ILAWIL MAʼ A SEN ESTRESAR
¿Estresadoech wa?
Juliaeʼ a ku yaʼalik: «Tuláakal máak yaan baʼax beetik u estresar, pero teneʼ jach ku píitmáan in estresar. Lelaʼ ku yúuchulten tumen yaʼab problemaʼob yaanten yéetel yaʼab años joʼopʼok in kanáantik in wíicham, letiʼeʼ yaan junpʼéel kʼojaʼanil tu wíinklil yéetel tu pool».
Barryeʼ ku yaʼalik: «Ka tu pʼaten in wataneʼ anchaj in líiʼsik tu kaʼatúulal in paalal. Lelaʼ maʼ chéen chʼaʼabil úuchik in beetkiʼ. U tsʼookeʼ luʼsaʼabten meyaj yéetel pʼáat minaʼanten taakʼin utiaʼal in wutskíintik in coche. Maʼ tin kaxtik kaʼach baʼax in beete, jach estresarnajen. In wojel maʼ maʼalob u kíimskuba máakiʼ, le oʼolal tin sen kʼáataj tiʼ Dios ka u luʼs in kuxtal».
¿Ka wuʼuyikaba wa jeʼex Julia yéetel Barryeʼ? Wa beyoʼ le revistaaʼ jach yaan u yáantkech yéetel yaan u líiʼsik a wóol. Teʼelaʼ ku tsoʼolol baʼax beetik u estresar máak, baʼax kʼojaʼaniloʼob ku taasik yéetel baʼax jeʼel u yáantikeʼ.
a Kʼexaʼan le kʼaabaʼoboʼ.
Maʼ xaaneʼ jeʼel u yutstal xan ta wicheʼ
LE MÁAX KU KANANOʼ
Tuláakal tuʼux yaan chiʼichnakil
Tsʼoʼok u yilaʼaleʼ u chiʼichnaktal máakeʼ jeʼel u kóomkintik u kuxtaleʼ. ¿Baʼax jeʼel a beetik utiaʼal maʼ a sen chiʼichnaktaleʼ?
