¿Kʼajaʼan wa tech?

¿Ta jóoʼsaj wa utsil tiʼ a xokik le revista U Pʼíich Tulumil Kanan le maʼ sen úuch jóoʼsaʼakoʼoboʼ? Wa beyoʼ, ilawil wa jeʼel a núukik le kʼáatchiʼobaʼ:

• ¿Baʼax nojoch talamil ku aktáantik jujuntúul máaxoʼob meyajtik Jéeoba maʼ úuch tsʼoʼokok u beeloʼobiʼ, yéetel baʼax unaj u beetkoʼob ken úuchuk leloʼ?

Jujuntúuloʼobeʼ ku tsʼáaikoʼob cuenta maʼ upʼéeliliʼ bix u tuukuloʼobiʼ. Baʼaleʼ le máaxoʼob jach u kʼubmaj u yóoloʼob tiʼ Diosoʼ, u yojloʼobeʼ u divorciarkuba máak yoʼolal jeʼel baʼaxakeʼ maʼ tu yáantaj utiaʼal ka utsak le talamil yantiʼoboʼ.—15/4, táan juʼun 17.

• ¿Baʼax talamiloʼob ku aktáantik le sukuʼunoʼob kajaʼanoʼob tiʼ upʼéel kúuchil tuʼux ku kanáantaʼal le máaxoʼob chʼijaʼanoʼoboʼ?

Maʼ xaaneʼ le sukuʼunoʼ maʼ u yojel wa yaan upʼéel múuchʼulil naatsʼ teʼ tuʼux bisaʼaboʼ. Le u maasil nojoch máakoʼob yanoʼob teʼ kúuchilaʼ yaanal u religionoʼob, yéetel maʼ xaaneʼ jeʼel u beetaʼal u táakpajal le sukuʼunoʼob tiʼ u rezaroʼob wa u beetkoʼob upʼéel misa. U láakʼtsiloʼob j-jaajkunajoʼob yéetel le ancianoʼoboʼ unaj u yilkoʼob ka beetaʼak baʼax kʼaʼabéet utiaʼal u yáantaʼal le sukuʼunoʼob yanoʼob teʼ kúuchil yaan naatsʼ tiʼoboʼ.—15/4, táan juʼunoʼob 25-27.

• ¿Máakalmáak le seis comiteʼob ku nuʼuktaʼaloʼob tumen le Cuerpo Gobernanteoʼ?

Comité tiʼ Coordinadores, Comité tiʼ Personal, Comité tiʼ Publicación, Comité tiʼ Servicio, Comité tiʼ Enseñanza yéetel Comité tiʼ Redacción.—15/5, táan juʼun 29.

• ¿Máaxoʼob beetik kaʼach le baʼaloʼob subtsiltak ku chʼaʼachiʼitaʼal teʼ Romailoʼob 1:24-32? ¿Letiʼe judíoʼoboʼ wa le máaxoʼob maʼ judíoʼoboʼ?

Le baʼax ku yaʼalik le tekstoaʼ bey táan u tʼaan tiʼ le kaʼapʼéel jaats máakoʼobaʼ, baʼaleʼ Pabloeʼ táan kaʼach u tʼaan tiʼ le israelitaʼob tu xúumpʼattoʼob Diosoʼ. Letiʼobeʼ jach «maʼalob u yojeliloʼob baʼax u yaʼalmaj Jajal Dios», kex beyoʼ maʼ tu yóotaj u tsʼoʼokbesoʼobiʼ.—15/6, táan juʼun 29.

• ¿Baʼaxten jeʼel u taasiktoʼon kiʼimak óolal k-meyajtik Dios wa k-chʼaʼik en cuenta baʼaxoʼob jeʼel u páajtal k-beetkeʼ?

Wa k-ilik k-beetik tuláakal le ku páajtal chéen utiaʼal k-tsʼoʼokbesik le baʼax t-chʼaʼatukloʼ jeʼel k-sen kaʼanaleʼ. Baʼaleʼ maʼ maʼalob xan ka k-aʼal jach upuliʼ maʼ tu páajtal k-maas meyajtik Dios tumen yaan baʼaxoʼob maʼ tu chaʼiktoʼoniʼ.—15/7, táan juʼun 29.