Teʼ Internet yéetel teʼ noticiaʼoboʼ jach ku yúuchul tʼaan tiʼ le baʼaxoʼob ku beetaʼal tiʼ le máaxoʼob pʼektaʼanoʼoboʼ. Le baʼaxoʼob ku tsʼíibtik le máakoʼob tu correoʼob, teʼ Internet yéetel tuláakʼ tuʼuxoʼ ku yeʼesik u pʼekmoʼob u yéetel máakiloʼob. Yaʼab máakoʼobeʼ jelaʼan u paktaʼaloʼob, ku pʼaʼastaʼaloʼob, ku yaʼalaʼal baʼal tiʼob, ku amenazartaʼaloʼob wa ku beetaʼal uláakʼ wa baʼax tiʼob. ¡Le máakoʼoboʼ jach u pʼekmoʼob u yéet máakiloʼob!

Le revistaaʼ ku tsolik bix jeʼel u xuʼulul u pʼektikuba le máakoʼob way yóokʼol kaabeʼ. ¿Jeʼel wa u béeytal le baʼax ku yaʼalikoʼ? Jeʼeleʼ. Teʼ kʼiinoʼobaʼ yaʼab máakoʼob tiʼ tuláakal yóokʼol kaabeʼ tsʼoʼok u xuʼulul u pʼektikoʼob u yéet máakiloʼob.