2 ¿Tiʼ toʼon wa yaan u culpail le baʼaxoʼob k-muʼyajtikoʼ?
¿Baʼaxten kʼaʼabéet k-ojéeltik?
Wa tiʼ toʼon yaan u culpaileʼ, u kʼáat u yaʼaleʼ tu kʼab máak yaan maʼ u sen muʼyaj.
Tukulte
Koʼox ilik jujunpʼéel baʼaloʼob beetik k-muʼyaj. Beyoʼ yaan k-ilik wa tiʼ toʼon yaan u culpail.
-
U beetaʼal baʼaloʼob kʼaastak tiʼ máak
Le Organización Mundial de la Saludoʼ (OMS) ku yaʼalikeʼ juntúul tiʼ cada cuatro máakoʼobeʼ jach jaʼajatsʼaʼaboʼob tu paaliloʼob. Tsʼoʼoleʼ juntúul tiʼ cada óoxtúul koʼoleloʼobeʼ jaʼajatsʼaʼaboʼob tumen wa máax wa beetaʼab kʼaas tiʼob (agresión sexual).
-
U kíimsaʼal máak
Le Organización Mundial de la Saludoʼ ku yaʼalikeʼ «tu añoil 2016, óoliʼ 477,000 máakoʼob kíimsaʼab tiʼ tuláakal yóokʼol kaab» (Estadísticas sanitarias mundiales 2018, ich inglés). Baʼaleʼ teʼelaʼ maʼ táakaʼan le 180,000 máakoʼob ku tuklaʼal kíimoʼob teʼ guerraʼob yéetel tiʼ uláakʼ baʼateloʼoboʼ.
-
Le kʼojaʼaniloʼoboʼ
Teʼ revista National Geographicoʼ, Fran Smitheʼ, tu yaʼalaj: «Bejlaʼeʼ maas tiʼ mil millones máakoʼob ku tsʼuʼutsʼkoʼob chamal. Lelaʼ junpʼéel tiʼ le cinco baʼaloʼob ku beetik u séeb kíimil máakoʼ tumen ku tsaʼaysik kʼojaʼanil tu puksiʼikʼal máak, derrame cerebral, u sen kʼojaʼantal tiʼ seʼen, u talamtal u chʼaʼik u yiikʼ yéetel u tsaʼaysik cáncer tu pulmón».
-
U pʼektaʼal máak
Jay Watts, juntúul psicólogaeʼ, ku yaʼalik: «Le óotsililoʼ, u pʼektaʼal máak yoʼolal u raza, wa tumen xiib wa koʼolel yéetel u pʼatik máak u yotoch utiaʼal u bin meyaj yaanal tuʼuxeʼ tsʼoʼok u beetik u chiʼichnaktal máak, u muʼyaj wa u tsaʼayal depresión tiʼ».
KAN U MAASIL
Chaʼant le video ¿Baʼaxten tu beetaj Dios le Luʼumaʼ? teʼ jw.org.
Baʼax ku yaʼalik le Bibliaoʼ
Yaan horaeʼ tiʼ máak yaan u culpail baʼaxoʼob ku muʼyajtik
Yaan gobiernoʼobeʼ ku beetkoʼob u muʼyaj le máakoʼoboʼ.
«Máakeʼ mantatsʼ ku pechʼ óoltik u yéet máakil utiaʼal u beetik kʼaas tiʼ» (ECLESIASTÉS 8:9).
Baʼax jeʼel k-beetik utiaʼal maʼ k-sen muʼyajeʼ
Le Bibliaoʼ ku yáantkoʼon k-kanáantba bey xan k-bisba yéetel u maasil.
«Junpʼéel puksiʼikʼal jeetsʼel yanileʼ ku tsʼáaik toj óolal tiʼ u wíinklil máak, pero le celosoʼ bey junpʼéel kʼojaʼanil kʼaskúuntik u baakel máakeʼ» (PROVERBIOS 14:30).
«Tseleʼex tiʼ teʼex tuláakal u jejeláasil kʼaakʼas kʼuuxilil, pʼujaʼanil, tsʼíikilil, awat tʼaan, poochʼil bey xan tuláakal baʼax jeʼel u beetik loobeʼ» (EFESIOS 4:31).
