¿Táan wa u gobernartik Dios le luʼumaʼ?

BEJLAʼEʼ óoliʼ sáamsamal ku yuʼubal noticiaʼob ku tʼaanoʼob tiʼ nukuch loobiloʼob, kʼojaʼaniloʼob séeb u kíimsik máak, máakoʼob ku sen ookoloʼob, terrorismo, baʼateltáambaloʼob, yéetel uláakʼ baʼaloʼob kʼaastak ku sen beetaʼal. Kex wa tsʼoʼok k-muʼyaj tu yoʼolal upʼéel tiʼ le nojoch yajiloʼobaʼ bey xan wa maʼeʼ, ku máan t-tuukul bix kun tsʼoʼokol tiʼ le yóokʼol kaabaʼ yéetel wa yaan u kʼuchul u kʼiinil u xuʼulul le nojoch yajiloʼobaʼ.

Utiaʼal u yojéeltaʼal bix kun tsʼoʼokol tiʼ le kʼasaʼan yóokʼol kaabaʼ yéetel wa yaan u kʼuchul u kʼiinil u xuʼulul le nojoch yajiloʼobaʼ, ichil maas tiʼ doscientos luʼumoʼobeʼ, u j-jaajkunajoʼob Jéeobaeʼ yaan u máanskoʼob upʼéel tsoltʼaan ku kʼaabaʼtik: «¿Táan wa u gobernartik Dios le Luʼumaʼ?». Teʼ tsoltʼaanaʼ yaan u yeʼesaʼal baʼax ku yaʼalik u Tʼaan Dios yoʼolal le kʼáatchiʼob jach kʼaʼanantakaʼ:

¿Táan wa u yilik Dios baʼaxoʼob ku yúuchul way Luʼumeʼ?

¿U yaabiltma wa wíinik?

¿Táan wa u yilik baʼaxoʼob ka muʼyajtik?

Le tsoltʼaanaʼ yaan u máansaʼal domingo 30 tiʼ abril tiʼ 2006 teʼ kúuchiloʼob tuʼux ku muchʼkuba u j-jaajkunajoʼob Jéeobaoʼ, jujumpʼéel tuʼuxoʼobeʼ yaan u máansaʼal yaanal kʼiin. Jeʼel u páajtal a kʼáatik tiʼ le j-jaajkunajoʼob yanoʼob teʼ tuʼux kajaʼanech u direccioni le tuʼux ku muchʼkubaʼoboʼ yéetel baʼax ora ken máansaʼak le tsoltʼaanoʼ.

K-invitartikech utiaʼal ka xiʼikech a chʼenxikint le jatsʼuts tsoltʼaanaʼ, lelaʼ minaʼan a boʼotik a wokol a wuʼuye. Teʼ tsoltʼaanaʼ yaan u núukaʼal le kʼáatchiʼaʼ: ¿táan wa u gobernartik Dios le Luʼumaʼ?