Tu jaʼatskabil miércoles 5 tiʼ septiembre tiʼ 2012, tiʼ le betelitaʼob yaan Estados Unidos yéetel Canadaoʼ aʼalaʼabtiʼobeʼ desde 1 tiʼ septiembre tiʼ 2012, le sukuʼun Mark Sandersonoʼ káaj u meyaj ichil le Cuerpo Gobernante tiʼ u j-Jaajkunajoʼob Jéeobaoʼ.

U taata yéetel u maamaeʼ j-Jaajkunajoʼob. Letiʼeʼ líikʼ tu kaajil San Diego (California, Estados Unidos) yéetel okjaʼanaj 9 tiʼ febrero tiʼ 1975. Káaj u beetik u precursoril 1 tiʼ septiembre tiʼ 1983, tu kaajil Saskatchewan (Canadá). Tu mesil diciembre tiʼ 1990, tsʼoʼok u xook tiʼ le Escuela tiʼ Entrenamiento Ministerial (bejlaʼeʼ Escuela Bíblica utiaʼal Sukuʼunoʼob maʼ Tsʼokaʼan u Beeloʼobiʼ) tu luʼumil Estados Unidos. Tu mesil abril tiʼ 1991, túuxtaʼab bey precursor especial tu islail Terranova (Canadá). Meyajnaj bey sustituto tiʼ superintendente tiʼ circuito tak ka invitartaʼab tu Betelil Canadá, tu mesil febrero tiʼ 1997. Tu mesil noviembre tiʼ 2000, túuxtaʼab tu Betelil Estados Unidos, teʼeloʼ meyajnaj teʼ Departamento tiʼ Servicios tiʼ Información tiʼ Hospitaloʼob yéetel ka máan kʼiineʼ teʼ Departamento tiʼ Serviciooʼ.

Tu mesil septiembre tiʼ 2008, táakpaj teʼ Escuela utiaʼal Miembros tiʼ Comités tiʼ Sucursal, tsʼoʼoleʼ túuxtaʼab meyaj ichil le Comité tiʼ Sucursal yaan Filipinasoʼ. Tu mesil septiembre tiʼ 2010, aʼalaʼabtiʼ ka suunak Estados Unidos, teʼeloʼ tu yáantaj le Comité tiʼ Servicio tiʼ le Cuerpo Gobernanteoʼ.