Yaan tiʼ le profecíaʼob ku chíikpajal teʼ cuadroaʼ béeychajoʼob tiʼ junpʼéeliliʼ tiempo. Tsʼoʼoleʼ ku yeʼeskoʼob kuxaʼanoʼon tu «tsʼook kʼiinoʼob» (Dan. 12:4).

• Tekstoʼob: Apo. 11:7; 12:13, 17; 13:1-8, 12.

  Profecía: «Le tsʼíitsʼik baʼalcheʼ[oʼ]» úuch káajak u gobernar. Tu tsʼook kʼiinoʼobeʼ bey xoʼot u yúul u tsʼook tiʼ u siete pooloʼoboʼ. Kéen máanak kʼiineʼ ku yutstal yéetel tuláakal «yóokʼol kaabeʼ» ku bin tu paach. Tiʼ Satanáseʼ ku meyaj le tsʼíitsʼik baʼalcheʼ utiaʼal u «baʼateʼel tu contra u yalab u chʼiʼibal le koʼoleloʼ».

  Bix u béeytal: Ka tsʼoʼok le Búulkabaloʼ káaj u yantal gobiernoʼob tu contra Jéeoba. Ka máan maas tiʼ 3,000 años, le táan le Yáax Nojoch Guerraoʼ, Gran Bretañaeʼ pʼáat jach minaʼan u muukʼ. Baʼaleʼ le ka tu nupuba yéetel Estados Unidoseʼ kaʼa anchaj u muukʼ. Teʼ tu tsʼook kʼiinoʼobaʼ Satanáseʼ tsʼoʼok u meyajtiʼ u gobiernoiloʼob yóokʼol kaab utiaʼal u chʼaʼpachtik u kaajal Dios.

• Tekstoʼob: Dan. 11:25-45.

  Profecía: Tu tsʼook kʼiinoʼobeʼ u reyil xaman yéetel u reyil noojoleʼ ku atacarkubaʼob utiaʼal u yilkoʼob máax maas yaan u poder.

  Bix u béeytal: Alemaniaeʼ ku baʼateʼel tu contra Gran Bretaña yéetel Estados Unidos. Tu añoil 1945, Unión Soviética yéetel le luʼumoʼob áantkoʼ kʼuch u beetuba u reyil xaman. Unión Soviéticaeʼ ku saʼatal tu añoil 1991. Ka máan tiempoeʼ Rusia yéetel le luʼumoʼob áantkoʼ kʼuch u beetubaʼob u reyil xaman.

• Tekstoʼob: Isa. 61:1; Mal. 3:1; Luc. 4:18.

  Profecía: Jéeobaeʼ ku túuxtik le «máak» kun preparartik le bej táanil tiʼ u káajal u meyaj le Reinooʼ. Le «máak» ku yaʼalik le profecíaoʼ junmúuchʼ máakoʼob káaj u yaʼalik «tiʼ le utsul máakoʼob le baʼaloʼob maʼalobtak ku taal u kʼiinoʼ».

  Bix u béeytal: Desde 1870, Charles Russell yéetel u amigoʼobeʼ káaj u xakʼaltikoʼob le Biblia utiaʼal u naʼatkoʼob baʼax ku kaʼansikoʼ. Desde 1881, káaj u yilkoʼobeʼ le máaxoʼob meyajtik Diosoʼ kʼaʼabéet u kʼaʼaytajoʼob. Tu jóoʼsoʼob xookoʼob jeʼex «Táan u kaxtaʼal mil j-kʼaʼaytajoʼob» yéetel «Yéeyaʼanoʼob utiaʼal kʼaʼaytaj».

• Tekstoʼob: Mat. 13:24-30, 36-43.

  Profecía: Juntúul máakeʼ ku pakʼik trigo tu kool, taal u enemigoeʼ ka tu pakʼaj kʼaakʼas xíiwiʼ. Ka nojochchajeʼ tu pechʼaj le trigooʼ. Kéen kʼuchuk u kʼiinil u joʼochol le trigooʼ ku joʼokol le kʼaakʼas xíiwoʼ.

  Bix u béeytal: Desde 1870, ku bin u maas chíikpajal máaxoʼob adorartik Dios jeʼex u kʼáatoʼ yéetel máaxoʼob maʼ. Tu tsʼook kʼiinoʼobeʼ ku junpáaykuntaʼal le máaxoʼob meyajtik Jéeoba tiʼ le maʼ jaajil cristianoʼoboʼ.

• Tekstoʼob: Dan. 2:31-33, 41-43.

  Profecía: Le nuxiʼ imagenoʼ yéetel jejeláas baʼaloʼob beetaʼan, u yookeʼ de kʼat yéetel de fierro.

  Bix u béeytal: Le kʼatoʼ letiʼe máaxoʼob ku gobernartaʼaloʼob tumen Gran Bretaña yéetel Estados Unidosoʼ, baʼaleʼ ku tsʼáaikubaʼob tu contra le gobiernoʼobaʼ. Le oʼolal le gobiernoʼobaʼ maʼ tu páajtal u gobernaroʼob jach jeʼex u kʼáatoʼobeʼ.

• Tekstoʼob: Mat. 13:30; 24:14, 45; 28:19, 20.

  Profecía: Ku moʼolol ‹le trigooʼ› yéetel ku líiʼsaʼal teʼ «chʼiiloʼ», ku tsʼaʼabal «le esclavo chúukaʼan u yóol yéetel yaan u naʼat» utiaʼal u kanáant ‹u maasil esclavoʼoboʼ›. «Le baʼaloʼob maʼalobtak ken u beet le Reinooʼ» ku káajal u maas tsikbaltaʼal «tiʼ tuláakal yóokʼol kaab».

  Bix u béeytal: Tu añoil 1919, ku tsʼaʼabal le esclavo chúukaʼan u yóol u kanáant u kaajal Diosoʼ. Desde leloʼ le j-Xoknáaloʼob tiʼ le Bibliaoʼ tu yiloʼob u maas táakpajloʼob teʼ kʼaʼaytajoʼ. Teʼ kʼiinoʼobaʼ u testigoʼob Jéeobaeʼ ku kʼaʼaytajoʼob ich maas tiʼ 200 luʼumiloʼob, tsʼoʼoleʼ ku traduciroʼob ich maas tiʼ 1,000 idiomaʼob.

• Tekstoʼob: Dan. 12:11; Apo. 13:11, 14, 15.

  Profecía: Le tsʼíitsʼik baʼalcheʼ kaʼapʼéel u baakoʼ «ku yaʼalik tiʼ u kajnáaliloʼob luʼum ka u beetoʼob u imagenil le tsʼíitsʼik baʼalcheʼ xoʼot u yúul[eʼ]», tsʼoʼoleʼ ku «tsʼáaik kuxtal» tiʼ.

  Bix u béeytal: Gran Bretaña yéetel Estados Unidoseʼ ku apoyartaʼaloʼob tumen uláakʼ luʼumoʼob utiaʼal ka formartaʼak le Sociedad de Nacionesoʼ. Desde 1926 tak 1933, u reyil xamaneʼ táakpaj xan ichiliʼ. Le máakoʼoboʼ tu creertoʼobeʼ letiʼe Sociedad de Naciones ken u taas jeetsʼeliloʼ. Teʼ kʼiinoʼobaʼ bey u tuklaʼal yoʼolal le Naciones Unidasoʼ (ONU), baʼaleʼ k-ojel chéen u Reino Dios kun taasik jeetsʼelil.

• Tekstoʼob: Dan. 8:23, 24.

  Profecía: Juntúul rey jach tsʼíik u yilaʼaleʼ «yaan u xuʼulsik tuláakal» baʼal.

  Bix u béeytal: Gran Bretaña yéetel Estados Unidoseʼ jach yaʼab loob tsʼoʼok u beetkoʼob. Jeʼex teʼ Kaʼapʼéel Nojoch Guerraoʼ Estados Unidoseʼ tu beetaj u wáakʼal kaʼapʼéel nukuch bombaʼob tu yóokʼol u enemigoʼob.

• Tekstoʼob: Dan. 11:31; Apo. 17:3, 7-11.

  Profecía: Le «chak tsʼíitsʼik baʼalcheʼ» yaan diez u baakoʼoboʼ, ku jóokʼol tiʼ le taamkach jooloʼ yéetel letiʼ le u ocho reyoʼ. Profeta Danieleʼ tu yaʼaleʼ le reyaʼ letiʼ «le x-laʼ baʼal ku xuʼulsajoʼ».

  Bix u béeytal: Teʼ Kaʼapʼéel Nojoch Guerraoʼ xuʼul u meyaj le Sociedad de Nacionesoʼ. Baʼaleʼ ka tsʼoʼok le guerraoʼ formartaʼab le ONUoʼ. Le máakoʼoboʼ ku alabarkoʼob le ONU jeʼex tu beetiloʼob yéetel le Sociedad de Nacionesoʼ, baʼaleʼ chéen u Reino Dios unaj u alabartaʼal. Letiʼe ONU kun atacartik le religiónoʼoboʼ.

• Tekstoʼob: 1 Tes. 5:3; Apo. 17:16.

  Profecía: Yaan u yaʼalaʼal «¡tuláakal jejetsʼkil yéetel maʼalob yanil!», tsʼoʼoleʼ «le diez baakoʼob» yéetel «le tsʼíitsʼik baʼalcheʼ[oʼ]» ku atacarkoʼob le «koʼolel chéen bey u máanoʼ» yéetel ku xuʼulskoʼobtiʼ. Tsʼoʼoleʼ ku xuʼulsaʼal le luʼumoʼoboʼ.

  Bix u béeytal: Le luʼumoʼoboʼ maʼ xaaneʼ yaan u yaʼalikoʼob tuláakal jejetsʼkil yéetel maʼalob yanil. Kéen tsʼoʼokkeʼ le luʼumoʼob apoyartik le ONUoʼ yaan u xuʼulskoʼob tiʼ le maʼ jaajil religiónoʼoboʼ. Bey kun káajal le nojoch muʼyajiloʼ yéetel yaan u tsʼoʼokol kéen xuʼulsaʼak u kʼasaʼan yóokʼol kaab Satanás teʼ Armagedónoʼ.

• Tekstoʼob: Eze. 38:11, 14-17; Mat. 24:31.

  Profecía: Gogueʼ ku atacartik u kaajal Dios. Kéen tsʼoʼokkeʼ le ángeloʼoboʼ ku muchʼkoʼob le yéeyaʼanoʼoboʼ.

  Bix u béeytal: U reyil xaman yéetel le gobiernoʼoboʼ yaan u atacarkoʼob u kaajal Dios. Le maʼ úuch káajak u atacartaʼal u kaajal Diosoʼ, le yéeyaʼanoʼob pʼaatloʼob way Luʼumoʼ yaan u bisaʼaloʼob teʼ kaʼanoʼ.

• Tekstoʼob: Eze. 38:18-23; Dan. 2:34, 35, 44, 45; Apo. 6:2; 16:14, 16; 17:14; 19:20.

  Profecía: Le máax natʼmil le «sak tsíimi[noʼ]» ku «ganartik u enemigoʼob» le kéen u xuʼuls tiʼ Gog yéetel u ejército. Ku píikchʼintaʼal le «tsʼíitsʼik baʼalcheʼ» teʼ «kʼáaʼnáab de kʼáakʼ[oʼ]», yéetel ku xiixkúuntaʼal le nuxiʼ imagenoʼ.

  Bix u béeytal: Jesús, u Reyil le Reinooʼ, ku baʼateʼel tu favor u kaajal Dios. Jesús, le yéeyaʼanoʼob yéetel le ángeloʼoboʼ ku xuʼulskoʼob le kaajoʼob atacartik u kaajal Diosoʼ. Bey kun xuʼulsbil tiʼ u kʼasaʼan yóokʼol kaab Satanásoʼ.