1. 1. LE KʼAASILBAʼALOʼ. Letiʼeʼ juntúul ángel kaʼachi, chéen baʼaleʼ líikʼ tu contra Dios. Maases letiʼ beetik u pʼektikuba máak. Dioseʼ yaan u xuʼulsik tiʼ le Kʼaasilbaʼaloʼ bey xan tiʼ tuláakal le máaxoʼob maʼ tu xuʼulul u pʼektikoʼob u yéet máakiloʼ (Salmo 37:38; Romanos 16:20).

2. 2. LE KʼASAʼAN YÓOKʼOL KAABAʼ. Dioseʼ yaan u xuʼulsik tiʼ tuláakal le políticoʼob yéetel u nuuktakil le religiónoʼob ku beetkoʼob u yantal pʼektajiloʼ. Yaan xan u xuʼulsik tiʼ tuláakal le baʼaxoʼob yaan way yóokʼol kaab ku beetkoʼob kʼaas tiʼ máakoʼ (2 Pedro 3:13).

3. 3. LE KʼEBANOʼ. Le Bibliaoʼ ku yaʼalikeʼ tuláakal máakeʼ kéen síijikeʼ u kuchmaj le kʼebanoʼ le oʼolal yaan horaeʼ le baʼax yaan tu tuukul, tu puksiʼikʼal yéetel le baʼax ku beetkoʼ maʼ maʼalobiʼ (Romanos 5:12). Tsʼoʼoleʼ máakeʼ séebaʼan u káajal u pʼektik u yéet máakil, chéen baʼaleʼ yéetel u yáantaj Dioseʼ yaan u kʼuchul u kʼiinil k-pʼáatal perfectoil yéetel yaan u xuʼulul k-pʼektik k-éet máakil (Isaías 54:13).

1. 1. MAʼ KUN ANTAL INJUSTICIA. Le yóokʼol kaabaʼ yaan u gobernartaʼal utiaʼal mantatsʼ tumen u Reino Dios yaan teʼ kaʼanoʼ (Daniel 2:44). Teʼeloʼ mix máak kun pʼektbil yéetel mix máak jelaʼan kun paktbil. Dioseʼ yaan u beetik justicia tiʼ tuláakal le máaxoʼob táan u muʼyajoʼob bejlaʼa (Lucas 18:7).

2. 2. YAAN U YANTAL JEETSʼELIL. Mix máak kun muʼyaj yoʼolal guerraʼob wa tu yoʼolal uláakʼ wa baʼax (Salmo 46:9). Way Luʼumeʼ yaan u kajtal chéen utsul máakoʼob, le oʼolal yaan u yantal jeetsʼelil (Salmo 72:7).

3. 3. YAAN U DISFRUTARTIK MÁAK LE KUXTALOʼ. Tuláakal máak ken u yeʼes yaabilaj tiʼ u yéet máakil (Mateo 22:39). Mix máak kun muʼyaj yoʼolal mix baʼal (Isaías 65:17). Le kéen xuʼuluk le pʼektajiloʼ, le máakoʼoboʼ «jach yaan u kiʼimaktal u yóoloʼob tumen mix baʼal kun beetik u chiʼichnaktaloʼob» (Salmo 37:11).

¿Uts ta tʼaan wa ka kuxlakech tiʼ junpʼéel yóokʼol kaab beyoʼ? Teʼ kʼiinoʼobaʼ u millonesil u testigoʼob Jéeoba tiʼ tuláakal yóokʼol kaabeʼ tsʼoʼok u xuʼulul u pʼektikoʼob u yéet máakiloʼob. ¿Baʼax áantoʼob? Letiʼe úuchik u tsʼáaik ichil u kuxtaloʼob le baʼax ku yaʼalik le Bibliaoʼ (Salmo 37:8). Kex jejeláas tuʼux u taaloʼobeʼ beyoʼob junpʼéel nojoch familia ku yeʼesik yaabilajeʼ (Isaías 2:2-4).

U testigoʼob Jéeobaeʼ yéetel kiʼimak óolal jeʼel u kaʼanskoʼobtech bix jeʼel a aktáantik le injusticiaʼob yéetel le pʼektajiloʼ. Le baʼax ken a kanoʼ yaan u yáantkech utiaʼal a weʼesik yaabilaj tiʼ a wéet máakil tu lugar a pʼektik. Yaan a kanik bix jeʼel a weʼesik a wutsil tiʼ tuláakal máakeʼ, tak tiʼ le máaxoʼob maʼatech u yeʼeskoʼobtech u yutsiloʼoboʼ. Le kéen a beet beyoʼ yaan u kiʼimaktal a wóol yéetel yaan a biskaba maas maʼalob yéetel u maasil. Tsʼoʼoleʼ u maas kʼaʼanaʼanileʼ yaan a wilik baʼax unaj a beetik utiaʼal a disfrutartik le kuxtal le kéen xuʼulsaʼak tiʼ le pʼektajil tumen u Reino Diosoʼ (Salmo 37:29).