3 ¿Baʼaxten ku muʼyaj le máaxoʼob utsoʼoboʼ?
¿Baʼaxten kʼaʼabéet k-ojéeltik?
Ku yaatal k-óol kéen k-il u muʼyaj le máaxoʼob utsoʼoboʼ. Yaʼab máakoʼobeʼ kéen u yiloʼob bix u muʼyajoʼobeʼ ku tuklikoʼob chéen kunel u beetaʼal baʼax maʼalob.
Tukulte
Kéen úuchuk wa baʼax tiʼ máakeʼ yaan horaeʼ ku yaʼalaʼaleʼ deporsi u destino. Uláakʼoʼobeʼ ku tuklikoʼobeʼ utiaʼal u castigartik le máakoʼob kʼasaʼanoʼoboʼ Dioseʼ ku beetik u muʼyajoʼob, tsʼoʼoleʼ ku beetik u muʼyaj le máaxoʼob utsoʼob utiaʼal u yilik wa yaan u fejoʼoboʼ. Kex beyoʼ yaneʼ láayliʼ maʼ tu naʼatik baʼaxten ku muʼyaj le máaxoʼob utsoʼoboʼ. Le baʼaloʼob ku creertaʼalaʼ ku beetik u tuklaʼal lelaʼ:
-
Wa destinartaʼan máakeʼ, ¿baʼax u biilal u yilik máak u kanáantkuba yéetel u beetik baʼaloʼob maʼalobtak?
-
Wa Dios u yaabiltmoʼoneʼ, ¿baʼaxten túun ku beetik k-muʼyaj?
KAN U MAASIL
Chaʼant le video ¿Baʼaxten ku chaʼik Dios u yantal muʼyajil? teʼ jw.org.
Baʼax ku yaʼalik le Bibliaoʼ
Wa ku muʼyaj máakeʼ, maʼ u kʼáat u yaʼal wa Dios castigarkiʼ
Yaan horaeʼ chéen kéen jáan úuchuk wa baʼax tiʼ máak.
«Way yóokʼol kaabeʼ tsʼoʼok xan in wilkeʼ le máaxoʼob chich u yáalkaboʼoboʼ maʼ mantatsʼ letiʼob ganartik junpʼéel carreraiʼ, le máaxoʼob yaan páajtalil tiʼoboʼ maʼ mantatsʼ ku ganarkoʼob junpʼéel baʼateliʼ, le máaxoʼob yaan u naʼatoʼoboʼ maʼ mantatsʼ yaan baʼal u jaantoʼobiʼ, le máaxoʼob yaʼab baʼal u yojloʼoboʼ maʼ mantatsʼ yaan ayikʼalil tiʼobiʼ, le máaxoʼob kaanbalnajaʼanoʼoboʼ maʼ mantatsʼ ku bin utsil tiʼobiʼ, tumen tiʼ tuláakal máak junsúutuk u jáan úuchul wa baʼax» (ECLESIASTÉS 9:11).
K-muʼyaj tumen kʼebanoʼon
Le tʼaan kʼebanoʼ ku meyaj tiʼ máak utiaʼal u tʼaan tiʼ le baʼaloʼob kʼaastak ku beetkoʼ. Chéen baʼaleʼ teʼ Bibliaoʼ ku meyaj utiaʼal u yúuchul tʼaan tiʼ le kʼeban tu máansajtoʼon Adán yéetel Evaoʼ.
«U jaajileʼ desde ka síijeneʼ j-kʼeban máaken, desde ka káaj in formar ichil u nakʼ in maamaeʼ in kuchmaj kʼeban» (SALMO 51:5).
Le kʼebanoʼ tsʼoʼok u beetik u muʼyaj yaʼab máak
Ku beetik k-náachtal tiʼ Dios bey xan tiʼ u maasil. Ku túulchʼintkoʼon k-beet baʼax kʼaas, le oʼolal tak le Luʼum tsʼoʼok u kʼastalaʼ.
«Le kéen in wóot in beet baʼax maʼalobeʼ ku kʼatkuba tin táan le baʼax maʼ maʼaloboʼ» (ROMANOS 7:21).
«Tuláakal le baʼaloʼob beetaʼanoʼoboʼ táan u múul áakamoʼob yéetel táan u múul muʼyajoʼob tak beoraaʼ» (ROMANOS 8:22).
Maʼ xaaneʼ jeʼel u yutstal xan ta wicheʼ
LE MÁAX KU KANANOʼ
¿Baʼaxten ku yúuchul baʼal kʼaas tiʼ le utsul máakoʼoboʼ?
Le Bibliaoʼ ku yaʼalik máakalmáak le óoxpʼéel baʼal beetik u muʼyaj wíinikoʼ.
