Xok Jeremías 38:​1-13 utiaʼal maʼ a chʼaʼik saajkil jeʼex tu beetil profeta Jeremías yéetel Ébed-mélekeʼ.

Xakʼalt le contekstooʼ. ¿Bix úuchik u yeʼesik maʼ sajak Jeremías le ka tu yaʼalaj le baʼax kʼubéentaʼabtiʼ tumen Jéeobaoʼ? (Jer. 27:​12-14; 28:​15-17; 37:​6-10). ¿Baʼax tu beetaj le máakoʼob le ka tu yuʼuboʼob le baʼax tu yaʼaloʼ? (Jer. 37:​15, 16).

Xakʼalxokt uláakʼ baʼaloʼob. ¿Baʼax táan kaʼach u yaʼalaʼal tiʼ Jeremías ka u beete? (mwbr17.4). Investigart bix le cisternaʼob úuchjeakiloʼ (it-1-S pág. 489). ¿Bix wal tu yuʼubiluba Jeremías le tiaʼan teʼ cisternaoʼ yéetel táan kaʼach u tsʼóopol teʼ luukʼoʼ? Maʼ xaaneʼ, ¿baʼax tiʼ sajakchaj Ébed-mélek? (w12-S 1/5 pág. 31 párr. 2, 3).

Tukult baʼax ku kaʼansiktech yéetel bix jeʼel a tsʼáaik ichil a kuxtaleʼ. Tukulte:

• «Le tsikbalilaʼ, ¿baʼax ku kaʼansikten yoʼolal bix u kanáantik Jéeoba le máaxoʼob chúukaʼan u yóoloʼob tiʼ letiʼoʼ?» (Sal. 97:10; Jer. 39:​15-18).

• «¿Tiʼ baʼax súutukiloʼob maʼ unaj in chʼaʼik saajkiliʼ?».

• «Le kéen túulchʼintaʼaken in beet baʼax kʼaaseʼ, ¿bix jeʼel in weʼesik maʼ saajken in beet baʼax maʼalobeʼ?» (w11 1/4 pág. 30). a