Ilawil a natsʼkaba tiʼ Dios

¿Baʼax u kʼáat Jéeoba ka k-beete?

Deuteronomio 10:12, 13

U BEETIK máak baʼax ku yaʼalaʼaltiʼeʼ maʼ chéen chʼaʼabiliʼ. Yaʼab tiʼ le máaxoʼob ku meyajoʼoboʼ táan u kʼuuxiloʼob tu beetkoʼob baʼax ku yaʼalaʼaltiʼob tumen u jefeʼob. Baʼaleʼ máaxoʼob meyajtik Dioseʼ maʼatech u beetkoʼob beyoʼ. Letiʼobeʼ ku tsʼíiboltkoʼob u beetkoʼob baʼax utstutʼaan Dios. Le baʼaxoʼob tu yaʼalaj Moisés tsʼíibtaʼan tu tsʼíibil Deuteronomio 10:12, 13 ku yáantkoʼon k-naʼat baʼaxten bey u beetkoʼoboʼ. *

Le ka tʼaanaj Moisés tiʼ baʼax unaj u beetik máakeʼ tu yaʼalaj: «¿Baʼax ku kʼáatikteʼex Yuumtsil a [Dioseʼex]?» (versículo 12). Jéeoba beetmil tuláakal baʼal yéetel letiʼ tsʼáaik u kuxtal wíinik (Salmo 36:9; Isaías 33:22). Le oʼolaleʼ chéen tiʼ letiʼ yaan u derechoi u yaʼalik baʼax unaj k-beetik. Baʼaleʼ letiʼeʼ maʼatech u obligartkoʼon k-beet baʼax ku yaʼalik. Baʼaxeʼ u kʼáat ka k-uʼuy u tʼaan yéetel tuláakal k-puksiʼikʼal (Romailoʼob 6:17).

Baʼaleʼ ¿baʼax jeʼel u péekskoʼon k-beet baʼax ku yaʼalik yéetel kiʼimak óolaleʼ? Le versículo 12 ku yaʼalikeʼ ka «k-chʼaʼa saajkil tiʼ Jéeoba, NM». * Le ka tu yaʼalaj Moisés le tʼaanoʼobaʼ maʼatan u tʼaan tiʼ u chʼaʼik máak saajkil u muʼyaj yoʼolal le baʼaxoʼob kʼaas u beetmoʼ. Baʼaxeʼ táan u tʼaan tiʼ u yeʼesaʼal tsiikil tiʼ Dios bey xan tiʼ le baʼaxoʼob ku yaʼalikoʼ, lelaʼ jeʼel u yáantkoʼon utiaʼal maʼ k-beetik baʼax u pʼeekeʼ.

Baʼaleʼ maʼ chéen letiʼe baʼax jeʼel u yáantik máak u beet baʼax utstutʼaan Diosoʼ. Moiseseʼ tu yaʼaleʼ Jéeobaeʼ u kʼáat ka k-yaabilte yéetel ka k-adorart yéetel tuláakal k-puksiʼikʼal (versículo 12). Lelaʼ u kʼáat u yaʼaleʼ unaj k-beetik baʼax ku yaʼalik tumen k-yaabilmaj. Baʼaleʼ maʼ chéen unaj k-aʼalik wa k-yaabiltmaj Diosiʼ. Upʼéel libroeʼ ku yaʼalikeʼ «ich hebreoeʼ le tʼaanoʼob ku meyaj utiaʼal yaabilajoʼ ku tsʼáaikoʼob xan naʼatbil yaan baʼax ku beetik máak utiaʼal u yeʼesik». Bey túunoʼ máax u yaabiltmaj Dioseʼ ku yeʼesik yéetel baʼaxoʼob ku beetik. Le oʼolaleʼ wa jach tu jaajil k-yaabiltmaj Dioseʼ, unaj k-ilik k-beetik mantatsʼ baʼax utstutʼaan (Proverbios 27:11).

Baʼaleʼ ¿chéen wa tiʼ jujumpʼéel baʼaxoʼob unaj k-beetik baʼax u kʼáat Dios? Moiseseʼ tu yaʼalaj: «Xíimbal[nen] tu beeloʼob» (versículo 12). Jéeobaeʼ u kʼáat ka k-beet tuláakal baʼax ku yaʼalik. Maʼ xaaneʼ yaan máaxoʼob ku tuklikoʼobeʼ u beetik máak tuláakal baʼax ku yaʼalaʼaltiʼeʼ maʼatech u taasik utsiloʼob. Baʼaleʼ maʼ bey u yúuchul wa k-beetik baʼaxoʼob ku yaʼalik Diosiʼ.

K-beetik baʼaxoʼob ku yaʼalik Dios yéetel kiʼimak óolaleʼ ku taasiktoʼon yaʼab utsiloʼob. Moiseseʼ bey tu yaʼalil teʼ versículo 13: «Tsʼoʼokbeseʼex u nuʼukbeʼen tʼaanoʼob [...], utiaʼal ka xiʼikteʼex utsil». Le oʼolaleʼ jeʼel baʼalak ka u kʼáattoʼon Dios ka k-beeteʼ utiaʼal k-utsil. Maʼ unaj k-tuʼubsikeʼ «Jajal Dioseʼ yaakunaj» (1 Juan 4:8). Bey túunoʼ le u beetaʼal le baʼax ku yaʼalik Diosoʼ maʼ chéen ku taasik utsiloʼob utiaʼal u súutukiʼ, baʼaxeʼ utiaʼal tuláakal u kuxtal máak (Isaías 48:17). Wa k-beetik baʼax ku yaʼalikeʼ maʼ ken k-aktáant le talamiloʼob ku yantal tiʼ yaʼab máakoʼoboʼ, yéetel ichil upʼíit kʼiineʼ yaan k-kʼamik le utsiloʼob ken u taas u Reino Diosoʼ. *

Le oʼolaleʼ jach maʼalob ka k-beet yéetel kiʼimak óolal tuláakal le baʼaxoʼob ku kʼáatiktoʼon Jéeobaoʼ. Wa k-beetik beyoʼ yaan k-maas náatsʼal tiʼ Jéeoba, le Dios jach u yaabiltmoʼon yéetel u kʼáat ka xiʼiktoʼon utsiloʼ.

[Tsolajiloʼob]