¿Ku difíciltaltech wa a kʼaʼajsik le baʼax táant a xokikoʼ? Tiʼ tuláakloʼon ku yúuchul leloʼ. ¿Baʼax túun jeʼel u yáantkoʼoneʼ? Letiʼe k-repasartik le baʼaxoʼob maas kʼaʼanaʼantakoʼ.

Le kéen xakʼalxooknakecheʼ ilawil a jeʼelel utiaʼal a jáan tuukul tiʼ le baʼaxoʼob táan a kanikoʼ. Lelaʼ letiʼe baʼax tu yaʼalaj Apóstol Pablo ka u beet le sukuʼunoʼob yéetel le kiikoʼob táan kaʼach u xakʼalxoktikoʼob u cartaoʼ. Letiʼeʼ tu yaʼalaj: «Le baʼax maas kʼaʼanaʼan ichil le baʼaxoʼob táan k-aʼalikoʼ letiʼ lelaʼ» (Heb. 8:1). Yéetel le tʼaanoʼobaʼ Pabloeʼ tu yáantaj le sukuʼunoʼob u naʼatoʼob le baʼax ku yaʼalikoʼ bey xan utiaʼal u yilkoʼob bix u kʼaxkuba le baʼax tu yaʼaloʼ.

Cada ken xakʼalxooknakecheʼ ilawil a jóoʼsik kex 10 minutos utiaʼal a tuukul tiʼ le baʼaxoʼob maas kʼaʼanaʼantakoʼ. Wa ku chan difíciltaltech a kʼaʼajsik le baʼaxoʼob maas kʼaʼanaʼantakoʼ jeʼel u páajtal a kaʼa xokik le subtítuloʼoboʼ wa u yáax oraciónil cada párrafo. Le kéen a kan junpʼéel túumben baʼaleʼ ilawil wa jeʼel u páajtal a tsolikeʼ. Wa ka repasartik le baʼaxoʼob maas kʼaʼanaʼantakoʼ yaan u maas pʼáatal ta tuukul le baʼax ka xokikoʼ. Tsʼoʼoleʼ yaan xan u béeytal a wilik bix jeʼel a tsʼáaik ichil a kuxtaleʼ.