Koʼox meyajtik Dios yéetel jumpʼéeliliʼ tuukul bey xan yéetel jumpʼéeliliʼ puksiʼikʼal

TU JAʼABIL 33 teʼ yáax siglooʼ, yaʼab judíoʼob yéetel maʼ judíoʼob tiʼ náanach luʼumiloʼob jeʼex Roma yéetel Partia yaan tu lakʼinil Jerusaleneʼ, tu muchʼubaʼob utiaʼal u kʼiimbeskoʼob le Pentecostesoʼ. Yaʼab tiʼ letiʼobeʼ bin u yuʼuboʼob le baʼax tu kaʼansaj u disipuloʼob Cristooʼ. Kex tumen u disipuloʼob Jesús galileailoʼobeʼ, kaʼansajnajoʼob ichil le tʼaan u yojel le máakoʼoboʼ. Le oʼolal jujuntúul tiʼ letiʼob tumen jakʼaʼan u yóoloʼobeʼ, tu yaʼaloʼob: «¿Bix túun anil táan k-uʼuyik u tʼaanoʼob tiʼ le tʼaanoʼob sijnaaliloʼo[noʼ]?» (Hch. 2:8).

Le apóstol Pedrooʼ waʼalajeʼ ka tu tsolaj baʼaxten táan kaʼach u tʼaanoʼob ich jejeláas  tʼaanoʼob. Le máakoʼoboʼ séeb úuchik u kʼamkoʼob le maʼalob péektsiloʼ yéetel yaʼab tiʼ letiʼobeʼ okjaʼanajoʼob (Hch. 2:41). Kex tumen séeb úuchik u bin u nojochtal u kaajal Jéeobaeʼ, le disipuloʼoboʼ maʼ tu jatsubaʼobiʼ. Le oʼolal Lucas, utúul tiʼ le máaxoʼob tsʼíibt le Bibliaoʼ tu yaʼalaj: «Tuláakal le tsʼoʼok u yoksaj óoloʼoboʼ jumpʼéeliliʼ u tuukuloʼob jumpʼéeliliʼ xan u puksiʼikʼaloʼob» (Hch. 4:32).

U milesi tiʼ le máaxoʼob okjaʼanajoʼoboʼ u kʼáatoʼob pʼáatal kaʼach Jerusalén utiaʼal ka seguernak u kaambaloʼob tiʼ Dios. Baʼaleʼ minaʼan kaʼach le baʼaxoʼob kʼaʼabéettiʼob utiaʼal u pʼáatloʼob maas yaʼab tiempooʼ. Le oʼolal chʼaʼatuklaʼab u yáantaʼaloʼob. ¿Bix úuchik u beetaʼal? Jujuntúul sukuʼunoʼobeʼ tu konajoʼob le baʼaloʼob yantiʼoboʼ ka tu bisoʼob u tojol tiʼ le apostoloʼob utiaʼal ka tʼoʼoxok tiʼ le máaxoʼob kʼaʼabéettiʼoboʼ (Hch. 2:42-47). ¿Máasaʼ jach nojoch bix úuchik u yáantaʼal yéetel u yeʼesaʼal yaabilaj tiʼ le sukuʼunoʼoboʼ?

Teʼ kʼiinoʼobaʼ toʼon k-meyajtik Dioseʼ bey xan k-beetkoʼ, láayliʼ k-tsʼáaik k-óol meyajt Jéeoba yéetel «jumpʼéeliliʼ [...] tuukul» bey xan yéetel «jumpʼéeliliʼ [...] puksiʼikʼal». Cada utúul tiʼ toʼoneʼ yéetel kiʼimak óolal k-tsʼáaik tiempo, k-muukʼ yéetel le baʼaloʼob yantoʼon utiaʼal ka maas kʼaʼaytaʼak u maʼalob péektsilil le Reinooʼ (ilaʼak le cuadro «Jejeláas bix jeʼel k-áantaj utiaʼal le meeyjil kʼaʼaytajoʼ»).

[U tsolajil le oochel teʼ táan juʼun 6]

Jejeláas Bix Jeʼel K-áantaj

UTIAʼAL LE MEEYJIL KʼAʼAYTAJOʼ

Yaʼab sukuʼunoʼobeʼ tiʼ le taakʼin ku náajalkoʼoboʼ ku jóoʼskoʼob u jaats utiaʼal u tsʼáaikoʼob teʼ caja ku kʼaabaʼtik «Utiaʼal le meeyjil kʼaʼaytajoʼ» (Obra mundial).

Le múuchʼuliloʼoboʼ cada mes ku túuxtikoʼob tu Najil Betel le taakʼin ku siʼibiloʼ. Le taakʼinaʼ jeʼel xan u páajtal u túuxtaʼal teʼ direccionaʼ: Watchtower Bible and Tract Society of New York, Inc., Attention Treasurerʼs Office, 25 Columbia Heights, Brooklyn, New York 11201-2483. Teʼ chequeʼoboʼ unaj u tsʼaʼabal «Watchtower», lelaʼ unaj u tsʼaʼabal teʼ tuʼux ku yaʼalik tiʼ máax kun boʼotbiloʼ. Jeʼel xan u páajtal u siʼibil alhajaʼob wa uláakʼ baʼaloʼob yaan u tojoloʼob, baʼaleʼ ken túuxtaʼakeʼ unaj xan u túuxtaʼal upʼéel carta tuʼux ku yaʼalik maʼ kun kaʼa kʼáatbiloʼob.

TAAKʼIN MAJÁANTAʼAN (DONACIONES CONDICIONALES)

Jeʼel u páajtal u yoksaʼal taakʼin teʼ banco utiaʼal ka cobrartaʼak u interés (fideicomiso) tumen le Watch Tower Bible and Tract Society of Pennsylvania, lelaʼ yaan u meyaj utiaʼal u maas kʼaʼaytaʼal le maʼalob péektsiloʼ. Baʼaleʼ wa le u yuumil le taakʼin u kʼáatoʼ, jeʼel páajtal u jóoʼsik u taakʼin teʼ bancooʼ. Utiaʼal a wojéeltik u maasileʼ, tʼaanen teʼ Tesorería (Treasurerʼs Office) teʼ teléfonoaʼ (718) 560-7500, wa tsʼíibnen teʼ dirección t-aʼalaj teʼ xóotʼol máanikoʼ.

SIIBALOʼOB KU CHʼAʼATUKULTAʼAL BIX KUN TSʼAABIL (DONACIONES PLANIFICADAS)

Leloʼobaʼ uláakʼ bix jeʼel u yúuchul áantaj utiaʼal u maas kʼaʼaytaʼal le maʼalob péektsiloʼ:

Seguroʼob. Jeʼel u páajtal u yaʼalaʼal ka cobrartaʼak upʼéel seguro de vida wa upʼéel pensión tumen le Watch Tower Bible and Tract Society of Pennsylvania.

Taakʼin oksaʼan banco (Cuentas bancarias). Le taakʼin ku tsʼaʼabal tiʼ máak ken jubilartaʼakoʼ jeʼel u páajtal u yoksaʼal banco utiaʼal ka cobrartaʼak u interesi tumen le Watch Tower Bible and Tract Society of Pennsylvania. Bey xan jeʼel u páajtal u beetaʼal yéetel u reciboi le taakʼin oksaʼan bancooʼ (certificado de depósito) utiaʼal ka cobrartaʼak u interesi. Tsʼoʼoleʼ jeʼel xan u páajtal u cobrartaʼal le taakʼin tumen u Najil Betel wa ku kíimil u yuumiloʼ, baʼaleʼ unaj u beetaʼal jeʼex u yaʼalik le bancooʼ.

Le reciboʼob ku tsʼáaik upʼéel empresa úuchik u majáantaʼal taakʼin tiʼoʼ (Acciones y bonos). Leloʼobaʼ jeʼel xan u páajtal u pʼaʼatal tiʼ le Watch Tower Bible and Tract Society of Pennsylvania, utiaʼal ka meyajnak jeʼel bix kʼaʼabéeteʼ.

Terrenoʼob yéetel najoʼob (Inmuebles). Jeʼel u páajtal u pʼaʼatal tiʼ u Najil Betel terrenoʼob wa najoʼob utiaʼal ka meyajnak jeʼel bix kʼaʼabéeteʼ. Baʼaleʼ wa yaan máax kajakbaleʼ jeʼel u páajtal u pʼáatal kajtal tak ken kíimikeʼ. Utiaʼal u beetaʼal le siibaloʼobaʼ, táanil unaj u tʼaan máak tu Najil Betel.

Áantaj ku tsʼaʼabal yoʼolal upʼéel nojoch siibal (Donaciones con renta). Lelaʼ u kʼáat u yaʼal u pʼaʼatal yaʼabach taakʼin wa upʼéel baʼal jach nojoch u tojol utiaʼal ka meyajnak tiʼ u Najil Betel, baʼaleʼ cada jaʼabeʼ ku tsʼaʼabal áantaj tiʼ le máax tsʼáaoʼ (wa tiʼ le máax ken u yaʼal ka tsʼaʼabakoʼ) tak ken kíimik. Wa ku beetaʼal le siibalaʼ, le máax ku beetik le siibaloʼ maʼ yaʼab impuesto ken u boʼot teʼ jaʼaboʼ.

Testamentoʼob yéetel u cobrartaʼal interés. Jeʼel u páajtal pʼaʼatal taakʼin, terrenoʼob wa uláakʼ baʼaloʼob tiʼ le Watch Tower Bible and Tract Society of Pennsylvania, baʼaleʼ leloʼ unaj u beetaʼal yéetel upʼéel testamento tu táan utúul notario. Tsʼoʼoleʼ jeʼel xan u páajtal u yoksaʼal taakʼin teʼ banco utiaʼal ka u cobrart u interesoʼ (fideicomiso). Wa ku beetaʼal le siibalaʼ, le máax ku beetik le siibaloʼ maʼ yaʼab impuesto ken u boʼotiʼ.

Jeʼex u yaʼalik le jaats «siibaloʼob ku chʼaʼatukultaʼal bix kun tsʼaabiloʼ», le siibaloʼob tsʼoʼok aʼalikaʼ unaj u chʼaʼatuklaʼal tubeel. Le máaxoʼob u kʼáat u yojéeltoʼob u maasil yoʼolal bix jeʼel u maas áantajoʼob utiaʼal ka kʼaʼaytaʼak le maʼalob péektsiloʼ, jeʼel u páajtal u xakʼaltkoʼob le folleto Donaciones planificadas para favorecer el servicio del Reino en todo el mundo. Le folletoaʼ ku tsolik bix jejeláas jeʼel u páajtal u siʼibil taakʼin wa uláakʼ baʼaloʼob tiʼ u Najil Betel. Le folletoaʼ, tsʼoʼok u péeksik yaʼab máakoʼob utiaʼal u tsʼáaikoʼob nojoch áantaj utiaʼal ka k-kaʼans yéetel ka k-áant u máakiloʼob le yóokʼol kaabaʼ, yéetel tsʼoʼok u xan u jóoʼskoʼob yaʼab utsiloʼob yoʼolal le baʼaxoʼob tsʼoʼok u beetkoʼoboʼ. Wa a kʼáat le folletoaʼ jeʼel u páajtal a kʼáatik tiʼ Oficina de Donaciones Planificadas (Charitable Planning Office).

Wa a kʼáat a wojéel u maasileʼ tsʼíibnen wa tʼaanen teʼ Oficina de Donaciones Planificadas, teʼ dirección yaan kabaloʼ wa jeʼel xan u páajtal a tʼaan tu Najil Beteleʼ.

Charitable Planning Office

Watch Tower Bible and Tract Society of Pennsylvania

100 Watchtower Drive

Patterson, New York 12563-9204

Teléfono: (845) 306-0707