¿Kʼajaʼan wa tech?

¿Ta xokaj wa u tsʼook revistailoʼob U Pʼíich Tulumil Kanan maʼ sen úuch jóoʼsaʼakoʼoboʼ? Wa beyoʼ, ilawil wa jeʼel a núukik le kʼáatchiʼobaʼ:

• ¿Baʼax talmil jeʼel u taasik u coquetear máakeʼ?

Jeʼel u beetik k-náachtal tiʼ Jéeobaeʼ bey xan tiʼ le múuchʼuliloʼ. Tumen jeʼel u bisik máak tiʼ núupkʼebaneʼ. Tsʼoʼoleʼ wa le máax ku coquetear tsʼokaʼan u beeloʼ, jeʼel u beetik u divorciarkubaʼob ka pʼáatak minaʼan u taata wa u maama le paalaloʼob utiaʼal nuʼuktikoʼoboʼ. Jeʼex túun k-ilkoʼ, le baʼaloʼob beyaʼ ku beetik u pʼatkuba máak (15/9, táan juʼun 19).

• ¿Máax le ángel túuxtaʼab tumen Dios utiaʼal u nuʼuktik le israelitaʼob le ka tu jóoʼsoʼob tu kaajil Egiptooʼ? (Éxo. 23:20, 21.)

Jéeobaeʼ tu yaʼalaj: «Ku meyaj tin kʼaabaʼ», le oʼolal jeʼel u páajtal k-aʼalikeʼ u yáax Hijo, ka máan kʼiineʼ, kʼaj óoltaʼab yéetel le kʼaabaʼ Jesusoʼ (15/9, táan juʼun 21).

• ¿Yaan wa u kʼuchul u kʼiin u xuʼulsaʼal le yóokʼol kaabaʼ?

Le Bibliaoʼ maʼatech u kaʼansik wa yaan u xuʼulsaʼal le yóokʼol kaabaʼ (Sal. 104:5). Jesucristoeʼ tu yaʼaleʼ yaan u jaats máakoʼob kun pʼáatloʼob kuxaʼanil ken tsʼoʼokok le xuʼulsajiloʼ (Mat. 24:21, 22) (1/10, táan juʼun 5).

• Wa ka kʼuuxil yoʼolal baʼax ku beetik a núupeʼ, ¿bix jeʼel a tsoliktiʼeʼ?

Tukult bix jeʼel a waʼalik tiʼ a amigo wa a jefeiʼ. Cada juntúuleʼ unaj u beetik junpʼéel lista tiʼ baʼaxten ku tuklik maas unaj u yeʼesik tsiikil yéetel u kanáantik baʼax ku yaʼalik tiʼ u núup ke tiʼ juntúul u amigo wa u jefe (Col. 4:6) (1/10, táan juʼun 12).

• ¿Baʼaxten unaj k-confesartik k-kʼeebanoʼob?

Junpʼéel baʼaxten jach kʼaʼanaʼan k-confesartik le kʼebanoʼob k-beetik tu contra k-éet máakil wa tu contra Diosoʼ, tumen k-kʼáat antal maʼalob tu táan. Jesuseʼ tu yaʼaleʼ utiaʼal ka k-meyajt Dios yéetel junpʼéel maʼalob concienciaeʼ, yáax unaj k-utskíintik le talmiloʼob ku yantaltoʼon yéetel u maasiloʼ (Mat. 5:23, 24). Bey túunoʼ wa k-eʼesik kabal óolal yéetel k-kʼáatik tiʼ Jéeoba ka u perdonartoʼoneʼ, letiʼeʼ yaan u perdonartkoʼon yéetel yaan u tsʼáaiktoʼon yaʼab utsiloʼob (1 Ped. 5:6) (1/10, táan juʼun 23, 24).

• ¿Baʼaxoʼob maʼ unaj u kaxtik u yaʼal le máaxoʼob meyajtik Diosoʼ?

«Jach talam.» «Jach maʼ taak in beetkiʼ.» «Minaʼanten tiempo.» «Kin wuʼuyik maʼ tu páajtal in beetik.» «Yaachajaʼan in wóol yoʼolal le baʼax beetaʼabtenoʼ.» Dioseʼ maʼatech u kʼamik ka k-aʼal baʼaloʼob bey chéen utiaʼal maʼ k-beetik baʼax ku yaʼalikoʼ (15/10, táan juʼun 12 tak 15).

• ¿Bix jeʼel k-áantaj utiaʼal u líikʼil k-óol ken xiʼikoʼon teʼ muchʼtáambaloʼoboʼ?

Líiʼsaba táanil. Xeen mantatsʼ. Kʼuchkech tu pʼiis hora. Bis tuláakal baʼax kʼaʼabéet. Maʼ u náayal a wóol. Táakpajkechiʼ. Núuk yéetel junpʼíit tʼaanoʼob. Máans le jaatsoʼob ku tsʼaʼabaltechoʼ. Líiʼs u yóol le máaxoʼob ku táakpajloʼoboʼ. Tsikbalnen yéetel le ku muchʼkubaʼoboʼ (15/10, táan juʼun 22).

• ¿Baʼax ku kaʼansiktoʼon le úuchik u beetik Aarón le baʼax aʼalaʼabtiʼ tumen u maasiloʼ?

Le minaʼan kaʼach Moisés yiknal le israelitaʼoboʼ tu yaʼaloʼob tiʼ Aarón ka u beet junpʼéel beetbil dios. Le baʼax úuch tiʼ Aaronoʼ ku yeʼeskeʼ maʼ chéen le táankelem paalal jeʼel u beetkoʼob baʼax ku yaʼalik u maasiloʼ. Tak máakoʼob táan u yilik u beetkoʼob baʼax maʼalob. Toʼoneʼ unaj k-ilik maʼ k-beetik baʼax ku yaʼalik u maasil (15/11, táan juʼun 8).

• ¿Baʼaxten jach unaj u tsʼáaik u yóol máak kʼaay teʼ muchʼtáambaloʼoboʼ?

Walajki maas tiʼ cien jaʼaboʼobeʼ, U Pʼíich Tulumil Kanan ich ingleseʼ tu tsolaj bix u yáantkoʼon le kʼaayoʼoboʼ, tu yaʼalaj: «U kʼayik máak le baʼax ku kanik teʼ Bibliaoʼ jach ku yáantaj utiaʼal ka pʼáatak tu pool yéetel tu puksiʼikʼal». Yaʼab tiʼ le kʼaayoʼoboʼ teʼ Biblia chʼaʼan u tuukuliloʼ, le oʼolal ken k-kanoʼobeʼ ku maas pʼáatal t-puksiʼikʼal le baʼax ku kaʼansikoʼ (15/12, táan juʼun 22).