¿Kʼajaʼan wa tech?

¿Ta jóoʼsaj wa utsil tiʼ a xokik le revista U Pʼíich Tulumil Kanan le maʼ sen úuch jóoʼsaʼakoʼoboʼ? Wa beyoʼ, ilawil wa jeʼel a núukik le kʼáatchiʼobaʼ:

• ¿Bix jeʼel k-tʼanik tubeel le «tʼaan sakkúunsaʼa[noʼ]» wa le u jaajil yoʼolal Diosoʼ bey xan le baʼax ken u beetoʼ? (Sof. 3:9, NM.)

Jeʼex u beetik le máakoʼob ku kankoʼob upʼéel túumben tʼaanoʼ, utiaʼal k-tʼanik tubeel le «tʼaan sakkúunsaʼa[noʼ]», kʼaʼabéet 1) k-chʼenxikintik bix u yaʼalaʼal wa baʼax, 2) k-beetik jeʼex le máaxoʼob u yojloʼob le tʼaanoʼ, 3) k-kanik bix tsolaʼanil u libroiloʼob le Bibliaoʼ bey xan jujumpʼéel tekstoʼob, 4) k-kʼaʼajsik mantatsʼ le baʼax k-kanikoʼ, 5) k-tuukul tiʼ le baʼax k-xokikoʼ, 6) k-kanik bix u tsʼíibtaʼal le tʼaanoʼ, 7) k-ilik maʼ u xuʼulul k-kaambal, 8) k-jóoʼsik u súutukil utiaʼal k-xook yéetel 9) k-tʼanik le tʼaan sakkúunsaʼanoʼ.—15/8, táan juʼunoʼob 21-25.

• Ichil le tsʼoʼokol beeloʼ, ¿baʼax u kʼáat u yaʼal le tʼaan «suum óox chʼoot[oʼ]»?

Le ken keʼetek le tsʼoʼokol beel yéetel upʼéel «suum óox chʼooteʼ», ku tsʼaʼabal naʼatbil le íichamtsil, le atantsil yéetel Jéeobaeʼ beyoʼob óox tíichʼ suum jaxaʼan utiaʼal u pʼáataloʼob chéen upʼéeliliʼeʼ, yéetel Jéeobaeʼ letiʼe maas kʼaʼabéetoʼ (Ecl. 4:12). Wa naatsʼ yaniloʼob tiʼ Dioseʼ, le máaxoʼob tsʼokaʼan u beeloʼoboʼ ku kanik u yutskíintoʼob le talamiloʼoboʼ yéetel ku yantaltiʼob kiʼimak óolal.—15/9, táan juʼun 16.

• ¿Baʼax u kʼáat u yaʼal le tʼaan «u tsʼaʼabal kʼab tu yóokʼol le j-oksaj óoloʼob» ku chíikpajal teʼ Hebreob 6:2?

Maʼ xaaneʼ le tʼaanaʼ maʼatan u tʼaan tiʼ u tsʼaʼabal máak u beet u ancianoi, baʼaxeʼ táan u tʼaan tiʼ u tsʼaʼabal kʼab tu yóokʼol máak utiaʼal ka u kʼam kiliʼich muukʼ utiaʼal u beetik milagroʼob (Hch. 8:14-17; 19:6).—15/9, táan juʼun 32.

• Le ancianoʼoboʼ, ¿bix jeʼel u yeʼeskoʼob tsiikil tiʼ le sukuʼunoʼoboʼ?

Letiʼe ken u beetoʼob xan le baʼaxoʼob ku yaʼalikoʼob tiʼ le sukuʼunoʼob ka u beetoʼoboʼ, bey xan ken u tsoloʼob tiʼ le sukuʼunoʼob baʼaxten ku chʼaʼatuklaʼal u beetaʼal wa baʼaxoʼ.—15/10, táan juʼun 22.

• ¿Baʼax jeʼel u kanik le ancianoʼob tiʼ le úuchben j-kanan tamanoʼoboʼ?

Le úuchben j-kanan tamanoʼoboʼ, ku meyajtiʼob upʼéel chowak cheʼ utiaʼal u nuʼuktikoʼob le tamanoʼoboʼ. Le ken u jóoʼsoʼob wa u yoksoʼob tu corraloʼobeʼ, ku beetik u máan le tamanoʼob yáanal le cheʼ utiaʼal u yilik wa mix utúul ku bineltikiʼ (Lev. 27:32). Jeʼex le j-kanan tamanoʼobaʼ, le ancianoʼoboʼ unaj u kʼaj óoltkoʼob cada utúul tiʼ le sukuʼunoʼoboʼ yéetel u yilkoʼob baʼax talamil táan u máanskoʼob.—15/11, táan juʼun 9.