Wa ta xokaj u revistailoʼob Le Máax ku Kananoʼ, ¿jeʼel wa u páajtal a núukik le kʼáatchiʼobaʼ?

¿Baʼax táakaʼan ichil u ‹kʼexik u tuukul› máak? (Rom. 12:2).

Utiaʼal u kʼexik u tuukul máakeʼ maʼ chéen kʼaʼabéet u beetik baʼaloʼob maʼalobtakiʼ. Baʼaxeʼ kʼaʼabéet xan u xakʼaltik bix u tuukul, yéetel u beetik le kʼeexoʼob kʼaʼabéet utiaʼal u kuxtal jeʼex u yaʼalik u Tʼaan Diosoʼ (w23.01, pág. 8, 9).

¿Bix unaj k-ilik le baʼaloʼob táan u yúuchloʼoboʼ?

Maʼalob ka pʼáatkoʼon pendienteil tiʼ le baʼaxoʼob ku yúuchul way yóokʼol kaabeʼ tumen yaʼab tiʼ le baʼaloʼobaʼ táan u béeykuntkoʼob profecíaʼob. Pero unaj k-kanáantik baʼax k-aʼalik tumen wa maʼeʼ jeʼel k-beetik u jatskuba le múuchʼuliloʼ. Le baʼax k-aʼalikoʼ kʼaʼabéet de acuerdo yéetel baʼax ku yaʼalik u kaajal Jéeoba (1 Cor. 1:10; w23.02, pág. 16).

¿Baʼax u jelaʼanil u yokjaʼ Jesús tiʼ u yokjaʼ u discípuloʼoboʼ?

Jesúseʼ maʼ kʼaʼabéetchaj u kʼubik u kuxtal tiʼ Diosiʼ tumen síij tiʼ junpʼéel kaaj kʼubaʼan tiʼ Dios. Maʼ kʼaʼabéetchaj u arrepentir tiʼ u kʼebanoʼob mix u kʼáatik junpʼéel maʼalob conciencia tiʼ Diosiʼ tumen letiʼeʼ perfecto (w23.03, pág. 5).

¿Baʼax jeʼel k-beetik utiaʼal ka páajchajak u comentar u maasileʼ?

Maʼ unaj u sen chowaktal k-comentarioiʼ, beyoʼ yaan u yantal tiempo utiaʼal u táakpajal u maasil (w23.04, pág. 23).

¿Baʼax le «Bej Santo» ku yaʼalik Isaías 35:8?

Le israelitaʼob lukʼoʼob Babiloniaoʼ tu bisoʼob junpʼéel «Bej Santo», lelaʼ u kʼáat u yaʼaleʼ kuxlajoʼob jeʼex uts tu tʼaan Jéeobaoʼ. Teʼ kʼiinoʼobaʼ le bejaʼ káaj u preparartaʼal yaʼab años antes tiʼ 1919, letiʼe ka káaj u traducirtaʼal yéetel u imprimirtaʼal le Bibliaoʼ. Le bejaʼ ku biskoʼon tiʼ junpʼéel paraíso espiritual, yéetel maʼ kun xáantaleʼ yaan k-kʼamik le bendiciones ken u taas le Reinooʼ (w23.05, pág. 15-19).

¿Baʼax ku chíikbesik le kaʼatúul koʼoleloʼob ku chʼaʼachiʼitaʼal teʼ Proverbios capítulo 9?

Le máaxoʼob ku kʼamkoʼob u invitación le «x-maʼ naʼat koʼolel[oʼ]» yaan u tsʼoʼokoloʼob «tu taamil le Muknaloʼ». Pero le máaxoʼob ku kʼamkoʼob u invitación le koʼolel ku chíikbesik «le naʼatoʼ» kiʼimak u yóoloʼob yéetel yaan u kuxtaloʼob utiaʼal mantatsʼ (Pro. 9:​1, 6, 13, 18; w23.06, pág. 22-24).

¿Bix tu yeʼesil Jéeoba kabal u yóol yéetel ku chʼaʼik óotsilil?

Jéeobaeʼ tu yaʼalaj tiʼ Lot ka lukʼuk Sodoma utiaʼal u bin teʼ montañaʼoboʼ. Pero Loteʼ tu kʼáataj ka chaʼabak u bin Zóar, Jéeoba túuneʼ tu chaʼajtiʼ (w23.07, pág. 21).

¿Baʼax jeʼel a beetik wa a wíichameʼ ku chaʼantik pornografía?

Yáaxeʼ kʼaʼajseʼ maʼ a culpaiʼ yéetel ilawil a maas natsʼkaba tiʼ Jéeoba. Tuukulnen xan tiʼ u ejemplo le koʼoleloʼob sufrirnajoʼob ku yaʼalik le Biblia yéetel líiʼsaʼab u yóoloʼob tumen Jéeobaoʼ. Áant a wíicham utiaʼal maʼ u kaʼa lúubul tiʼ le viciooʼ (w23.08, pág. 14-17).

¿Bix jeʼel u yáantkoʼon le naʼatil le kéen kʼáataktoʼon baʼaxten k-creertik wa baʼaxoʼ?

Le naʼatoʼ yaan u yáantkoʼon k-il bey u súutukil utiaʼal k-ojéeltik baʼax ku tuklik yéetel baʼax chiʼichnakkúuntik le máax yéetel k-tsikbaloʼ. Tsʼoʼoleʼ yaan u yáantkoʼon utiaʼal k-núukik yéetel utsil le baʼax ku kʼáatkoʼ (w23.09, pág. 17).

¿Baʼax k-kanik tiʼ le baʼax tu beetaj María le ka kʼubentaʼabtiʼ junpʼéel nojoch meyajoʼ?

Ka tu yojéeltaj yaan u beetkuba u maama le Mesíasoʼ tu kʼáataj u yáantaj u maasil. Ángel Gabriel yéetel Elisabeteʼ tu líiʼsoʼob u yóol yéetel u Tʼaan Dios. Toʼon xaneʼ jeʼel k-áantaʼal tumen le sukuʼunoʼoboʼ (w23.10, pág. 15).

¿Bix u núukik Jéeoba k-oraciónoʼob?

Jéeobaeʼ ku chʼenxikintik k-oraciónoʼob, pero táanileʼ ku yilik wa maʼ tu bin tu contra le baʼax u kʼáatoʼ (Jer. 29:12). Pero kʼaʼajaktoʼoneʼ maʼ junpʼéeliliʼ bix u núukik k-oraciónoʼobiʼ (w23.11, pág. 21, 22).

Wa tsʼoʼok u chʼaʼchiʼitaʼal le esperanza teʼ Romanos 5:​2, ¿baʼaxten kaʼa aʼalaʼab teʼ versículo 4?

Ka t-yáax uʼuyaj u promesail le Paraíso way Luʼumeʼ káaj u yantaltoʼon esperanza, yéetel maas nojochchaj le ka chúukpaj k-óol k-aktáant problemas bey xan ka t-ojéeltaj kʼamaʼanoʼon tumen Dios (w23.12, pág. 12, 13).