Juntéenjeakeʼ juntúul kiik kajaʼan Nueva Zelandaeʼ tu chaʼantaj le video «Unaj k-chʼaʼik óotsilil yéetel k-paklan áantikba». Le videooʼ ku yeʼesikeʼ Jéeobaeʼ maʼ chéen ku yaʼalik ku chʼaʼik óotsililiʼ, baʼaxeʼ ku yeʼesik (Isa. 63:​7-9). Yoʼolal le baʼax tu chaʼantoʼ le kiikoʼ tu chʼaʼtuklaj u yáantik wa máax. Teʼ kʼiinoʼ jóokʼ maaneʼ ka tu yilaj juntúul koʼolel kajaʼan teʼ calleoʼ ka tu yaʼaleʼ taak u manik janal u síitiʼ. Le ka suunaj le kiik yéetel le janaloʼ, tu yeʼesaj tiʼ le koʼolel le tratado ¿Yaan wa u xuʼulul k-muʼyaj?

Le koʼolel túunoʼ túupʼ u yokʼol, ka tu yaʼalaj tiʼ le kiikoʼ letiʼeʼ líikʼ ichil u jaajil, chéen baʼaleʼ tsʼoʼok u máan yaʼab años maʼ xiʼik muchʼtáambaliʼ. Ka tu yaʼaleʼ tsʼoʼok u sen kʼáatik tiʼ Jéeoba ka áantaʼak kaʼa suut ichil u kaajal. Le kiik túunoʼ tu tsʼáajtiʼ junpʼéel Biblia yéetel káaj u tsʼáaik xook tiʼ. a

Jeʼex Jéeobaeʼ kʼaʼabéet xan k-chʼaʼik óotsilil tiʼ tuláakal máak jeʼex k-láakʼtsiloʼob yéetel le sukuʼunoʼoboʼ. Uláakʼ bix k-eʼesik chʼaʼik óotsilileʼ letiʼe kéen kʼaʼaytajnakoʼon tiʼ tuláakal súutukiloʼ.