Kaanbalnakoʼon tiʼ u tʼaan Dios

¿Baʼax kʼiin káaj u beetik u reyil Jesús?

Le xookaʼ yaan u yáantkech a wil ta Biblia jujunpʼéel baʼaloʼob taak a wojéeltik. Wa a kʼáateʼ, jeʼel a wáantaʼal tumen u j-jaajkunajoʼob Jéeoba (testigos de Jehová) utiaʼal ka a wojéelt u núukil le kʼáatchiʼobaʼ.

1. ¿Baʼax Reinoil tu yaʼalaj Jesús kun taal?

Dioseʼ tu yaʼaleʼ yaan juntúul máax ichil u chʼiʼibal David kun reinar tu trono utiaʼal minaʼan u xuul. Le máax aʼalaʼaboʼ Jesús. Letiʼeʼ tsʼoʼok u káajal u gobernar teʼ kaʼanoʼ; bejlaʼeʼ u Reyil u Reino Dios. (Xok Salmo 89:4; Lucas 1:32, 33.)

Dioseʼ tu yéeyaj David desde tu paalil utiaʼal u beetik u reyil yóokʼol Israel. Ka kíim Davideʼ, Salomón kulaj gobernar teʼ trono «tuʼux ku méekʼtáan Yuumtsil» Jéeobaoʼ (1 Crónicas 28:4, 5; 29:23). Le ka kíim Salomonoʼ, yaʼab reyoʼob gobernarnajoʼob Jerusalén, baʼaleʼ óoliʼ tuláakloʼob kʼaschajoʼob. Tu jaʼabil 607 t.t.J. (táanil tiʼ u taal Jesús), Jéeobaeʼ tu chaʼaj u xuʼulsaʼal u kaajil Jerusalén. Desde teʼ kʼiin jeʼeloʼ maʼ yanak mix máak ichil u chʼiʼibal David ka u beet u reyil yóokʼol u kaajil Jerusalén way Luʼumeʼ. (Xok Ezequiel 21:27.)

2. ¿Bukaʼaj kaʼach kun xáantal maʼ tu gobernar u Reino Dios?

Maʼ úuch xuʼulsaʼak Jerusaleneʼ, Jéeobaeʼ tu yaʼalaj tiʼ profeta Daniel yaan u yéeyik juntúul máax kun gobernar desde teʼ kaʼanoʼ. ¿Baʼax kʼiin kaʼach kun káajal u gobernar? (Xok Daniel 7:13, 14.)

Jeʼex úuchik u yaʼalik Dios ka xuʼulsaʼak u kaajil Jerusaleneʼ, bey tu yaʼalil xan ka lúuʼsaʼak le nuxiʼ cheʼ teʼ wayakʼ tu tsolaj Danieloʼ. Baʼaleʼ tu yaʼaleʼ u chuun le cheʼoʼ yaniliʼ u pʼáatal teʼ luʼum «siete jaʼaboʼob[oʼ]», yéetel ken tsʼoʼokkeʼ yaan u kaʼa nojochtal. Le Bibliaoʼ ku yaʼalikeʼ óoxpʼéel jaʼab yéetel táankucheʼ 1,260 kʼiinoʼob (Apocalipsis 12:6, 14). Teʼ Bibliaoʼ yaʼab u téenel ku yaʼalaʼal «kʼiinoʼob» utiaʼal u yúuchul tʼaan tiʼ jaʼaboʼob (Números 14:34). Bey túunoʼ, u Reino Dioseʼ 2,520 jaʼaboʼob kun pʼáatal kaʼach maʼ tu gobernar. (Xok Daniel 4:10-17.)

  3. ¿Baʼax kʼiin káaj u beetik u reyil Jesús?

Tu jaʼabil 1914, Dioseʼ tu beetaj reyil Jesús teʼ kaʼanoʼ, jach 2,520 jaʼaboʼob xuʼulsaʼak Jerusalén. Yáax baʼax tu beetaj Jesús bey reyileʼ u tojolchʼintik Satanás yéetel u demonioʼob (Apocalipsis 12:7-10). Mix juntúul wíinik ile, baʼaleʼ tuláakloʼon ku páajtal k-ilik baʼax úuch way Luʼum tu yoʼolal leloʼ (Apocalipsis 12:12). Le baʼaloʼob tsʼoʼok u yúuchul desde 1914, ku yeʼesikeʼ Jesuseʼ jach tu jaajil káaj u gobernar teʼ jaʼab jeʼeloʼ. (Xok Mateo 24:14; Lucas 21:10, 11, 31.)

4. ¿Baʼax utsil ken u tsʼáatech u gobernación Jesús?

Le profecíaʼob aʼalaʼab tu yoʼolal Jesusoʼ láaj béeychajoʼob, le oʼolaleʼ jeʼel u páajtal a creertik baʼax ku yaʼalik u Tʼaan Dioseʼ. Maʼ tu xáantaleʼ, yéetel le páajtalil tsʼaʼantiʼoʼ Jesuseʼ yaan u xuʼulsik le baʼaxoʼob beetik u muʼyaj máakoʼ. (Xok Salmo 72:8, 12, 13; Daniel 2:44.)

Wa a kʼáat a wojéelt u maasileʼ, ilawil le táan juʼun 215-218 tiʼ le libroaʼ, beetaʼan tumen u j-jaajkunajoʼob Jéeoba. ¿Baʼax jach tu jaajil ku kaʼansik le Bibliaoʼ?

[Lista yaan teʼ táan juʼun 16 yéetel 17]

(Utiaʼal a wilik bix jokʼaʼanileʼ ilawil le jóoʼsaʼaniloʼ)

Octubre tiʼ Octubre tiʼ

607 t.t.J. 1914 tsʼ.t.J.

← 2,520 jaʼaboʼob →

1000 tsʼ.t.J. 1 t.t.J. 1 tsʼ.t.J. 1000 tsʼ.t.J. 2000 tsʼ.t.J.

← 606.25 jaʼaboʼob →← 1,913.75 jaʼaboʼob →

Xuʼulsaʼab le Meyajnaktech calculadora: Dioseʼ tu beetaj

reino yaan 606.25 reyil Jesús yéetel

Jerusalenoʼ + 1,913.75 tu tsʼáaj páajtalil

= 2,520 yóokʼol le kaajoʼoboʼ