DESDE 1992, le Cuerpo Gobernanteoʼ káaj u yéeyik ancianoʼob utiaʼal ka áantaʼakoʼob u beetoʼob le meyaj kʼubéentaʼantiʼoboʼ. Le sukuʼunoʼob táakaʼanoʼob ichil «uláakʼ tamanoʼob[oʼ]» ku yáantkoʼob le sukuʼunoʼob yanoʼob teʼ Cuerpo Gobernante nuʼuktik le jejeláas comiteʼoboʼ (Juan 10:16). * Le ancianoʼobaʼ cada semanaeʼ ku yantaltiʼob junpʼéel reunión tuʼux ku muchʼkuba le sukuʼunoʼob yanoʼob teʼ comité tuʼux tsʼaʼanoʼob meyajoʼ. Teʼ reunionaʼ ku yaʼalikoʼob baʼax jeʼel u páajtal u beetaʼaleʼ yéetel ku yaʼalikoʼob jujunpʼéel baʼaloʼob tsʼoʼok u investigarkoʼob. U jaajileʼ letiʼe sukuʼunoʼob tiʼ le Cuerpo Gobernante chʼaʼtuklik baʼax kun beetbiloʼ, chéen baʼaleʼ letiʼe sukuʼunoʼob ku yáantajoʼob ilik u beetaʼal le baʼax ku yaʼalikoʼoboʼ. Tsʼoʼoleʼ ku láakʼintikoʼob xan le sukuʼunoʼob tiʼ le Cuerpo Gobernante ken xiʼikoʼob tiʼ asambleaʼob internacionaloʼob yéetel especialoʼoboʼ. Yaan hora xaneʼ ku túuxtaʼaloʼob utiaʼal ka u xíimbaltoʼob le najiloʼob Betel yaan tiʼ uláakʼ luʼumiloʼoboʼ. Le sukuʼunoʼobaʼ yéetel kiʼimak óolal ku beetkoʼob jeʼel baʼaxak meyajil ka tsʼaʼabaktiʼobeʼ.

Juntúul sukuʼun káaj u yáantaj desde 1992, ku yaʼalik: «Yéetel le meyaj kin beetkoʼ kin wáantik le Cuerpo Gobernante utiaʼal u beetik le meyajoʼob tsʼaʼantiʼoʼ». Uláakʼ juntúul sukuʼun tsʼoʼok 20 años káajak u yáantajeʼ, ku yaʼalik: «Mix juntéen tin tuklaj u tsʼaʼabalten junpʼéel meyaj beyaʼ. Junpʼéel jatsʼuts privilegio».

Le Cuerpo Gobernanteoʼ tsʼoʼok u tsʼáaik jejeláas meyaj u beet le sukuʼunoʼobaʼ yéetel jach kʼaʼanaʼan u yilik le meyaj ku beetkoʼoboʼ. Toʼon xaneʼ, ¿máasaʼ jach kʼaʼanaʼan k-ilik le meyaj ku beetkoʼoboʼ? (Fili. 2:29).