Le baʼax ku tsoʼolol yoʼolal junpʼéel tekstooʼ jeʼel u yáantkech a maas kʼaj óolt u Tʼaan Dioseʼ. Por ejemploeʼ ku tsoʼolol baʼaxoʼob sen úuch le ka tsʼíibtaʼab le tekstooʼ, baʼaxten tsʼíibtaʼabi, tiʼ máax ku yúuchul tʼaan wa baʼax u kʼáat u yaʼal jujunpʼéel tʼaanoʼob ku taasik.

Kéen a xok le Biblia teʼ JW Library^® wa teʼ BIBLIOTECA ICH INTERNET tiʼ le Watchtoweroʼ, kéen a tsʼáankʼabt jujunpʼéel tekstoʼobeʼ yaan u chíikpajal le Áantaj utiaʼal xakʼalxookoʼ, teʼeloʼ yaan publicaciónoʼob tsolik le tekstooʼ.

Le publicaciónoʼoboʼ tsolaʼan por fechail. Le yáax xookoʼob ku chíikpajloʼ letiʼe maas túumbentakoʼoboʼ. Maas kabaleʼ ku chíikpajal le maas úuchbentakoʼoboʼ. Chéen baʼaleʼ chʼaʼ en cuentaeʼ yaan tekstoʼob tsʼoʼok u kʼexpajal bix u tsoʼolol.

• Teʼ BIBLIOTECA ICH INTERNET tiʼ le Watchtoweroʼ le publicaciónoʼob ku taasik le Áantaj utiaʼal xakʼalxookoʼ juntaatsʼ u chíikpajloʼob.

• Teʼ JW Libraryoʼ, kʼaʼabéet a descargartik le Áantaj utiaʼal xakʼalxookoʼ yéetel a actualizartik cada ken jóokʼok u túumbenil. Utiaʼal leloʼ kʼaʼabéet a tsʼáankʼabtik tuʼux ku yaʼalik «Descargar ahora», lelaʼ yaan u chíikpajal tiʼ jeʼel máakalmáak capítuloil tiʼ le Bibliaoʼ.