TU JAʼATSKABIL miércoles 24 tiʼ enero tiʼ 2018, tsʼaʼab u yojéelt le sukuʼunoʼob ku meyajoʼob tu Betelil Estados Unidos yéetel Canadá tsʼoʼok u táakbesaʼal le sukuʼun Kenneth Cook, hijotsil, ichil le Cuerpo Gobernante tiʼ u J-jaajkunajoʼob Jéeobaoʼ.

Le sukuʼunoʼ síij yéetel nojochchaj tu kaajil Pensilvania (Estados Unidos). Kaʼansaʼabtiʼ baʼax ku yaʼalik le Biblia tumen juntúul u yéet xook táanil tiʼ u tsʼoʼoksik u secundaria yéetel okjaʼanaj tu kʼiinil 7 tiʼ junio tiʼ 1980. Káaj u beetik u precursor regularil tu kʼiinil 1 tiʼ septiembre tiʼ 1982. Kaʼapʼéel año tiʼ leloʼ invitartaʼab meyaj Betel. Letiʼeʼ káaj u meyaj Wallkill (Nueva York) tu kʼiinil 12 tiʼ octubre tiʼ 1984.

Ichil le veinticinco años máanoʼ, le sukuʼun Cookoʼ meyajnaj teʼ imprentaoʼ bey xan tu Oficinail Betel. Tu jaʼabil 1996, tsʼoʼok u beel yéetel juntúul kiik ku kʼaabaʼtik Jamie, ka xan invitartaʼab meyaj Wallkill. Tu mesil diciembre tiʼ 2009, máansaʼaboʼob teʼ Centro Educativo tiʼ le Watchtower yaan tu kaajil Pattersonoʼ, teʼeloʼ le sukuʼunoʼ meyajnaj tu departamentoil Correspondencia yéetel Redacción. Tu mesil abril tiʼ 2016, suunajoʼob Wallkill, baʼaleʼ maʼ xáanchajeʼ ka jel túuxtaʼaboʼob Brooklyn. Cinco meses xiʼikoʼobeʼ, ka máansaʼaboʼob teʼ túumben oficinaʼob yaan tu kaajil Warwickoʼ. Tu mesil enero tiʼ 2017, le sukuʼun Cookoʼ tsʼaʼab áantaj teʼ Comité tiʼ Redacción tiʼ le Cuerpo Gobernanteoʼ.