Baʼaloʼob maʼalobtak ku kanaʼal tiʼ u Yáax Tsʼíibil Crónicas
U Tʼaan Jéeobaeʼ kuxaʼan
Baʼaloʼob maʼalobtak ku kanaʼal tiʼ u Yáax Tsʼíibil Crónicas
TSʼOʼOK u máan setentaisiete jaʼaboʼob suunak le israelitaʼob tu kaajaloʼoboʼ. Le templooʼ tsʼoʼok cincuentaicinco jaʼaboʼob kaʼa líiʼsaʼak tumen le gobernador Zorobabeloʼ. Le judíoʼoboʼ suunajoʼob kaʼach tu kaajil Jerusalén utiaʼal ka u adorartoʼob Jéeoba tu kaʼatéen, baʼaleʼ tsʼoʼok u pʼáatal maʼatech u jach tsʼáaik u yóoloʼob u meyajtoʼob Jéeoba. Le oʼolal jach kʼaʼabéet u líiʼsaʼal u yóoloʼob kaʼachiʼ, lelaʼ letiʼ ku beetik u Yáax Tsʼíibil Crónicas.
U Yáax Tsʼíibil Cronicaseʼ ku taasik u tsikbalil baʼax úuch ich cuarenta jaʼaboʼob, le tsikbalaʼ ku káajal ka kíim Saúl yéetel ku tsʼoʼokol ka kíim David. Ku tuklaʼaleʼ Esdras tsʼíibt le libro tu jaʼabil 460 táanil tiʼ u taal Cristo (t.t.C.). Le libroaʼ tak bejlaʼaʼ jeʼel u meyajtoʼoneʼ tumen ku tsolik bix u adorartaʼal Jéeoba tu templo kaʼachi yéetel ku tsolik xan tiʼ baʼax chʼiʼibalil kun taal le Mesíasoʼ. Le baʼax tsʼíibtaʼan teʼ libroaʼ tiʼ Dios u taal, le oʼolaleʼ jeʼel u muʼukʼankúuntik oksaj óolaleʼ yéetel jeʼel u yáantkoʼon k-maas naʼat le baʼax ku yaʼalik le Bibliaoʼ (Hebreob 4:12).
U KʼAABAʼ U CHʼIʼIBALOʼOB ISRAEL
U kʼaabaʼ u chʼiʼibaloʼob Israel tsʼíibtaʼan teʼ libroaʼ jach kʼaʼabéettakoʼob, yáaxeʼ tumen ku tsolik máaxoʼob unaj kaʼach u beetik u j-kʼiiniloʼob, bix unaj u tʼoxaʼal le erenciaʼoboʼ yéetel ku yaʼalik tiʼ baʼax chʼiʼibal kun taal le Mesíasoʼ. Le kʼaabaʼobaʼ ku káajal yéetel u kʼaabaʼ Adán, le yáax wíinik anchaj teʼ Luʼumaʼ. Yaan diez chʼiʼibaloʼob ku káajal yéetel Adán tak Noé yéetel uláakʼ diez chʼiʼibaloʼobeʼ ku káajal yéetel Noé tak Abraham. Ka tsʼoʼok u tsʼíibtaʼal u kʼaabaʼ u paalaloʼob Ismael, u paalal Cetura (uláakʼ utúul u yatan Abraham), yéetel u paalal Esaueʼ, tsʼíibtaʼab xan u kʼaabaʼ u doce paalal Israeliʼ (1 Crónicas 2:1).
Le libroaʼ maas ku tʼaan tiʼ u paalal Judá tumen ichiloʼob taal rey David yéetel uláakʼ reyoʼob. Yaan catorce chʼiʼibaloʼob ku káajal yéetel Abraham tak David, yéetel yanchaj uláakʼ catorce chʼiʼibaloʼob ku káajal yéetel David tak ka bisaʼaboʼob Babilonia (1 Crónicas 1:27, 34; 2:1-15; 3:1-17; Mateo 1:17). Esdraseʼ tu tsʼíibtaj u kʼaabaʼ le chʼiʼibaloʼob yanoʼob tu lakʼinil le Jordanoʼ ku tsʼoʼoleʼ tu tsʼíibtaj u kʼaabaʼ u paalaloʼob Leví (1 Crónicas 5:1-24; 6:1). Ka tsʼoʼok túuneʼ tu tsʼíibtaj u kʼaabaʼ le chʼiʼibaloʼob yanoʼob tu chikʼinil le Jordanoʼ yéetel u kʼaabaʼ u paalaloʼob Benjamín (1 Crónicas 8:1). Tsʼíibtaʼab xan u kʼaabaʼ u yáax kajnáaliloʼob Jerusalén le ka tsʼoʼok u suutoʼob tu kaajaloʼoboʼ (1 Crónicas 9:1-16).
U núukil kʼáatchiʼob:
1:18. ¿Máax kaʼach u taata Sala, Cainán wa Arfaxad? (Lucas 3:35, 36.) U taata Salaeʼ Arfaxad (Génesis 10:24; 11:12). Le kʼaabaʼ «Cainán» ku chíikpajal Lucas 3:36 maʼ xaaneʼ, «Caldeo» taak kaʼach u tsʼíibtaʼaliʼ. Wa beyoʼ, maʼ xaaneʼ le tekstoaʼ unaj kaʼach u yaʼalik, «u paal le Caldeo Arfaxad». Maʼ xaan xaaneʼ le kʼaabaʼ Cainán yéetel Arfaxadoʼ táan u tʼaan tiʼ utúuliliʼ máak. Yaan Bibliaʼobeʼ maʼatech u taasik le tʼaan «u paal Cainán» (ilaʼak le chan tsolaj ku taasik Lucas 3:36, NM).
2:15. ¿David wa u sietei tiʼ u paalal Isaí (Jesé)? Maʼatech. Isaíeʼ yanchaj ocho utúulul u paalal, u maas chichnileʼ David (1 Samuel 16:10, 11; 17:12). Utúul tiʼ u paalal Isaíeʼ, maʼ xaaneʼ maʼ yanchaj u paalal ka kíimiʼ. Le oʼolal maʼ tsʼíibtaʼab u kʼaabaʼ tumen Esdrasiʼ.
3:17. ¿Baʼaxten Lucas 3:27 ku yaʼalikeʼ Salatiel u paal Jeconíaseʼ, u paal Neri? U taata Salatieleʼ Jeconías. Maʼ xaaneʼ Lucaseʼ ku yaʼalik u paal Neri, tumen Salatieleʼ tsʼoʼok u beel yéetel u hija Neri. Jeʼex ka tu yaʼalaj u taata Joseiʼ Elí, tumen tsʼoʼok u beel yéetel María u hija Elí (Lucas 3:23).
3:17-19. ¿Máax kaʼach Zorobabel tiʼ Pedaías yéetel tiʼ Salatiel? U taata Zorobabeleʼ Pedaías, yéetel Salatieleʼ sukuʼuntsil tiʼ Pedaías. Baʼaleʼ yaan kʼiineʼ ichil le Bibliaoʼ ku yaʼalaleʼ u taata Zorobaleleʼ Salatiel (Mateo 1:12; Lucas 3:27). Lelaʼ ku yaʼalaʼal tumen maʼ xaaneʼ Pedaíaseʼ kíimeʼ ka nojochkíintaʼab Zorobabel tumen Salatiel, u tío. Wa maʼ xaaneʼ Salatieleʼ maʼ yanchaj u paalal ka kíimiʼ, le oʼolaleʼ Pedaíaseʼ tsʼoʼok u beel yéetel u yatan Salatiel, jeʼex u yaʼalik le Ley kaʼachoʼ, bey túunoʼ Zorobabel le yáax paal anchajoʼ yaan kʼiineʼ ku yaʼalaʼaleʼ u paal Salatiel (Deuteronomio 25:5-10).
5:1, 2. ¿Baʼax u kʼáat u yaʼal úuchik u tsʼaʼabal tiʼ José le baʼax ku kʼamik le yáax paaloʼ? Lelaʼ u kʼáat yaʼaleʼ kaʼa jaats tiʼ le erencia tsʼaʼab tiʼoʼ (Deuteronomio 21:17). Bey túunoʼ Joseiʼ tu beetuba taatatsil tu yóokʼol kaʼapʼéel chʼiʼibal, u chʼiʼibal Efraín yéetel Manasés. Uláakʼ u paalaloʼob Israeloʼ, cada utúuleʼ tu beetubaʼob taatatsilil chéen yóokʼol upʼéel chʼiʼibal.
Baʼaxoʼob ku kaʼansiktoʼon:
1:1–9:44. Le máakoʼob ku chʼaʼachiʼitaʼaloʼob teʼ capituloʼobaʼ jach tu jaajil anchajoʼob, lelaʼ ku yeʼesikeʼ le jaajil adoracionoʼ tiʼ u taal tiʼ baʼaxoʼob jach uchaʼantakeʼ, maʼ chéen tiʼ tsikbaloʼobiʼ.
4:9, 10. Jéeobaeʼ tu núukaj le payalchiʼ tu beetaj Jabes ka tu kʼáataj ka tsʼaʼabak uláakʼ kaajoʼob tiʼ utiaʼal u kajtal le máaxoʼob meyajtik Diosoʼ. Toʼon xaneʼ kʼaʼabéet k-kʼáatik tiʼ Jéeoba ka u yáantoʼon ken k-kaʼans uláakʼ máakoʼob utiaʼal ka u meyajtoʼob xan Jéeoba.
5:10, 18-22. Tu kʼiiniloʼob rey Sauleʼ, le tribuʼob yanoʼob tu lakʼinil le Jordanoʼ tu tsʼáanchaʼatoʼob le agarenoʼob kex tumen maas yaʼaboʼob tiʼ letiʼoboʼ. Lelaʼ páajchaj u beetkoʼob tumen tu kʼubaj u yóoloʼob tiʼ Jéeoba yéetel tu kʼáatoʼob áantaj tiʼ. Toʼon xaneʼ kʼaʼabéet k-kʼubik óol tiʼ Jéeoba utiaʼal ka páajchajak k-aktáantik tuláakal le baʼaxoʼob ku beetik Satanás utiaʼal k-xulik meyajtik Diosoʼ (Efesoiloʼob 6:10-17).
9:26, 27. Le levitaʼob kanáantik u joonailoʼob le templooʼ upʼéel jach nojoch meyaj yaan kaʼach tiʼob. Tiʼ letiʼob kʼubaʼan u llaveiloʼob le kúuchiloʼob maʼ tuláakal máak jeʼel u páajtal u yookloʼoboʼ. Letiʼobeʼ sáamsamal u jeʼikoʼob kaʼach u joonailoʼob le templooʼ. Tiʼ toʼon xaneʼ kʼubaʼan upʼéel nojoch meyaj: k-kʼaʼaytik le maʼalob péektsil tiʼ jeʼel jaytúul máakoʼob ku páajtaleʼ yéetel k-áantikoʼob utiaʼal ka okokoʼob ichil u kaajal Jéeoba. ¿Maʼ wa unaj k-beetik le meyaj jeʼex tu beetil le levitaʼoboʼ?
TU KʼIINILOʼOB TÁAN U REINAR DAVID
Le tsikbalilaʼ ku káajal yéetel bix úuchik u kíimil Saúl yéetel óoxtúul u paalal tiʼ upʼéel baʼateʼel anchajtiʼob yéetel le filisteoʼob tu puʼukil Gilboa. David, u paal Isaíeʼ, beetaʼab reyil yóokʼol u tribui Judá. U soldadoiloʼob tuláakal le chʼiʼibaloʼoboʼ binoʼon Hebroneʼ ka tu beetoʼob reyil David yóokʼol tuláakal u kaajil Israel (1 Crónicas 11:1-3). Maʼ úuch túuneʼ ka tu chʼaʼaj xan u kaajil Jerusalén. Ka tsʼoʼokeʼ le israelitaʼoboʼ tu bisoʼob u baʼascheʼi le núuptʼaan tu kaajil Jerusalén «yéetel u yawatiloʼob kiʼimak óolal bey xan u juum u paaxil [...] baakoʼob [...], salterioʼob yéetel arpaʼob» (1 Crónicas 15:28).
Davideʼ tu yaʼalaj taak u beetik upʼéel templo utiaʼal Jéeoba. Baʼaleʼ Jéeobaeʼ tu yaʼaleʼ Salomón u hijo kun beetik, yéetel Jéeobaeʼ tu yaʼalaj mix bikʼin kun xuʼulul tiʼ u reino David. Jéeobaeʼ tu yáantaj David utiaʼal ka u tsʼáanchaʼat le máaxoʼob pʼekmiloʼ. Kíim 70,000 máakoʼob úuchik u beetik David u xokaʼal jaytúul máakoʼob ku gobernartik, kex maʼ aʼalaʼan tiʼ ka u beetiʼ. Ka tsʼoʼok u beetik David upʼéel altar utiaʼal Jéeoba jeʼex aʼalaʼabik tiʼ tumen utúul angeleʼ, letiʼeʼ tu manaj u xóotʼ luʼum tiʼ Ornán le Jebusitaoʼ ka túun «tu nuʼukbesaj yaʼabkach baʼaloʼob» utiaʼal u beetaʼal upʼéel templo utiaʼal Jéeoba (1 Crónicas 22:5). Davideʼ tu yaʼalaj baʼax meyajil ken u beet le levitaʼoboʼ, lelaʼ ku maas tsolaʼal teʼ tu Yáax Tsʼíibil Crónicasoʼ. David yéetel le kaajoʼ síij tu puksiʼikʼaloʼob u síikoʼob yaʼab baʼaloʼob utiaʼal ka beetaʼak le templooʼ. Ka tsʼoʼok u beetik u reyil ich cuarenta jaʼaboʼobeʼ, Davideʼ «j-kíim ichil nojoch jéetsʼelil, sen yaʼabchaj u jaʼabiloʼob, u ayikʼaliloʼob yéetel u tsiikiloʼob. Ka j-kulaj Salomón u paal tu jalaʼach kʼáancheʼ» (1 Crónicas 29:28).
U núukil kʼáatchiʼob:
11:11. ¿Baʼaxten teʼ tekstoaʼ ku yaʼalikeʼ 300 máakoʼob kíimsaʼaboʼob, maʼ 800 jeʼex u yaʼalik 2 Samuel 23:8? U nojchil tiʼ u óoxtúul soldadoʼob David maʼ saajkoʼoboʼ, Jasobeam, kʼaj óolaʼan xan yéetel le kʼaabaʼ Is-Boset hacmonita [Joseb-basébet tahkemonita]. Le uláakʼ kaʼatúuloʼ Eleazar yéetel Sama (2 Samuel 23:8-11). Maʼ xaaneʼ le kaʼapʼéel tsikbal yaan teʼ kaʼapʼéel tekstoʼobaʼ cada upʼéeleʼ táan u tʼaan tiʼ yaanal baʼateʼel tu beetaj Jasobeam.
11:20, 21, NM. ¿Abisai wa u nojchil le u óoxtúul soldadoʼob David maʼ saajkoʼobeʼ? Maʼatech. Baʼaleʼ jeʼex u yaʼalik 2 Samuel 23:18, 19, letiʼeʼ u nojchil tiʼ treinta tiʼ u soldadoʼob David yéetel jach kʼaj óoltaʼabi. Letiʼeʼ jach kʼaj óoltaʼabiʼ tumen tu beetaj upʼéel baʼal jeʼex le tu beetaj Jasobeam, utúul tiʼ le óoxtúul soldadoʼob maʼ saajkoʼoboʼ.
12:8. ¿Baʼaxten ku yaʼalaʼaleʼ le soldadoʼob gaditaʼoboʼ «beyoʼob kaʼach leonoʼobeʼ»? Le soldadoʼobaʼ binoʼob u láakʼintoʼob David teʼ x-tokoy luʼumoʼ. Le tiaʼanoʼob túun yéetel Davidoʼ jach chowakchaj u tsoʼotsel u pooloʼob, le oʼolal ku yaʼalaʼal kaʼach beyoʼob leonoʼobeʼ.
13:5, NM. ¿Baʼax le u «áalkab jaʼil Egipto» ku yaʼalik le tekstoaʼ? Yaan máaxeʼ ku tuklikeʼ u xóotʼ tiʼ u áalkab jaʼi Nilo. Baʼaleʼ, maases ken u yaʼal le Biblia u áalkab jaʼi Egiptooʼ táan u tʼaan tiʼ u «tʼoʼol jaʼil tuʼux ku náakal u luʼumil Egipto». Lelaʼ tiaʼan kaʼach tu noojol chikʼin le Luʼum aʼalaʼan u tsʼaʼabal tiʼ le israelitaʼoboʼ (Números 34:2, 5; Génesis 15:18).
16:30, NM. ¿Baʼax u kʼáat u yaʼal le tʼaan «kikilankinak» ku yaʼalik le tekstoaʼ? Le tʼaanaʼ u kʼáat u yaʼaleʼ u chʼaʼabal upʼéel maʼalob saajkil tiʼ Jéeoba yéetel u yeʼesaʼal tsiikil tiʼ letiʼ.
16:1, 37-40; 21:29, 30; 22:19. Táanil tiʼ u tsʼoʼoksaʼal le templooʼ, ¿bix kaʼach u adorartaʼal Jéeoba tu luʼumil Israel le tsʼokaʼaniliʼ u taasaʼal u baʼascheʼi le núuptʼaan tu kaajil Jerusalenoʼ? Tsʼoʼok kaʼach u máan yaʼab jaʼaboʼob maʼ Jerusalén yaan u baʼascheʼi le núuptʼaanoʼ, baʼaleʼ Davideʼ tu bisaj tu kaajil Jerusaleneʼ, ka tu tsʼáaj tiʼ upʼéel chan naj u beetmaj. Le u baʼascheʼi le núuptʼaanaʼ xáanchaj tiaʼan teʼ chan najaʼ. Le tabernaculooʼ tiaʼan kaʼach tu kaajil Gabaoneʼ, teʼ túunaʼ Sadoc, u nojchil le j-kʼiinoʼob yéetel u láakʼtsiloʼobeʼ ku kʼubkoʼob kaʼach kíimsbil baʼalcheʼob tiʼ Jéeoba jeʼex u yaʼalik le Leyoʼ. Ka tsʼoʼoksaʼab túun le templooʼ le kíimsbil baʼalcheʼoboʼ xuʼul u kʼubaʼaloʼob teʼ tabernaculooʼ. Le ka tsʼoʼoksaʼab xan le templooʼ, le tabernaculooʼ luʼsaʼab tu kaajil Gabaoneʼ ka bisaʼab Jerusalén, le baʼascheʼ túunoʼ oksaʼab ich upʼéel u kúuchilil le templo tuʼux maʼ tuláakal máak jeʼel u páajtal u yokoleʼ (1 Reyes 8:4, 6).
Baʼaxoʼob ku kaʼansiktoʼon:
13:11. Ken k-beet wa baʼax maʼ tu jóokʼol tubeeleʼ maʼ unaj k-tsʼíikil ka k-aʼal maʼ tu yáantoʼon Jéeoba utiaʼal ka jóokʼok tubeeliʼ, baʼaxeʼ kʼaʼabéet k-ilik baʼax oʼolal maʼ jóokʼ tubeeliʼ. Davideʼ bey úuchik u beetikoʼ, le oʼolaleʼ ka tsʼoʼokeʼ tu bisaj le baʼascheʼ Jerusalén jeʼex u yaʼalmil Jéeobaoʼ. *
14:10, 13-16; 22:17-19. Táanil tiʼ k-beetik wa baʼax jeʼel u náachkuntkoʼon tiʼ Dioseʼ kʼaʼabéet k-kʼáatik tiʼ ka u nuʼuktoʼon utiaʼal ka k-chʼaʼatukult baʼax unaj k-beetik.
16:23-29. Mantatsʼ kʼaʼabéet k-tsʼáaik táanil ichil k-kuxtal k-meyajtik Jéeoba.
18:3. Jéeobaeʼ ku béeykuntik tuláakal baʼax ku yaʼalik. Yoʼolal Davideʼ Jéeobaeʼ tu tsʼáaj tiʼ u chʼiʼibaloʼob Abraham tuláakal u luʼumil Canaán, ku káajal «tu yáalkab jaʼil Egiptoeʼ tak tu nojoch áalkab jaʼil Éufrates» (Génesis 15:18; 1 Crónicas 13:5).
21:13-15. Jéeobaeʼ tu túuxtaj utúul ángel u xuʼuls le báan kíimiloʼ tumen ka tu yilaj bix u muʼyaj le máakoʼoboʼ jach yaachaj tu yóol. Jeʼex túun k-ilkoʼ, Jéeobaeʼ «sen nojoch u chʼaʼa óotsilil». *
22:5, 9; 29:3-5, 14-16. Kex maʼ David yéeyaʼab utiaʼal ka u beet le templooʼ tu síiaj yaʼab baʼaloʼob utiaʼal u beetaʼal. ¿Baʼaxten? Tumen letiʼeʼ u yojleʼ tuláakal baʼax yaan kaʼach tiʼeʼ tiʼ Jéeoba u taal. Wa bey xan k-tuukulaʼ yaan k-beetik jeʼex tu beetil Davidoʼ.
24:7-18. Le táan kaʼach u meyaj Zacarías teʼ templo jeʼex aʼalaʼanil tumen David kun meyaj le veinticuatro utúulul j-kʼiinoʼoboʼ, tʼanaʼab tumen u ángel Jéeobaeʼ ka aʼalaʼab tiʼeʼ yaan u yantal utúul u paal, Juan ken u tsʼáa u kʼaabaʼte. Zacaríaseʼ, utúul «tiʼ u múuchʼkabil Abias» (Lucas 1:5, 8, 9). Le jaajil adoracionoʼ tiʼ u taal tiʼ baʼaxoʼob uchaʼantakeʼ maʼ chéen tiʼ tsikbaloʼobiʼ. Ku taasik xan yaʼab utsil k-múul meyaj yéetel le «palitsil chúukpajaʼan u yóol yéetel yaan u naʼat» utiaʼal k-adorartik Jéeobaoʼ (Mateo 24:45).
Kʼaʼabéet k-meyajtik Jéeoba tu jaajil k-óol
U Yáax Tsʼíibil Cronicaseʼ maʼ chéen ku tʼaan tiʼ u chʼiʼibaliloʼob Israeliʼ. Ku tʼaan xan tiʼ bix úuchik u taasaʼal tumen David u baʼascheʼi le núuptʼaan tu kaajil Jerusalenoʼ, tiʼ baʼax kaajiloʼob tu chʼaʼaj, tiʼ baʼaxoʼob tu beetaj utiaʼal u beetaʼal le templooʼ yéetel tiʼ bix úuchik u tʼoxik le meyaj tiʼ le j-levitaʼob teʼ templooʼ. Tuláakal le baʼax tu tsʼíibtaj Esdras tu Yáax Tsʼíibil Cronicaseʼ tu yáantaj le israelitaʼob utiaʼal ka u tsʼáa u yóoloʼob u meyajtoʼob Jéeoba teʼ templooʼ.
Davideʼ tu yeʼesaj bix unaj u tsʼáaik máak táanil ichil u kuxtal u adorartik Jéeoba. Davideʼ maʼ tu kaxtaj u yutsiliʼ, letiʼeʼ tu tsʼáaj táanil u meyajtik Jéeoba. Le baʼax tu beetaj Davidaʼ unaj u péekskoʼon k-meyajt Jéeoba «yéetel tuláakal [k-puksiʼikʼal bey xan] yéetel jaaj óolal» (1 Crónicas 28:9).
[Tsolajiloʼob]
^ xóot’ol 32 Utiaʼal a wojéeltik u maasil tiʼ le yáax ka tu yóotaj David u bis u baʼascheʼi le núuptʼaan tu kaajil Jerusalenoʼ jeʼel u páajtal a wilik U Pʼíich Tulumil Kanan 1 tiʼ mayo tiʼ 2005, táan juʼun 29 tak 32.
^ xóot’ol 36 Utiaʼal a wojéeltik u maasil tiʼ le úuchik u beetik David u xokaʼal jaytúul máaxoʼob ku gobernartikeʼ, jeʼel u páajtal a wilik U Pʼíich Tulumil Kanan 1 tiʼ mayo tiʼ 2005, táan juʼun 29 tak 32.
[U tsolajil le oochel teʼ táan juʼun 24]
Adán
[U tsolajil le oochel teʼ táan juʼun 24]
Set
[U tsolajil le oochel teʼ táan juʼun 24]
Enós
[U tsolajil le oochel teʼ táan juʼun 24]
Cainán
[U tsolajil le oochel teʼ táan juʼun 24]
Mahalaleel
[U tsolajil le oochel teʼ táan juʼun 24]
Jared
[U tsolajil le oochel teʼ táan juʼun 24]
Enoc
[U tsolajil le oochel teʼ táan juʼun 24]
Matusalén
[U tsolajil le oochel teʼ táan juʼun 24]
Lamec
[U tsolajil le oochel teʼ táan juʼun 24]
2970 Ku síijil NOÉ
[U tsolajil le oochel teʼ táan juʼun 24]
4026 t.t.C.
[U tsolajil le oochel teʼ táan juʼun 24]
130 jaʼaboʼob
[U tsolajil le oochel teʼ táan juʼun 24]
105
[U tsolajil le oochel teʼ táan juʼun 24]
90
[U tsolajil le oochel teʼ táan juʼun 24]
70
[U tsolajil le oochel teʼ táan juʼun 24]
65
[U tsolajil le oochel teʼ táan juʼun 24]
162
[U tsolajil le oochel teʼ táan juʼun 24]
65
[U tsolajil le oochel teʼ táan juʼun 24]
187
[U tsolajil le oochel teʼ táan juʼun 24]
182
[U tsolajil le oochel teʼ táan juʼun 24]
Adán tak Noé: nueve chʼiʼibaloʼob (1,056 jaʼaboʼob)
[U tsolajil le oochel teʼ táan juʼun 25]
Noé
[U tsolajil le oochel teʼ táan juʼun 25]
Sem
[U tsolajil le oochel teʼ táan juʼun 25]
Arfaxad
[U tsolajil le oochel teʼ táan juʼun 25]
Sela
[U tsolajil le oochel teʼ táan juʼun 25]
Heber
[U tsolajil le oochel teʼ táan juʼun 25]
Peleg
[U tsolajil le oochel teʼ táan juʼun 25]
Reu
[U tsolajil le oochel teʼ táan juʼun 25]
Serug
[U tsolajil le oochel teʼ táan juʼun 25]
Nacor
[U tsolajil le oochel teʼ táan juʼun 25]
Taré
[U tsolajil le oochel teʼ táan juʼun 25]
2018 Ku síijil ABRAHAM
[U tsolajil le oochel teʼ táan juʼun 25]
2970
[U tsolajil le oochel teʼ táan juʼun 25]
502 jaʼaboʼob
[U tsolajil le oochel teʼ táan juʼun 25]
100
[U tsolajil le oochel teʼ táan juʼun 25]
35
[U tsolajil le oochel teʼ táan juʼun 25]
30
[U tsolajil le oochel teʼ táan juʼun 25]
34
[U tsolajil le oochel teʼ táan juʼun 25]
30
[U tsolajil le oochel teʼ táan juʼun 25]
32
[U tsolajil le oochel teʼ táan juʼun 25]
30
[U tsolajil le oochel teʼ táan juʼun 25]
29
[U tsolajil le oochel teʼ táan juʼun 25]
130
[U tsolajil le oochel teʼ táan juʼun 25]
LE BÚULKABALOʼ 2370
[U tsolajil le oochel teʼ táan juʼun 25]
Noé tak Abraham: diez chʼiʼibaloʼob (952 jaʼaboʼob)
[U tsolajil le oochel teʼ táan juʼun 26]
Abraham
[U tsolajil le oochel teʼ táan juʼun 26]
Isaac
[U tsolajil le oochel teʼ táan juʼun 26]
Jacob
[U tsolajil le oochel teʼ táan juʼun 26]
Judá
[U tsolajil le oochel teʼ táan juʼun 26]
Peres
[U tsolajil le oochel teʼ táan juʼun 26]
Hezrón
[U tsolajil le oochel teʼ táan juʼun 26]
Ram
[U tsolajil le oochel teʼ táan juʼun 26]
Aminadab
[U tsolajil le oochel teʼ táan juʼun 26]
Naasón
[U tsolajil le oochel teʼ táan juʼun 26]
Salma
[U tsolajil le oochel teʼ táan juʼun 26]
Booz
[U tsolajil le oochel teʼ táan juʼun 26]
Obed
[U tsolajil le oochel teʼ táan juʼun 26]
Isaí
[U tsolajil le oochel teʼ táan juʼun 26]
1107 Ku síijil DAVID
[U tsolajil le oochel teʼ táan juʼun 26]
2018
[U tsolajil le oochel teʼ táan juʼun 26]
100 jaʼab
[U tsolajil le oochel teʼ táan juʼun 26]
60
[U tsolajil le oochel teʼ táan juʼun 26]
Óoliʼ 88
[U tsolajil le oochel teʼ táan juʼun 26]
Abraham tak David: catorce chʼiʼibaloʼob (911 jaʼaboʼob)