KʼAAY 51
K-kʼubmaj k-kuxtal tiʼ Jéeoba
-
1. Jéeoba Dioseʼ tu natsʼoʼon yiknal Yuum Jesús
utiaʼal k-beetik baʼax tu kaʼansajtoʼon.
Tu yilaj xan u biskoʼon
teʼ tuʼux yaan u jaajiloʼ.
Yoʼolelaʼ t-kʼubaj k-kuxtal
tiaʼal k-beetik baʼax uts tu tʼaan.
(CORO)
Jéeoba, toʼoneʼ kiʼimak k-óol tumen tsʼoʼok k-kʼubik
k-kuxtal tiaʼal ka k-beet baʼaxoʼob uts ta tʼaan.
-
2. Tsʼoʼok k-aʼalik tiʼ teech, Jéeoba, yaan k-beetik mantatsʼ
tuláakal le baʼax ka waʼalikoʼ.
Toʼoneʼ jach jatsʼuts k-ilik
k-tsikbaltik u jaajiloʼ.
Yoʼolelaʼ tsʼoʼok k-chʼaʼtuklik
yaan k-kiʼimakkúunsik a wóol.
(CORO)
Jéeoba, toʼoneʼ kiʼimak k-óol tumen tsʼoʼok k-kʼubik
k-kuxtal tiaʼal ka k-beet baʼaxoʼob uts ta tʼaan.
(Ilaʼak xan Sal. 43:3; 107:22; Juan 6:44.)
