Toʼoneʼ chéen ku páajtal u perdonartaʼal k-kʼebanoʼob yoʼolal le boʼol tu beetaj Jesús le ka tu kʼubaj u kuxtaloʼ (Efe. 1:7). Kex beyoʼ le Bibliaoʼ ku yaʼalikeʼ «Dioseʼ chúukpaj u yóol u perdonart le kʼebanoʼob beetaʼab úuchjeakil» wa antes tiʼ u kʼubik u kuxtal Jesúsoʼ (Rom. 3:25). ¿Baʼaxten de acuerdo yéetel u justicia Jéeoba le úuchik u perdonartik le kʼebanoʼob beetaʼab antes tiʼ u kʼubik u kuxtal Jesúsoʼ?

Jéeobaeʼ tu yaʼaleʼ yaan u yantal juntúul «chʼiʼibal» utiaʼal u salvartik le máaxoʼob ken u tsʼáa u fejoʼob tiʼ letiʼoʼ. Desde le kʼiin jeʼeloʼ tu táan letiʼeʼ bey tsʼokaʼaniliʼ u boʼotaʼal u tojol u salvartaʼaloʼobeʼ (Gén. 3:15; 22:18). Jéeobaeʼ u yojleʼ le kéen kʼuchuk u kʼiinileʼ u Hijoeʼ yaan u yóotik u kʼub u kuxtal utiaʼal u salvartik le máakoʼoboʼ (Gál. 4:4; Heb. 10:​7-10). Le tiaʼan Jesús way Luʼumeʼ tsʼaʼab u páajtalil tiʼ u perdonartik le kʼebanoʼob tak antes tiʼ u kʼubik u kuxtaloʼ. Le máaxoʼob tu tsʼáaj u fejoʼob tiʼ letiʼoʼ tu perdonartoʼob tu yoʼolal le u kuxtal ken u kʼuboʼ (Mat. 9:​2-6).