¿Kʼajaʼan wa tech?

¿Ta xokaj wa u tsʼook revistailoʼob U Pʼíich Tulumil Kanan maʼ sen úuch jóoʼsaʼakoʼoboʼ? Wa beyoʼ, ilawil wa jeʼel a núukik le kʼáatchiʼobaʼ:

• ¿U yojliliʼ wa Dios yaan u kʼebantal Adán yéetel Evaeʼ?

Maʼatech. Jéeobaeʼ tu tsʼáaj tiʼ le yáax wíinikoʼob u páajtalil u chʼaʼtuklikoʼob tu juunaloʼob baʼax ken u beetoʼob bey xan wa yaan u chúukpajal u yóol u meyajtoʼob wa maʼ. Jéeobaeʼ yaan u páajtalil u yilik baʼax ku taal u kʼiin, baʼaleʼ u yojel baʼax súutukil jeʼel u páajtal u yilik baʼax kun úuchleʼ, yéetel baʼax súutukil maʼ (1/1, táan juʼun 13 tak 15).

• U j-jaajkunajoʼob Jéeobaeʼ, ¿ku oraroʼob wa utiaʼal u tsʼakikoʼob máak?

U j-jaajkunajoʼob Jéeobaeʼ mix juntéen orarnakoʼob utiaʼal u tsʼakikoʼob wa máax. Jeʼex Jesuseʼ, u yojloʼobeʼ le meyaj maas kʼaʼanaʼanoʼ, letiʼe u kʼaʼaytikoʼob u maʼalob péektsilil u Reino Diosoʼ. U yojloʼob xaneʼ, le baʼax chíikbesik máax u jaajil cristianoʼoboʼ, maʼ letiʼe u orarkoʼob wa máax utiaʼal u tsʼakikoʼoboʼ (1/1, táan juʼun 21).

• ¿Ku meyaj wa u kʼaabaʼ Dios bey talismán tiʼ le máaxoʼob meyajtikoʼ?

Yaan máakoʼobeʼ ku yilkoʼob bey talismán wa amuletoil jujunpʼéel baʼaloʼobeʼ. Baʼaleʼ le máaxoʼob meyajtik Diosoʼ maʼatech u yilkoʼob u kʼaabaʼ Dios beyoʼ. Baʼaxeʼ ku tsʼáaik u fejoʼob tiʼ letiʼ yéetel ku yilik u beetkoʼob baʼax ku yaʼalik; lelaʼ letiʼe baʼax u kʼáat u yaʼal u kʼubik u yóol máak tiʼ u kʼaabaʼoʼ (Sof. 3:12, 13) (15/1, táan juʼun 5 yéetel 6).

• ¿Baʼax jeʼel u yáantik le tsʼokaʼan u beeloʼob utiaʼal u yaabiltikubaʼob yéetel u yeʼeskoʼob tsiikiloʼ?

Unaj u kaxtikoʼob bix jeʼel u yeʼeskoʼob yéetel baʼax ku yaʼalikoʼob bey xan yéetel baʼax ku beetkoʼob u yaabiltmubaʼobeʼ. Unaj u yilkoʼob maʼ u yantal mix máak yéetel mix baʼal jeʼel u taasik talamil ichiloʼobeʼ (Pro. 5:15-20) (15/1, táan juʼun 14).

• ¿Baʼax k-beetik ken k-aktáant talamiloʼob wa ken kʼaʼabéetchajak k-chʼaʼtuklik k-beetik wa baʼax?

Le máax minaʼan u fejeʼ ku tuklikeʼ u maas séebaʼanileʼ u xulik u beetik baʼax ku yaʼalik Dios. Baʼaleʼ le máax u kʼáat lúubul utsil tu táan Dioseʼ, ku yilik maas maʼalob ka seguernak u beetik le baʼax ku yaʼalik le Bibliaoʼ (15/2, táan juʼun 22).

• ¿Baʼaxten xuʼul u kʼaʼamal rey Saúl tumen Jéeoba?

Sauleʼ unaj kaʼach u páaʼtik u kʼuchul u profeta Dios utiaʼal u kʼubik le siibaloʼ, baʼaleʼ maʼ tu páaʼtiʼ, tu kʼubaj le siibaloʼ. Uláakʼ juntéeneʼ maʼ tu xuʼulsaj tiʼ le kʼasaʼan kaaj jeʼex aʼalaʼabiktiʼoʼ (15/2, táan juʼun 22 yéetel 23).

• ¿Baʼax kʼáatchiʼiloʼob unaj k-beetik yoʼolal le náaysaj óoloʼob k-yéeyikoʼ?

Unaj k-tuklik: «Teʼ tu tsʼoʼok mesoʼobaʼ, ¿tsʼoʼok wa in náaysik in wóol yéetel peliculaʼob, baʼaxoʼob ku máansaʼal tiʼ televisión, videojuegoʼob, libroʼob wa cuentoʼob yaan yil yéetel magia wa espiritismo? ¿Tsʼoʼok wa u pʼáatal maʼatech in jach kanáantikinba tiʼ le baʼaloʼob beyaʼ? Wa beyoʼ, ¿tsʼoʼok wa in chʼaʼtuklik maʼ in náaysik in wóol tu kaʼatéen yéetel le baʼaloʼob bey utiaʼal in weʼesik in yaabiltmaj Jéeoba bey xan le baʼaxoʼob ku yaʼalikoʼ?» (Hch. 19:19, 20.) (15/2, táan juʼun 29, 30.)

• ¿Bix jeʼel k-eʼesik k-pʼekmaj le kʼaasoʼ?

U kanáantik máak u yukʼik, u náachkuntikuba máak tiʼ baʼaloʼob yaan yil yéetel espiritismo yéetel u kanáantik máak maʼ u lúubul tiʼ núupkʼeban, jeʼex aʼalaʼabik tumen Jesuseʼ. Jeʼex maʼ u chaʼantik máak pornografía yéetel u náaysik u yóol yéetel le baʼaloʼob kʼaastak ku chaʼantikoʼ (Mat. 5:27, 28). Tsʼoʼoleʼ kʼaʼabéet maʼ k-bisikba yéetel le máaxoʼob jóoʼsaʼanoʼob ichil u kaajal Diosoʼ (15/2, táan juʼun 29 tak 32).

• ¿Baʼaxten tu yaʼalaj Jeremías «bíin béeyak jeʼel bix junkúul cheʼ pakʼaʼan tu jáal junpʼéel áalkab jaʼeʼ, [yéetel] u mootsoʼobeʼ ku chuklaʼantik tak tuʼux ku yáalkab jaʼ»? (Jer. 17:7, 8.)

Jeremíaseʼ maʼ xuʼul u meyajtik Diosiʼ mix tu beetaj u cuentail le baʼaxoʼob aʼalaʼab tumen u maasil máakoʼoboʼ. Baʼaxeʼ tu chich machuba tiʼ Jéeoba, le Máax tiʼ u taal le jaʼ tsʼáaik kuxtaloʼ yéetel tu chʼaʼaj en cuentail le baʼaxoʼob aʼalaʼabtiʼoʼ (15/3, táan juʼun 14).