Maʼ xaaneʼ kex pʼektaʼanecheʼ mix juntéen beetaʼaktech loob, chéen baʼaleʼ seguro tsʼoʼok a wilik bix u beetaʼal loob tiʼ uláakʼ máakoʼob. Teʼ noticiaʼoboʼ suuk u yúuchul tʼaan tiʼ máakoʼob ku beetaʼaltiʼob loob tumen pʼektaʼanoʼob yoʼolal tuʼux u taaloʼob, yoʼolal u razaʼob wa tumen homosexualoʼob. Le oʼolal yaʼab gobiernoʼobeʼ ku tsʼáaikoʼob leyoʼob utiaʼal u xuʼulul u beetaʼal loob tiʼ le máaxoʼob pʼektaʼanoʼoboʼ.

U suukileʼ le máaxoʼob ku beetaʼaltiʼob looboʼ ku yilik u vengarkubaʼob. Le oʼolal maʼ tu xuʼulul u pʼektikuba máak.

Maʼ xaaneʼ techeʼ tsʼoʼok a pʼaʼastaʼal, tsʼoʼok a poʼochʼol wa tsʼoʼok u yaʼalaʼal yaan u beetaʼaltech loob. Chéen baʼaleʼ yaan uláakʼ máakoʼobeʼ tsʼoʼok u jaʼatsʼloʼob, tsʼoʼok u loʼoxloʼob, tsʼoʼok u violartaʼaloʼob wa hasta tsʼoʼok u kíimsaʼaloʼob.

Le revistaaʼ yaan u yeʼesikeʼ jeʼel u xuʼulul u pʼektikuba máakeʼ, tsʼoʼoleʼ yaan u núukik le kʼáatchiʼobaʼ:

• ¿Baʼaxten jach yaan pʼektajil?

• ¿Bix jeʼel u xuʼulul le pʼektajiloʼ?

• ¿Yaan wa u kʼuchul u kʼiinil u xuʼulul le pʼektajiloʼ?