¿Yaan wa u kaʼa kuxtal le kimenoʼoboʼ?
Mix máak ku púutsʼul tiʼ le kíimiloʼ. ¿Tiʼ wa ku tsʼoʼokol u kuxtal máakiʼ? ¿Tuʼubsaʼanoʼob wa tumen Dios? ¿Yaan wa u kʼuchul u kʼiinil u kaʼa líiʼsaʼaloʼob?
BAʼAX KU YAʼALIK LE BIBLIAOʼ:
DIOSEʼ MAʼ U TUʼUBSMAJ LE KIMENOʼOBOʼ
«Tuláakal le máaxoʼob yanoʼob ichil le muknaloʼoboʼ [...] yaan u jóokʼloʼob» (Juan 5:28, 29).
Dioseʼ maʼ u tuʼubsmaj le kimenoʼoboʼ. Letiʼeʼ yaan u kaʼa kuxkíintik le máaxoʼob yanoʼob tu tuukuloʼ.
YAAN U KAʼA KUXTALOʼOB WAY LUʼUMEʼ
Yaan «u kaʼa kuxkíintaʼal le kimenoʼob jeʼex u yaʼalmil Diosoʼ, le utsoʼoboʼ bey xan le kʼasaʼanoʼoboʼ» (Baʼaxoʼob [Hechos] 24:15).
U millonesil máakoʼobeʼ yaan u kaʼa kuxkíintaʼaloʼob yéetel yaan u páajtal u kuxtaloʼob mantatsʼ ich jeetsʼelil.
JACH TU JAAJIL YAAN U KAʼA KUXKÍINTAʼAL LE KIMENOʼOBOʼ
‹Letiʼ aʼalik jaypʼéel estrellaʼob kun antal, letiʼ xan tsʼáaik u kʼaabaʼob› (Salmo 147:4).
Wa Dios ku béeytal u kʼaʼajsik bix u kʼaabaʼ cada junpʼéel estrellaeʼ, u kʼáat u yaʼaleʼ jeʼel xan u béeytal u kʼaʼajsik le máaxoʼob ken u kaʼa kuxkíintoʼ.
Maʼ xaaneʼ jeʼel u yutstal xan ta wicheʼ
BAʼALOʼOB KU NÚUKAʼAL TEʼ BIBLIAOʼ
¿Baʼax ku yaʼalik le Biblia yoʼolal u kaʼa kuxkíintaʼal máakoʼ?
Ilawil máaxoʼob kun kaʼa kuxkíintbiloʼob
