Jéeobaeʼ ku yeʼesik u yutsil tiʼ le máaxoʼob kaxtikoʼ
Jéeobaeʼ ku yeʼesik u yutsil tiʼ le máaxoʼob kaxtikoʼ
«Utiaʼal u natsʼikuba máak [tiʼ Jajal Dioseʼ], kʼaʼabéet u yoksaj óoltaʼal yaan [...] yéetel letiʼeʼ ku boʼotik [wa ku yeʼesik u yutsil tiʼ] le máaxoʼob kaxtikoʼ.» (HEBREOB 11:6.)
1, 2. ¿Baʼax oʼolal yaan sukuʼunoʼobeʼ ku yuʼubikubaʼob bey maʼ kʼamaʼanoʼob tumen Jéeobaeʼ?
BÁRBARAEʼ * tu yaʼalaj: «Tsʼoʼok óoliʼ treinta jaʼaboʼob in beet in jaajkunajil tiʼ Jéeoba, kex tsʼoʼok in beetik in táanilkunsajil yéetel kex tsʼoʼok in beetik uláakʼ meyajoʼob ichil u kaajal Jéeobaeʼ, mix baʼal beetik in wuʼuyik wa kin náajaltik in tʼaan tu kʼaabaʼ Dios». Carlos xaneʼ ku yaʼalik óoliʼ bey tu yuʼubilubaoʼ, tu yaʼalaj: «Yaan kʼiineʼ maʼ maʼalob in wuʼuykimbaiʼ tumen bey maʼ kʼamaʼanen tumen Dioseʼ tumen le máaxoʼob meyajtik Jéeobaoʼ yaʼab baʼax beetik u kiʼimaktal u yóoloʼob, baʼaleʼ tiʼ teneʼ minaʼan kiʼimak óolal. Lelaʼ ku beetik in wuʼuyik jach mix baʼal in beelal, yoʼolal lelaʼ ku jach lúubul in wóol».
2 Yaʼab máaxoʼob tsʼoʼok u chúukpajal u yóoloʼob u meyajtoʼob Jéeobaeʼ tsʼoʼok u yuʼubikubaʼob xan beyoʼ. ¿Tsʼoʼok wa xan a wuʼuyikaba beyoʼ? Maʼ xaaneʼ le táan k-aktáantik yaʼab talamiloʼobeʼ, uláakʼ sukuʼunoʼobeʼ maʼalob yaniloʼob, kiʼimak u yóoloʼob yéetel bey mix baʼal chiʼichnakkúuntkoʼobeʼ. Lelaʼ jeʼel u beetik a tuklik maʼ kʼamaʼanech tumen Jéeobaeʼ wa a Salmo 22:24). Le baʼax ku yaʼalik le teksto yoʼolal Cristoaʼ ku yeʼeskeʼ Jéeobaeʼ maʼ chéen ku yuʼubik baʼax ku kʼáat óoltik le máaxoʼob meyajtikoʼ ku yeʼesik xan u yutsil tiʼob.
tuklik maʼ a náajalmaj ka u kanáantechiʼ. Baʼaleʼ maʼ unaj a jáan tuklik leloʼ, tumen le Bibliaoʼ ku yaʼalikeʼ Jéeobaeʼ «maʼ táan u kʼex óoltik le óotsiloʼoboʼ, baʼaleʼ ku táan óoltik u mukʼyajoʼob; mix tu taʼakbesikuba tiʼ letiʼob. ¡Le ken u kʼáatoʼob áantajeʼ, letiʼeʼ ku yuʼubik!» (3. ¿Baʼaxten k-muʼyajtik xan le baʼaxoʼob ku muʼyajtaʼal teʼ yóokʼol kaabaʼ?
3 Tuláakal máak aktáantik le talamiloʼob ku muʼyajtaʼaloʼob teʼ yóokʼol kaabaʼ, tak máaxoʼob meyajtik Dios. Kuxaʼanoʼon tiʼ upʼéel yóokʼol kaab yaan yáanal u kʼab Satanás, le máax jach pʼekmil Jéeobaoʼ (2 Corintoiloʼob 4:4; 1 Juan 5:19). Jéeobaeʼ ku chaʼik u beetaʼal u muʼyaj tak máaxoʼob meyajtik tumen Satanás (Job 1:7-12; Apocalipsis 2:10). Le oʼolaleʼ, le maʼ kʼuchuk le kʼiin u tukulmaj Diosoʼ, kʼaʼabéet u yantaltoʼon «chúukaʼan óolal ken mukʼyajnaj[koʼon]» yéetel kʼaʼabéet k-payalchiʼ «mantatsʼ», tumen k-ojel Jéeobaeʼ táan u kanáantkoʼon (Romailoʼob 12:12). Maʼ unaj k-chaʼik u yokol t-tuukul wa maʼ yaabiltaʼanoʼon tumen Diosiʼ.
Máakoʼob chúukpaj u yóoloʼob úuchjeakil
4. Tsol máaxoʼob tu muʼyajtoʼob talamiloʼob.
4 Yaʼab tiʼ le máaxoʼob meyajt Dios úuchiloʼ tu muʼyajtoʼob yaʼab talamiloʼob. Jeʼex Anaeʼ jach yaachaj u yóol tumen minaʼan u paalal, yoʼolal lelaʼ ku tuklik kaʼacheʼ tuʼubsaʼan tumen Dios (1 Samuel 1:9-11). Ka joʼopʼ u yilaʼal u kíimsaʼal Elías tumen x-kʼasaʼan reina Jezabeleʼ, Elíaseʼ jach tu chʼaʼaj saajkil yéetel tu yaʼalaj tiʼ Dios: «¡Yuumtsil, way ku xuʼululeʼ! ¡Lukʼes in kuxtal, tumen teneʼ maʼ [maas] maʼaloben tiʼ in taataʼobiʼ!» (1 Reyes 19:4). Apóstol Pablo xaneʼ, jach lúub u yóol yoʼolal le kʼeban yaan tu wíinkliloʼ, le oʼolal tu yaʼalaj: «Le ken in wóolt in beet le utsoʼ, chéen kin wilik tiʼ teen le kʼaasoʼ», tsʼoʼoleʼ tu yaʼalaj xan: «¡Jach óotsilen!» (Romailoʼob 7:21-24).
5. 1) ¿Bix úuchik u yeʼesik Jéeoba u yutsil tiʼ Ana, tiʼ Elías yéetel tiʼ Pablo? 2) Wa yantech wa baʼax chiʼichnakileʼ, ¿bix jeʼel u líiʼsik a wóol le baʼax ku yaʼalik le Bibliaoʼ?
5 Toʼoneʼ k-ojeleʼ Ana, Elías yéetel Pabloeʼ chúukpaj u yóoloʼob u meyajtoʼob Jéeoba, baʼaleʼ k-ojel xaneʼ Jéeobaeʼ jach tu yeʼesaj xan u yutsil tiʼob (1 Samuel 1:20; 2:21; 1 Reyes 19:5-18; 2 Timoteo 4:8). Kex beyoʼ, jejeláas bix tu yuʼubilubaʼob, lúub u yóoloʼob, chiʼichnakchajoʼob yéetel tu chʼaʼajoʼob saajkil; le oʼolaleʼ maʼ unaj k-tuklik wa kʼaas ka úuchuktoʼon xan beyoʼ. Baʼaleʼ ¿baʼax unaj a beetik wa le chiʼichnakil ku beetik a tuklik maʼ yaabiltaʼanech tumen Jéeobaiʼ? Le baʼax ku yaʼalik le Bibliaoʼ jeʼel u líiʼsik a wóoleʼ. Teʼ xook máanikoʼ t-ileʼ Jesuseʼ tu yaʼalaj Jéeobaeʼ u xokmaj u tsoʼotsel k-pool «tu jujunkúulil» (Mateo 10:30). Le tʼaanoʼob jach jatsʼutstakaʼ ku yeʼeskoʼobeʼ Jéeobaeʼ jach u yaabiltmaj cada utúul tiʼ máaxoʼob meyajtik. Kʼaʼajak xan tech le kettʼaan tu beetaj Jesús yoʼolal le mejen gorrionoʼobeʼ. Wa le mejen chʼíichʼoʼob ku kanáantaʼaloʼob tumen Jéeobaoʼ, bix kun pʼáatal maʼ u yilik le baʼaxoʼob ka muʼyajtikoʼ.
6. Le máaxoʼob ku tuklikoʼob maʼ yaabiltaʼanoʼob tumen Jéeobaoʼ, ¿bix jeʼel u yáantaʼaloʼob tumen le baʼax ku yaʼalik le Bibliaoʼ?
6 Baʼaleʼ ¿jach wa tu jaajil maʼalob k-ilaʼal tumen Jéeoba Dios, le Máax beetmail tuláakal baʼaloʼ? Jach tu jaajil, le Bibliaoʼ bey u yeʼesik. Wa k-tuukul tiʼ le baʼax k-xokikoʼ yaan k-aʼalik jeʼex le salmistaaʼ: «Chúumuk tiʼ le sen tuukulil baʼaloʼob ku muchʼikubaʼob tin sutpacheʼ, techeʼ ka tsʼáaik teen jeʼelel yéetel kiʼimak óolal» (Salmo 94:19). Koʼoneʼex ilik jujumpʼéel tʼaanoʼob tiʼ le Biblia jeʼel u líiʼsik k-óoloʼ, beyoʼ yaan k-maas naʼatik Jéeobaeʼ u yaabiltmoʼon yéetel yaan u yeʼesiktoʼon u yutsil wa ku chúukpajal k-óol beet baʼax ku yaʼalik.
Upʼéel kaaj utiaʼal Jéeoba
7. ¿Baʼax aʼalaʼab tiʼ Malaquías tumen Jéeoba ka u yaʼal tiʼ u kʼasaʼan kaajil Israel?
7 Teʼ siglo cinco táanil tiʼ u taal Cristooʼ, le judíoʼoboʼ jach náach yaniloʼob kaʼach tiʼ Malaquías 1:8; 2:9; 3:5). Kex beyoʼ Malaquíaseʼ tu yaʼaleʼ ken máanak kʼiineʼ le kaaj jach kʼasaʼanaʼ, yaan u kaʼa kʼaʼamal tumen Jéeoba. Lelaʼ letiʼ le baʼax tu yaʼaloʼ: «Yuumtsil u yuumil tuláakal páajtalileʼ ku yaʼalik: Táan in nuʼukbesik jumpʼéel kʼiin utiaʼal in kaajaltikoʼob tu kaʼatéen. Jeʼel bix le taata ku chʼaʼik óotsilil tiʼ le paal meyajtikeʼ, bey bíin in chʼaʼa óotsilil tiʼob[oʼ]» (Malaquías 3:17).
Jéeoba. Le sacerdoteʼoboʼ ku kʼamkoʼob baʼalcheʼob móochtakoʼob yéetel kʼojaʼanoʼob utiaʼal u kʼuboʼob tiʼ Jéeoba bey tóokbil siibaleʼ, le juesoʼoboʼ maʼatech u beetkoʼob justicia, yéetel le kaajoʼ chuup yéetel pulyaʼaj, tuus, ookol yéetel núup kʼeban (8. ¿Baʼaxten jeʼel xan u líiʼsaʼal u yóol le «yaʼabkach máakoʼob» yoʼolal le baʼax ku yaʼalik Malaquías 3:17?
8 Le baʼax tu yaʼalaj Malaquíasoʼ, táan u béeytal bejlaʼa yóokʼol le 144,000 máakoʼob yéeyaʼanoʼob utiaʼal bin kaʼanoʼ. Letiʼobeʼ «u kaajal» Jéeoba, «jumpʼéel kaaj yéeyaʼan» (1 Pedro 2:9). Le baʼax tu yaʼalaj Malaquíasoʼ ku líiʼsik xan u yóol le «yaʼabkach máakoʼob [...] waʼalakbaloʼob aktáan tiʼ le jalaʼach kʼáancheʼoʼ yéetel aktáan tiʼ le j-Tamanoʼ; [...] búukbesaʼanoʼob yéetel sak búuk yéetel u machmajoʼob u leʼ xaʼan» (Apocalipsis 7:4, 9). Le «yaʼabkach máakoʼob» yéetel le yéeyaʼanoʼob utiaʼal bin kaʼanoʼ, jumpʼéeliliʼ múuchʼ tamanoʼob ku kanáantaʼaloʼob tumen le u juntúuliliʼ J-kanan tamanoʼ, Jesucristo (Juan 10:16).
9. ¿Baʼaxten Jéeobaeʼ ku yilik bey u kaajal le máaxoʼob meyajtikoʼ?
9 ¿Bix túun u yilik Jéeoba le máaxoʼob meyajtikoʼ? Jeʼex u yeʼesik Malaquías 3:17, ku yilkoʼob jeʼex u yilaʼal utúul paal tumen u taataeʼ. Tsʼoʼoleʼ, ilawil bix jaʼtsil u tʼanik le máaxoʼob meyajtikoʼ, ku yaʼalikeʼ yaan u «kaajaltikoʼob». Uláakʼ Bibliaʼobeʼ le tʼaan jeʼelaʼ ku sutkoʼob «jumpʼéel kaaj chéen in tiaʼal», «in nojoch ayikʼalil» yéetel «máaxoʼob in maas yaabiltmoʼob». ¿Baʼaxten Jéeobaeʼ jach jatsʼuts u tʼanik máaxoʼob meyajtik? Tumen letiʼeʼ maʼatech u tuʼubsik le yaabilaj ku yeʼesaʼal tiʼoʼ (Hebreob 6:10). Letiʼeʼ utúul Dios ku natsʼikuba tu yiknal máaxoʼob meyajtik tu jaajil u yóoloʼob yéetel jach jatsʼuts u yilkoʼob.
10. ¿Bix túun u kanáantik Jéeoba le máaxoʼob meyajtikoʼ?
10 Tuukulnen tiʼ upʼéel baʼal jach uts ta wich yéetel a tiaʼaleʼ jach yaʼab u tojol. ¿Máasaʼ jeʼel a beetik tuláakal le ku páajtal utiaʼal a kanáantikeʼ? Jéeobaeʼ bey xan u beetik yéetel u «kaajaloʼ». Letiʼeʼ ku chaʼik u máansaʼal talamiloʼob tumen le máaxoʼob meyajtikoʼ (Eclesiastés 9:11). Baʼaleʼ, ku kanáantikoʼob yéetel yaan xan u kanáantikoʼob utiaʼal maʼ u jóoʼloʼob ichil u kaajal. Letiʼeʼ ku tsʼáaiktiʼob muukʼ utiaʼal u aktáantikoʼob jeʼel baʼalak talmileʼ (1 Corintoiloʼob 10:13). Le oʼolaleʼ Moiseseʼ tu yaʼalaj tiʼ Israel, u úuchben kaajal Dios: «Xiixib máakchajakeʼex[,] muʼukaʼanchajak a wóoleʼex; [...] tumen Yuumtsil a [Dioseʼexeʼ] tiʼ yaan ta wéeteleʼexeʼ, maʼ bíin u xúumpʼajteʼexiʼ» (Deuteronomio 31:6). Jéeobaeʼ ku yeʼesik u yutsil tiʼ máaxoʼob meyajtik, tumen utiaʼal letiʼeʼ bey u «kaajaloʼobeʼ».
Jéeobaeʼ utúul Dios ku yeʼesik u yutsil
11, 12. K-ojéeltik Dios ku yeʼesik u yutsileʼ, ¿bix u yáantkoʼon k-luʼs t-tuukul maʼ u yaabiltmoʼoniʼ?
11 Uláakʼ bix u yeʼesik u yaabilaj Jéeoba tiʼ máaxoʼob meyajtikeʼ letiʼe ken u yeʼes u yutsil tiʼoboʼ. Letiʼeʼ tu yaʼalaj tiʼ le israelitaʼoboʼ: «Taaseʼex a diezmoʼex [...]. Beeteʼex utiaʼal ka a wileʼex wa maʼ tin jeʼik u kalom kʼiiniloʼob [wa ventanailoʼob] kaʼan utiaʼal in láalik ta wóokʼoleʼex [...] yaʼab ayikʼalil» (Malaquías 3:10). Teʼ kʼiinoʼob ku taaloʼ Jéeobaeʼ yaan u yeʼesik u yutsil tiʼ le máaxoʼob meyajtik ken u síi le kuxtal minaʼan u xuul tiʼoboʼ (Juan 5:24; Apocalipsis 21:4). Le jach jatsʼuts baʼax ken u síiaʼ ku yeʼesik u nojoch yaabilaj yéetel u yutsil, yéetel ku yeʼesik jach nojoch baʼal u yilik le máaxoʼob meyajtikoʼ. Wa k-ilik Jéeoba bey utúul Dios jach ku yeʼesik u yutsileʼ le kun áantkoʼon k-luʼs t-tuukul maʼ u yaabiltmoʼoniʼ. Tak letiʼeʼ ku yaʼaliktoʼon ka k-il bey utúul Dios ku yeʼesik u yutsileʼ, Pabloeʼ tu tsʼíibtaj: «Utiaʼal u natsʼikuba máak [tiʼ Jajal Dioseʼ], kʼaʼabéet u yoksaj óoltaʼal yaan [...] yéetel letiʼeʼ ku boʼotik [wa ku yeʼesik u yutsil tiʼ] le máaxoʼob kaxtikoʼ» (Hebreob 11:6).
12 U jaajileʼ, toʼoneʼ k-meyajtik Jéeoba tumen k-yaabiltmaj, maʼ tumen ku yaʼalik yaan u yeʼesiktoʼon u yutsiliʼ. Baʼaleʼ, maʼ kʼaas ka k-tsʼíibolt le kuxtal ku yaʼalik u tsʼáaikoʼ (Colosailoʼob 3:23, 24). Jéeobaeʼ u kʼáat u yeʼes u yutsil tiʼ le máaxoʼob meyajtikoʼ tumen jach u yaabiltmoʼob.
13. ¿Baʼaxten k-aʼalik le úuchik u túuxtik u Paal kíimil t-oʼolaloʼ Jéeobaeʼ tu yeʼesaj u maas nojchil u yaabilaj?
13 Le maas nojoch bix úuchik u yeʼesik u yaabilaj Jéeoba tiʼ tuláakal máakeʼ, letiʼe úuchik u túuxtik u Paal u kʼub u kuxtal utiaʼal u boʼotik k-kʼebanoʼ. Apóstol Juaneʼ tu tsʼíibtaj: «Jajal Dioseʼ tu sen yaabiltaj le yóokʼol kaabaʼ, ka tu tsʼáaj u juntúuliliʼ Paal, utiaʼal tuláakal le máax ku yoksik u yóol tiʼeʼ maʼ u saʼatal, baʼaleʼ ka yanak kuxtal minaʼan u xuul tiʼ» (Juan 3:16). Le úuchik u túuxtik u Paal kíimil t-oʼolaleʼ, Jéeobaeʼ ku yeʼesik maʼ jaaj wa maʼ u yaabiltmoʼon yéetel wa mix baʼal u yilkoʼoniʼ. Wa Jéeoba tu yóotaj tak u tsʼáa u kuxtal u Paal t-oʼolaleʼ, leloʼ ku yeʼesik jach tu jaajil u yaabiltmoʼon.
14. ¿Bix úuchik u yilik Pablo le boʼol tu beetaj Diosoʼ?
14 Le oʼolaleʼ, ken a wuʼuy bey maʼ yaabiltaʼanech tumen Jéeobaeʼ tuukulnen tiʼ u kuxtal u Paal tu kʼuboʼ, yéetel ilawil bey upʼéel baʼal u siimaj techeʼ. Pabloeʼ bey tu beetiloʼ. Kʼaʼajaktoʼoneʼ letiʼeʼ tu yaʼalaj: «¡Jach óotsilen! ¿Máax tokiken tiʼ le wíinklil ku bisiken tiʼ le kíimiloʼ?», baʼaleʼ ka tsʼoʼokeʼ tu yaʼalaj: «Chéen Yuum Jajal Dios, tu yoʼolal k-Yuumtsil Jesucristo», letiʼe «tu yaabiltajen ka tu kʼubjuba tiʼ kíimil tin woʼolal» (Romailoʼob 7:24, 25; Galaciailoʼob 2:20). Yéetel le tʼaanoʼobaʼ Pabloeʼ maʼ táan kaʼach u nojbaʼalkúuntikubaiʼ, chéen táan u yeʼesik u yojel jach yaabiltaʼan tumen Jéeoba. Jeʼex letiʼeʼ, techeʼ unaj a wilik le boʼol tu tsʼáaj Diosoʼ bey upʼéel baʼal tiʼ teech tu síijeʼ. Jéeobaeʼ maʼ chéen ku salvartik máakiʼ, ku yeʼesik xan u yutsil tu yoʼolal u yaabilaj.
Kanáantaba tiʼ «u táabsajiloʼob» Kʼaasilbaʼal
15-17. 1) ¿Bix u aprovechartik le Kʼaasilbaʼal ken u yil lubaʼan u yóol máakoʼ? 2) ¿Bix jeʼel u líiʼsik k-óol le baʼax úuch tiʼ Joboʼ?
15 Maʼ xaaneʼ, techeʼ ka tuklikeʼ le baʼaxoʼob tsʼíibtaʼan teʼ Biblia utiaʼal u líiʼsaʼal u yóol máakoʼ, maʼ tiʼ teech ku yaʼalaʼaliʼ. Maʼ xaaneʼ ka tuklikeʼ le kuxtal minaʼan u xuul ken u síi Dios yoʼolal u yutsiloʼ chéen uláakʼ máakoʼob jeʼel u náajaltikoʼobeʼ, baʼaleʼ techeʼ maʼatan. Wa bey a wuʼuyikabaoʼ, ¿baʼax jeʼel a beetkeʼ?
16 Maʼ xaaneʼ, techeʼ a wojel le baʼax tu yaʼalaj Pablo tiʼ le efesoiloʼoboʼ: «Búukinteʼex tuláakal le u nuʼukulil baʼatel ku tsʼáaik teʼex Jajal Diosoʼ, utiaʼal ka páatak a jéetsʼel pʼáataleʼex tu contra u táabsajiloʼob kʼaasilbaʼal» (Efesoiloʼob 6:11). Ken tʼaanakoʼon tiʼ u táabsajiloʼob le Kʼaasilbaʼaloʼ, maʼ xaaneʼ ku taal t-tuukul baʼaloʼob jeʼex u tsʼíiboltaʼal ayikʼalil yéetel núup kʼeban, tumen le baʼaloʼobaʼ tsʼoʼok u beetik u lúubul yaʼab tiʼ le máaxoʼob meyajtik Dios kaʼachoʼ. Baʼaleʼ, maʼ unaj u tuʼubultoʼoneʼ Satanaseʼ táan u meyaj uláakʼ táabsajil tiʼ, letiʼeʼ ku yilik ka k-tukult maʼ yaabiltaʼanoʼon tumen Diosiʼ.
17 Tumen u Kʼaasilbaʼal táan u yilik u náachkuntik máak tiʼ Dioseʼ, ku aprovechartik ken yil lubaʼan u yóol máak. Kʼaʼajaktech baʼax aʼalaʼab tiʼ Job tumen Bildad: «¿Tiʼ juntúul chéen wíinik bíin páatchajak u yaʼalaʼal wa uts yanil wa j-maʼ siʼipil tu táan [Dios]? Tu táan u yicheʼ, mix le [Luna] ku jóopbaloʼ, mix le eekʼoʼob ku yilaʼal u sak jóopbaloʼoboʼ, ¡mix xan le wíinikoʼ; letiʼeʼ chéen bey juntúul óotsil x-nookʼol[eʼ]!» (Job 25:4-6; Juan 8:44). Chéen tukult bukaʼaj úuchik u lúuʼsaʼal u yóol Job tumen le tʼaanoʼobaʼ. Le oʼolaleʼ, maʼ chaʼik tiʼ Satanás u lúuʼsik a wóol. Baʼaxeʼ, maʼ a tuʼubsik baʼaxoʼob ku meyaj tiʼ utiaʼal u lúuʼsik u yóol máak, utiaʼal ka yanaktech u muukʼil u maas chúukpajal a wóol a beet baʼax maʼalob (2 Corintoiloʼob 2:11). Kex Job yanchaj u yáantaʼal u yutskíint bix u tuukuleʼ, Jéeobaeʼ tu yeʼesaj u yutsil tiʼ le ka tu tsʼáaj u kaʼatéen tiʼ le bukaʼaj luʼsaʼab tiʼoʼ (Job 42:10).
Jéeobaeʼ «[maas] nojoch tiʼ k-puksiʼikʼal»
18, 19. ¿Baʼaxten ku yaʼalaʼaleʼ «Jajal Dioseʼ [maas] nojoch tiʼ k-puksiʼikʼal», yéetel baʼaxten ku yaʼalaʼal u yojel «tuláakal» baʼal?
18 U jaajileʼ wa úuch joʼopʼok u tuklik máak maʼ kʼamaʼan tumen Jéeobaeʼ, leloʼ maʼ chéen chʼaʼabil jeʼel u luʼsik tu tuukuleʼ. Baʼaleʼ, u kiliʼich muukʼ Jéeobaeʼ jeʼel u yáantikoʼon k-luʼs t-puksiʼikʼal tuukuloʼob maʼ maʼalobtak úuch yanakoʼobeʼ (2 Corintoiloʼob 10:4, 5). Ken joʼopʼok a tuklik maʼ kʼamaʼanech tumen Jéeobaeʼ tuukulnen tiʼ le baʼax tu tsʼíibtaj Juanaʼ: «Bey jeʼel u páajtal k-ojéeltik u tiaʼaloʼon le jaajoʼ, yéetel k-uʼuyik jeetsʼel aniloʼon tu táan Jajal Dios; tumen wa k-puksiʼikʼal ku takik k-pool tiʼ wa baʼaxeʼ, Jajal Dioseʼ [maas] nojoch tiʼ k-puksiʼikʼal, yéetel letiʼeʼ u yojel tuláakal» (1 Juan 3:19, 20).
19 ¿Baʼax u kʼáat u yaʼal le tʼaan «Jajal Dioseʼ [maas] nojoch tiʼ k-puksiʼikʼal»? Yaan kʼiineʼ k-puksiʼikʼaleʼ jeʼel u beetik k-tuklik maʼ kʼamaʼanoʼon tumen Jéeobaeʼ, lelaʼ maas ku yúuchul wa ku kʼaʼajaltoʼon baʼax maʼ maʼalob k-beetiʼ. Wa maʼ xaaneʼ, yoʼolal bix líiʼsaʼaniloʼoneʼ suukaʼan k-jáan tuklik baʼaloʼob maʼ maʼalobtakiʼ, maʼ xaaneʼ k-tuklikeʼ jach mix baʼal k-beetik ku lúubul utsil tiʼ Jéeoba. Baʼaleʼ, le baʼax tu yaʼalaj apóstol Juanoʼ ku yeʼesiktoʼoneʼ Jéeobaeʼ maas nojoch tiʼ le baʼaxoʼob k-uʼuyik t-puksiʼikʼaloʼ, lelaʼ u kʼáat u yaʼaleʼ, letiʼeʼ maʼ chéen ku yilik le baʼax maʼ maʼalob tsʼoʼok k-beetkoʼ, ku yilik xan le baʼaloʼob maʼalobtak k-beetkoʼ. Tsʼoʼoleʼ, letiʼe u yojel baʼaxoʼob k-tukulmaj k-beetik. Davideʼ tu tsʼíibtaj: «Letiʼeʼ yojel yéetel baʼax beetaʼanoʼon: maʼalob u yojelil, toʼoneʼ maʼay luʼumoʼon» (Salmo 103:14). K-ilik túuneʼ, Jéeobaeʼ maas u kʼaj óoloʼon tiʼ toʼon.
Upʼéel jach kiʼichkelem corona
20. ¿Bix u yeʼesaʼal tumen u profecías Isaías bix ken u nojbeʼenkúuntil Jéeoba le máaxoʼob meyajtikoʼ?
20 Utiaʼal u líiʼsik u yóol u úuchben kaajaleʼ, Jéeobaeʼ tu túuxtaj profeta Isaías utiaʼal u yaʼaltiʼob yaan u kaʼa kʼamkoʼob. Le baʼax tu yaʼaloʼ le kun líiʼsik u yóol le judíoʼob ken bisaʼakoʼob kaʼach Babiloniaoʼ. Le ka tʼaanaj Jéeoba tiʼ le kʼiin ken kaʼa suunakoʼob tu luʼumoʼobeʼ, tu yaʼalaj: «Techeʼ bíin kiliʼich jalaʼach péet joʼolchajakech [wa coronachajkech] tu kʼab Yuumtsil a [Dios]» (Isaías 62:3). Yéetel le tʼaanoʼobaʼ, Jéeobaeʼ tu nojbeʼenkúuntaj u kaajal. Bejlaʼeʼ, bey xan tsʼoʼok u beetik tiʼ le máaxoʼob u yéeymaj utiaʼal bin kaʼanoʼ. Bey ka u líiʼsoʼob kaʼanal utiaʼal ka ilaʼakoʼob tumen tuláakaleʼ.
21. ¿Baʼax kun áantkech a woksaj óolt yaan u yeʼesiktech u yutsil Jéeoba tumen chúukpaj a wóol a meyajte?
21 Kex le profecía ku béeytal maases yóokʼol le kun binoʼob kaʼanoʼ, ku yeʼesik bix u nojbeʼenkúuntaʼal tumen Jéeoba tuláakal máaxoʼob meyajtik. Le oʼolaleʼ, le ken joʼopʼok a tuklik wa yaabiltaʼanech tumen Jéeobaeʼ, kʼaʼajaktech kex chéen kʼeban wíinikecheʼ, jach nojoch a tojol tu táan Jéeoba jeʼex upʼéel jatsʼuts coronaeʼ. Le oʼolaleʼ, maʼ xulik a kiʼimakkúuntik u yóol u puksiʼikʼal Dios ikil a wilik a beetik baʼax utstutʼaan (Proverbios 27:11). Wa ka beetik beyoʼ, Jéeobaeʼ yaan u yeʼesiktech u yutsil tumen chúukpaj a wóol a meyajte.
[Tsolajiloʼob]
^ xóot’ol 1 Jujumpʼéel tiʼ le kʼaabaʼoboʼ kʼexaʼan.
¿Kʼajaʼan wa tech?
• ¿Baʼaxten jeʼel u páajtal k-aʼalikeʼ Jéeobaeʼ ku yilkoʼon bey u kaajaleʼ?
• ¿Baʼaxten unaj k-ilik Jéeoba bey utúul Dios ku yeʼesik u yutsileʼ?
• ¿Tiʼ baʼax «táabsajiloʼob» ku tsʼáaik Satanás kʼaʼabéet k-kanáantikba?
• ¿Baʼaxten k-aʼalik «Jajal Dioseʼ [maas] nojoch tiʼ k-puksiʼikʼal»?
[U kʼáatchiʼiloʼob le xookoʼ]
[U tsolajil le oochel teʼ táan juʼun 18]
Pablo
[U tsolajil le oochel teʼ táan juʼun 18]
Elías
[U tsolajil le oochel teʼ táan juʼun 18]
Ana
[U tsolajil le oochel teʼ táan juʼun 20]
Le Bibliaoʼ ku tʼaan tiʼ baʼaloʼob jeʼel u líiʼsik u yóol máakeʼ