Tuláakal le túumben baʼaloʼob ku naʼaksaʼaloʼoboʼ ku tsʼaʼabal teʼ jaats «Lo nuevo» yaan teʼ JW Library^® yéetel «U túumbenil» yaan teʼ jw.org. ¿Bix jeʼel u meyajtoʼoneʼ?

• Cada ken naʼaksaʼak junpʼéel túumben baʼaleʼ ku tsʼaʼabal teʼ jaats tuʼux unaj u binoʼ. Kéen tsʼoʼokok túuneʼ le jaatsoʼ ku chíikpajal teʼ tuʼux ku yaʼalik «Lo nuevo» utiaʼal ka páajchajak u descargartaʼal. ¿Bix túun jeʼel a kaxtik le túumben baʼal naʼaksaʼaboʼ? Utiaʼal leloʼ jeʼekʼabt le jaats ta descargartoʼ tsʼoʼoleʼ ka yéeyik tuʼux ku yaʼalik «Fecha». Le yáax xook ku chíikpajloʼ letiʼe túumbenoʼ.

• Le publicaciónoʼob jeʼex le revistaʼoboʼ maʼ xaaneʼ maʼ junpuul a láaj xokikiʼ. Utiaʼal maʼ u saʼataltecheʼ jeʼel u páajtal a tsʼáaik teʼ jaats tuʼux ku yaʼalik «Favoritos», beyoʼ maas séeb ken a kaxtil utiaʼal u seguer a xokik. Kéen tsʼoʼokkecheʼ ka luʼskiʼ.

Maʼ tuláakal baʼal ku tsʼaʼabal teʼ JW Libraryoʼ. Yaneʼ chéen ku tsʼaʼabal teʼ jw.org, jeʼex le noticiaʼoboʼ. Cada wa baʼax kʼiineʼ ilawil a wokol teʼ jaats «U túumbenil» utiaʼal a wilik le túumben baʼaloʼob tsʼaʼanoʼoboʼ.