Utúul chan x-chʼúupal, jach nojoch u yaabilaj

MAʼ ÚUCHEʼ, utúul chan x-chʼúupal kajaʼan Brasil yaan nueve jaʼaboʼob tiʼeʼ tu chʼaʼatuklaj u jóoʼsik kaʼa jaats tiʼ u taakʼin u líiʼsmoʼ. Le yáax jaatsoʼ 18 dólares, lelaʼ tu tsʼáaj teʼ caja tuʼux ku tsʼaʼabal le siibaloʼob utiaʼal u boʼotaʼal le xuupoʼob ku yantal teʼ múuchʼuliloʼ. Le uláakʼ jaats tu jóoʼsoʼ 25 dólares, lelaʼ tu túuxtaj tiʼ u najil Betel yaan Brasil, junmúuchʼ yéetel upʼéel chan carta, tuʼux ku yaʼalik: «In kʼáat in síi le taakʼinaʼ utiaʼal ka maas kʼaʼaytaʼak le Reinooʼ. Lelaʼ kin beetik tumen in kʼáat in wáant yaʼab sukuʼunoʼob tiʼ tuláakal yóokʼol kaab utiaʼal ka u maas kʼaʼaytoʼob le maʼalob péektsiloʼ. Kin beetik tumen jach in yaabiltmaj Jéeoba».

U taataʼob le chan x-chʼúupalaʼ u kaʼansmoʼobtiʼ jach kʼaʼabéet u jóokʼol u kʼaʼayt u maʼalob péektsilil le Reinooʼ. U kaʼansmoʼob xan tiʼeʼ unaj u yeʼesik «tsiikil tiʼ Yuumtsil yéetel [u] ayikʼaliloʼob» (Pro. 3:9). Toʼon xaneʼ unaj k-beetik jeʼex le chan x-chʼúupalaʼ; unaj k-beetik tuláakal le ku páajtal utiaʼal u kʼaʼaytaʼal le Reino teʼ tuʼux yanoʼonoʼ bey xan tiʼ tuláakal le Luʼumaʼ.