel Ruteʼ

chúukpaj u yóoloʼob u meyajtoʼob Jéeoba.

Le koʼoleloʼobaʼ tu yeʼesoʼob nojoch fe.

U Tʼaan Dioseʼ kiaʼalik bix kuxlajikoʼob.

Kiaʼalikeʼ tu yeʼesoʼob jatsʼuts modos.

¡Jach tu tsʼáaj u yóoloʼob u yuʼuboʼob u tʼaan Dios!

2. Teʼ kʼiinoʼobaʼ yaʼab kiikoʼob táan u yeʼeskoʼob

yaabilaj, chúukaʼan óol yéetel kabal óol.

Kex maʼ chéen chʼaʼabileʼ suuk u kʼaʼaytajoʼob.

Nojoch áantaj táan u tsʼáaik le kiikoʼobaʼ.

Tu táan Dioseʼ yaʼab meyaj ku beetkoʼob.

Táan u xupku muukʼoʼob u meyajtoʼob Jéeoba.

3. Yaʼab baʼax kʼaʼabéet k-kanik tiʼ baʼax ku beetkoʼob.

Ku líiʼsik k-óol k-ilik bix u meyajoʼob.

Yaʼab jatsʼuts baʼaloʼob yaan tu puksiʼikʼaloʼob.

Jéeoba Dioseʼ mix bikʼin u tuʼubsikoʼob.

Letiʼeʼ yaʼalmajtiʼob yaan u kanáantkoʼob

yéetel yaan u tsʼáaiktiʼob kuxtal minaʼan u xuul.