¿Jeʼel wa u páajtal a núukik jujunpʼéel baʼaxoʼob tsoʼol tiʼ u revistailoʼob U Pʼíich Tulumil Kanan 2019?

¿Baʼax u kʼáat u yaʼal le baʼax tu yaʼalaj Diosaʼ: «Maʼ yanak máax beetik u nuʼukul baʼateʼel utiaʼal a xuʼulsaʼaliʼ»? (Isa. 54:17).

Jeʼex junpʼéel pakʼ ku kanáantik máak tiʼ junpʼéel chak ikʼaleʼ, Jéeoba xaneʼ ku kanáantkoʼon tiʼ u muukʼ le «tsʼíitsʼik máakoʼob[oʼ]» (Isa. 25:4, 5). Le máaxoʼob pʼekmiloʼonoʼ maʼ ken u beetoʼob k-muʼyaj utiaʼal mantatsʼ (w19.01, táan juʼun 6, 7).

Le bix tu tratartil Dios le cananeoʼob yéetel le israelitaʼoboʼ, ¿bix u yeʼesik u justicia?

Jéeobaeʼ tu castigartaj le máaxoʼob núupkʼebanchajoʼob yéetel tu beetoʼob kʼaas tiʼ le koʼoleloʼob yéetel tiʼ le paalaloʼoboʼ. Baʼaleʼ tu bendecirtaj le máaxoʼob tu beetoʼob baʼaloʼob maʼalobtakoʼ (w19.02, táan juʼun 22, 23).

¿Baʼax ken k-beet wa juntúul máax maʼ Testigoeʼ ku beetik junpʼéel oración t-táan?

Jeʼel u páajtal k-chéen uʼuyikeʼ yéetel k-eʼesik tsiikil. Baʼaleʼ maʼ ken k-aʼal «ka béeyak» yéetel maʼ ten k-mach k-kʼab yéetel u maasil le táan u beetaʼal le oracionoʼ. Maʼ xaaneʼ jeʼel u páajtal k-beetik k-oración t-tuukuleʼ (w19.03, táan juʼun 31).

¿Junpʼéel kʼaakʼas kʼeban wa u beetaʼal kʼaas tiʼ le mejen paalaloʼoboʼ?

U beetaʼal kʼaas tiʼ le mejen paalaloʼoboʼ junpʼéel kʼeban tu contra le máax ku beetaʼal kʼaas tiʼoʼ, tu contra le múuchʼuliloʼ, tu contra le autoridadoʼoboʼ yéetel tu contra Jéeoba. Teʼ tuʼuxoʼob ku yaʼalik le autoridadoʼob unaj u denunciartaʼal le máax ku beetik kʼaas tiʼ juntúul chan paaloʼ, le ancianoʼoboʼ ku yilik u beetkoʼob (w19.05, táan juʼun 9, 10).

¿Bix jeʼel u kʼexik máak le muukʼ nuʼuktik u tuukuloʼ?

Kʼaʼabéet k-beetik óoxpʼéel baʼal: unaj k-orar tiʼ Jéeoba, k-tuukul tiʼ baʼax k-xokik utiaʼal k-ilik bix jeʼel u yáantkoʼoneʼ yéetel k-yéeyik tubeel k-amigoʼob (w19.06, táan juʼun 11).

¿Baʼax unaj k-beetik desde bejlaʼa utiaʼal k-aktáantik le chʼaʼpachtajiloʼ?

Unaj k-jach creertik yaabiltaʼanoʼon tumen Jéeoba yéetel mix bikʼin ken u pʼatoʼon, unaj k-xokik le Biblia sáamsamaloʼ yéetel k-orar mantatsʼ. Tsʼoʼoleʼ unaj k-creertik yaan u béeytal tuláakal le baʼaxoʼob ken u beet u Reino Diosoʼ, k-kanik de memoriail le tekstoʼob jatsʼuts k-ilkoʼoboʼ bey xan le kʼaayoʼob utiaʼal k-nojbeʼenkúuntik Jéeobaoʼ (w19.07, táan juʼun 2-4).

¿Baʼax jeʼel k-beetik utiaʼal k-áantik k-láakʼtsiloʼob u salvartubaʼobeʼ?

Unaj k-naʼatik bix u yuʼubikubaʼob, k-beetik baʼax maʼalob u yiloʼob, u chúukpajal k-óol tiʼob yéetel k-tratartikoʼob maʼalob (w19.08, táan juʼun 15-17).

Jeʼex u yaʼalik Mateo 11:28, ¿bix u beetik k-jeʼelsikba Jesús?

Le máaxoʼob u tsʼaamaj utiaʼal nuʼuktikoʼonoʼ jatsʼuts u modosoʼob, k-múul meyaj yéetel máaxoʼob maʼalob u biskubaʼob yéetel táan k-beetik u maas maʼalobil meyaj (w19.09, táan juʼun 23).

¿Bix u tsʼáaiktoʼon Dios u tsʼíibolalil yéetel u muukʼil k-beetik wa baʼax? (Fili. 2:13).

Kéen k-xok wa baʼax tekstoil tiʼ le Biblia yéetel kéen tuukulnakoʼon tu yoʼolaloʼ, Dioseʼ ku tsʼáaiktoʼon u tsʼíibolalil yéetel u muukʼil k-beetik wa baʼax. Jeʼel xan u tsʼáaiktoʼon u kiliʼich muukʼ utiaʼal k-maas maʼalobkíintik le baʼaxoʼob k-ojel k-beetoʼ (w19.10, táan juʼun 21).

¿Baʼax unaj k-beetik táanil tiʼ k-chʼaʼtuklik wa baʼax?

Cinco baʼaloʼob unaj k-beetik: k-kaxtik áantaj, k-kʼáatik tiʼ Dios ka u tsʼáatoʼon naʼat, k-tuklik baʼaxten k-kʼáat k-beete, k-tsʼáaik t-tuukul yaan k-beetik yéetel k-naʼatik maʼ tu páajtal k-beetik tuláakal baʼal (w19.11, táan juʼun 27-29).

Le ka tu yaʼalaj Satanás tiʼ Eva maʼ tun kíimiloʼ, ¿tiʼ wa káaj u creertaʼal yaan baʼax ku pʼáatal kuxaʼanil tiʼ máak kéen kíimkiʼ?

Maʼ xaaneʼ maʼ tiʼ káaj u creertaʼaliʼ. Le Kʼaasilbaʼaloʼ maʼ tu yaʼalaj tiʼ Eva wa chéen u wíinklil kun kíimil yéetel yaan baʼax kun pʼáatal kuxaʼanil tiʼiʼ. Tsʼoʼoleʼ le ka taal le Búulkabaloʼ xuʼulsaʼab tuláakal le maʼ jaajil kaʼansajoʼoboʼ. Maʼ xaaneʼ le kaʼansajaʼ káaj antes u xaʼakʼbesaʼab u tʼaan le máakoʼob tu torreil Babeloʼ (w19.12, táan juʼun 15).