Juntúul sukuʼun yéetel u yataneʼ sáamsamal de tempranoeʼ ku xokikoʼob u tsikbalil u kuxtal le sukuʼunoʼoboʼ. Letiʼobeʼ ku yaʼalikoʼob: «Le baʼax k-xokikoʼ jach ku líiʼsik yéetel ku kiʼimakkúuntik k-óol. Ku kʼaʼajsiktoʼon jeʼel u páajtal u chúukpajal k-óol kex jeʼel baʼaxak táan k-aktáantikeʼ». Juntúul kiikeʼ ku yaʼalik xan: «Jach ku kʼuchul tin puksiʼikʼal u tsikbalil u kuxtal le sukuʼunoʼoboʼ yéetel jach ku líiʼsik in wóol. Kin wilkeʼ jach yaan u biilal u kuxtaloʼob. Le baʼax ku tsikbaltikoʼoboʼ ku yáantken utiaʼal in maas tsʼáaik in wóol kʼaʼaytaj. Ku yeʼesikten xan bix jeʼel in wáantik in paalal utiaʼal ka u tsʼáa u yóoloʼob u meyajtoʼob Jéeobaeʼ».

U tsikbalil u kuxtal le sukuʼunoʼoboʼ jeʼel u yáantkech utiaʼal ka a tsʼáa metas ichil a kuxtaleʼ, a pʼatik wa baʼax maʼ maʼalob ka beetkiʼ yéetel u chúukpajal a wóol kéen a aktáant pruebaʼob. ¿Tuʼux jeʼel a kaxtik le tsikbaliloʼobaʼ?

• Ooken jw.org wa JW Library® teʼ jaats «Baʼaxoʼob ku taasik», tsʼoʼoleʼ kaxt le jaats «Kʼaj óolt bix u kuxtal jujuntúul u testigoʼob Jéeoba».

• Teʼ BIBLIOTECA ICH INTERNET tiʼ le Watchtoweroʼ^™ kaxt «Kʼaj óolt bix u kuxtal jujuntúul u testigoʼob Jéeoba».