Séeb u tuʼubul tiʼ máak le baʼax ku xokikoʼ. Chéen baʼaleʼ, ¿baʼaxten túun maʼ tu tuʼubultoʼon le baʼaxoʼob tu yaʼalaj Jesúsoʼ? Tumen tiʼ letiʼeʼ meyajnaj ejemploʼob le ka kaʼansajnajoʼ. Leloʼ ku yáantkoʼon k-imaginart le baʼax tu yaʼaloʼ. Toʼon xaneʼ wa ku suuktal k-dibujartik le baʼax k-xokikoʼ maas yaan u pʼáatal t-tuukul.

Le máaxoʼob ku dibujarkoʼob le baʼaxoʼob ku xokikoʼoboʼ tsʼoʼok u tsʼáaikoʼob cuentaeʼ maʼ tu jáan tuʼubultiʼob le baʼaxoʼob ku kankoʼoboʼ. Utiaʼal a beetik lelaʼ maʼ kʼaʼabéet jach a wojel dibujariʼ. Tsʼoʼok u yilaʼal xaneʼ le máaxoʼob yaan u jaʼabiloʼoboʼ wa ku dibujarkoʼob le baʼax ku xokikoʼoboʼ maas ku kʼaʼajsikoʼob le baʼax tu kanoʼoboʼ.

Le kéen xooknakecheʼ dibujart le baʼax ka kanikoʼ. Yaan a tsʼáaik cuentaeʼ maʼ kun jáan tuʼubultech le baʼax ta kanoʼ.