«¿Yaan wa u kʼaskúuntaʼal le luʼum tumen wíinikoʼ?»

● Le ken ilaʼak le Luʼum desde teʼ espaciooʼ, bey junpʼéel jatsʼuts tuunich azul yéetel sak jach ku léembaleʼ. Baʼaleʼ le ken u natsʼuba máak tiʼeʼ ku yilkeʼ jach kʼaas yanil. ¿Baʼaxten? Tumen le máakoʼob kajakbaloʼoboʼ maʼatan u kanáantkoʼob. Tsʼoʼoleʼ maʼ chéen táan u kʼaskúuntaʼal le Luʼum ikil u contaminartaʼal, u tóokaʼal yéetel u beetaʼal uláakʼ baʼaloʼoboʼ, baʼaxeʼ le máakoʼoboʼ táan xan u kʼaskúuntikoʼob tumen maʼatan u yilkoʼob u kʼaʼanaʼanil u natsʼkubaʼob tiʼ Dios, jach kʼaas bix u kuxtaloʼob, ku kíimsik u yéet máakiloʼob yéetel tsʼoʼok u pʼáatal maʼatech u yeʼeskoʼob tsiikil tiʼ le núupchitaloʼ.

Le baʼaxoʼob ku yúuchul bejlaʼaʼ, tsʼoʼok dos mil jaʼaboʼob tsʼíibtaʼak teʼ profecíaʼob yaan teʼ Bibliaoʼ (2 Timoteo 3:1-5; Apocalipsis 11:18). Tsʼoʼoleʼ le Bibliaoʼ ku yaʼalik xaneʼ chéen Dios jeʼel u páajtal u yutskíintik le baʼaxoʼob ku yúuchul bejlaʼaʼ. Le baʼaloʼob jeʼelaʼ yaan u maas tsoʼolol teʼ discurso público ku kʼaabaʼtik: «¿Yaan wa u kʼaskúuntaʼal le Luʼum tumen wíinikoʼ?», lelaʼ yaan u máansaʼal ichil le asambleaʼob tiʼ distrito: Taalak a reino, kun antal tiʼ u j-jaajkunajoʼob Jéeobaoʼ (testigos de Jehová). Le asambleaʼobaʼ káaj Estados Unidos tu mesil mayo yéetel yaan u beetaʼal tiʼ tuláakal yóokʼol kaab.

K-invitarkech ka xiʼikech tiʼ le asamblea kun beetbil naatsʼ teʼ tuʼux kajaʼanechoʼ. Utiaʼal a wojéeltik u maasileʼ, tʼaanen yéetel u j-jaajkunajoʼob Jéeoba yaan teʼ tuʼux kajaʼanechoʼ wa yéetel le máaxoʼob beet le revistaaʼ. Ich Interneteʼ tiʼ www.pr418.com yaan junpʼéel lista tuʼux kun beetbil le asambleaʼob Canadá yéetel Estados Unidosoʼ.