¿Baʼaxten casi maʼ tu respetarkuba máak?
BAʼAXTEN IMPORTANTE KA U RESPETARTUBA MÁAK
Le máax ku respetarkubaoʼ maas chéen chʼaʼabil u aktáantik le problemasoʼ yéetel maʼ tu séeb lúubul u yóol.
-
Tsʼoʼok u yilaʼaleʼ le máaxoʼob maʼ tu respetarkubaʼoboʼ maas séeb u tsʼáaik ansiedad tiʼob, depresión yéetel ku pʼáatal maʼ tu kanáantik baʼax ku jaantikoʼob wa ku xuʼulul u janaloʼob. Tsʼoʼoleʼ maas séeb jeʼel u lúubloʼob tiʼ vicioʼob jeʼex le káaltaloʼ wa u drogarkubaʼob.
-
Le máax ku respetarkubaoʼ maʼ tu compararkuba yéetel u maasil. Tsʼoʼoleʼ maas chéen chʼaʼabil u kaxtik u amigoʼob. Pero le máax maʼ tu respetarkubaoʼ ku criticartik u maasil yéetel ku xuʼulul u biskuba yéetel u amigoʼob.
-
Le máaxoʼob ku respetarkubaʼoboʼ kéen yanak problemas tiʼobeʼ ku kaxtikoʼob bix jeʼel u yutskíintikoʼobeʼ yéetel maʼ tu séeb lúubul u yóoloʼob. Pero le máaxoʼob maʼ tu respetarkubaʼoboʼ séeb u lúubul u yóoloʼob kéen u yiloʼob maʼ tu páajtal u yutskíintikoʼob u problemaʼob, tu tsʼookeʼ ku xuʼulul u kaxtikoʼob solución.
BAʼAX JEʼEL U PÁAJTAL A BEETKEʼ
Kaxt amigoʼob jeʼel u líiʼskoʼob a wóoleʼ. Máans tiempo yéetel máaxoʼob ku yeʼeskoʼob respeto, jach tu jaajil taak u yáantkechoʼob yéetel ku kaxtikoʼob a wutsil.
Áant u maasil. Wa ka weʼesik a wutsil yéetel ka wáantik u maasil kex maʼ tu páajtal u sutkoʼobtech u jeel le baʼax ta beetoʼ yéetel kex mix máak ojéelteʼ jach yaan u kiʼimaktal a wóol.
Áant a paalal u respetartuba. Tak tuʼux ku páajtaleʼ chaʼa u yutskíintik le problemas ku yantaltiʼoʼ. Beyoʼ kéen nojochchajkeʼ yaan u kanik u respetartuba yéetel u yutskíint le problemas maas nuuktak ken u aktáantoʼ.
BAʼAX TÁAN U BEETIK U TESTIGOʼOB JÉEOBA
Cada semanaeʼ u testigoʼob Jéeobaeʼ ku beetkoʼob reuniónoʼob yéetel ku tsʼáaikoʼob xook tiʼ le máakoʼob yéetel le Bibliaoʼ. Lelaʼ tsʼoʼok u yáantik yaʼab máakoʼob utiaʼal ka u kan u respetartubaʼob bey xan ka u respetartoʼob u maasil.
REUNIÓNOʼOB KU BEETAʼAL CADA SEMANA
Teʼ reuniónoʼoboʼ ku máansaʼal discursoʼob chʼaʼan tiʼ le Bibliaoʼ yéetel ku yáantkoʼon utiaʼal k-respetartikba. Tuláakal máak jeʼel páajtal u bineʼ, gratis u yokol máakiʼ. Teʼeloʼ yaan a kanik. . .
-
. . . baʼaxten importanteʼech tu táan Dios.
-
. . . bix jeʼel u yantal u biilal a kuxtaleʼ.
-
. . . bix jeʼel a kaxtik maʼalob amigoʼobeʼ.
Teʼ reuniónoʼoboʼ yaan a kaxtik maʼalob amigoʼob jach tu jaajil ku paklan kanáantkubaʼob (1 Corintios 12:25, 26).
Utiaʼal a wojéeltik u maasil yoʼolal le reuniónoʼoboʼ chaʼant le video ¿Bix le muchʼtáambaloʼob ku beetaʼal teʼ Najil Reinooʼ? Lelaʼ tiaʼan jw.org.
K-KAʼANSIK LE MÁAKOʼOB YÉETEL LE BIBLIAOʼ
U testigoʼob Jéeobaeʼ ku kaʼanskoʼob gratis le máakoʼob yéetel le Bibliaoʼ, ku beetkoʼob yéetel u yáantaj le libro ¡Disfrutart le kuxtal mantatsʼoʼ! Le libroaʼ séeb u naʼataʼal, ku taasik tekstoʼob, preguntaʼob, videoʼob yéetel fotoʼob. Le xook k-tsʼáaik yéetel le Bibliaoʼ ku yáantik máak utiaʼal ka yanak u biilal u kuxtal yéetel ka yanak kiʼimak óolal tiʼ.
Wa taak a jóoʼsik u yutsil le xook ku tsʼáaik le Testigoʼob yéetel le Bibliaoʼ chaʼant le video ¿Baʼaxten unaj a xokik le Bibliaoʼ? Lelaʼ tiaʼan jw.org.
Maʼ xaaneʼ jeʼel u yutstal xan ta wicheʼ
KʼAJ ÓOLTOʼONIʼ
Kʼáat ka kaʼansaʼakech yéetel le Bibliaoʼ
Wa yaan baʼax taak a wojéeltik yoʼolal le Bibliaoʼ kʼáat ka áantaʼakech tumen juntúul u testigo Jéeoba wa kʼáat ka tsʼaʼabaktech xook.
KʼAJ ÓOLTOʼONIʼ
Muchʼaba yéetel u testigoʼob Jéeoba
Ojéelt bix le reuniónoʼob k-beetkoʼ. Ilawil tuʼux k-muchʼikba naatsʼ tiʼ a wotoch.
