Le taatatsiloʼoboʼ yaantiʼob u responsabilidadil u kaʼansik u paalaloʼob yoʼolal Jéeoba (Efe. 6:4). Chéen baʼaleʼ maʼ tu juunal yanoʼobiʼ tumen u kaajal Jéeobaeʼ tsʼoʼok u jóoʼsik yaʼab baʼaloʼob utiaʼal u yáantik le taatatsiloʼoboʼ. ¿Tuʼux jeʼel a kaxtik le áantajoʼobaʼ?

• Teʼ JW.ORG, yaan yaʼab baʼaloʼob utiaʼal mejen paalaloʼob bey xan utiaʼal táankelmoʼobiʼ, por ejemploeʼ yaan videoʼob yéetel uláakʼ baʼaloʼobiʼ. a Utiaʼal a kaxtikeʼ ookkech teʼ jaats «U kaʼansaj le Bibliaoʼ», tsʼoʼoleʼ ooken tuʼux ku yaʼalik «Mejen paalal» wa «Paalaloʼob».

• Yéey baʼax a kʼáat a kaʼans tiʼ a paalal teʼ jaats «Mejen paalal».

• Tsikbalt yéetel a paalal le baʼax ta yéeyeʼexoʼ. Ilawil maʼ u meyajtech le videoʼob yéetel le uláakʼ baʼaloʼob chéen utiaʼal a náaysik u yóol a paalaloʼ. Baʼaxeʼ meyajnaktech utiaʼal a kaʼansik a paalal u bisubaʼob yéetel Jéeoba.