Profecía 1. U tíitkuba le luʼumoʼ

«Yaan u sen tíitkuba le luʼumoʼ» (LUCAS 21:11).

● Le máaxoʼob ku meyajoʼob tiʼ junpʼéel noticieroeʼ binoʼob tuʼux tu tíituba le luʼum Haitíoʼ. Letiʼobeʼ tu masakʼ uʼuyoʼob yaan máax ku yáakam yáanal le pakʼoʼob juutloʼoboʼ. Le máax ku yáakam kaʼachoʼ Winnie, juntúul chan x-chʼúupal de año y medio. Letiʼeʼ páajchaj u salvartaʼal pero u papáʼobeʼ kíimoʼob.

BAʼAX KU YÚUCHUL. Tu mesil enero tiʼ 2010 tu tíituba le luʼum Haitíoʼ. Kíim maas tiʼ 300,000 máakoʼob yéetel 1,300,000 pʼáat minaʼan u yotochoʼobiʼ. Baʼaleʼ maʼ chéen Haití tu tíituba le luʼumoʼ. Desde abril tiʼ 2009 tak abril tiʼ 2010 kex dieciocho u téenel jach chich úuchik u tíitkuba le luʼum jejeláas tuʼuxoʼoboʼ.

BAʼAX KU YAʼALAʼAL. Maʼ táan u maas yaʼabtal tuʼux ku tíitkuba le luʼumoʼ, baʼaxeʼ chéen maas séeb u yojéeltaʼal bejlaʼeʼ.

¿JAAJ WA BAʼAX KU YAʼALAʼAL? U jaajileʼ le Bibliaoʼ maʼ tu yaʼalik jaytéen ken u tíituba le luʼum teʼ tu tsʼook kʼiinoʼobaʼ. Baʼaxeʼ ku yaʼalik «yaan u sen tíitkuba le luʼum, tiʼ jejeláas tuʼuxoʼob[oʼ]», leloʼ letiʼe baʼax eʼesik tsʼoʼok u kʼexpajal le kʼiinoʼob kuxaʼanoʼonaʼ (Marcos 13:8; Lucas 21:11).

¿BAʼAX KA TUKLIK? ¿Táan wa u sen tíitkuba le luʼum jeʼex u yaʼalmil le Bibliaoʼ?

Maʼ chéen le u tíitkuba le luʼum eʼesik tiaʼanoʼon tu tsʼook kʼiinoʼobiʼ, yaan uláakʼ baʼaxoʼob eʼesik. Koʼox ilik máakalmáakoʼobiʼ.

[Uláakʼ baʼax ku tsoʼolol]

«[Toʼon geofísicoʼoneʼ] k-aʼalik táan u sen tíitkuba le luʼumoʼ. Pero u maasil máakoʼobeʼ chéen ku yaʼalikoʼob jach kʼaas le baʼax ku yúuchloʼ» (KEN HUDNUT, SERVICIO GEOLÓGICO TIʼ ESTADOS UNIDOS).

[U yuumil le oochel]

© William Daniels/Panos Pictures