Kʼáatchiʼob ku núukik le Bibliaoʼ
¿Bix anchajik le Kʼaasilbaʼaloʼ?
Maʼ Dios beet le Kʼaasilbaʼaloʼ. Dioseʼ tu beetaj juntúul ángel tu juunal tu sutuba Kʼaasilbaʼalil wa Satanasil. Jesuseʼ tu tsʼáaj naʼatbileʼ le Kʼaasilbaʼaloʼ juntúul utsul ángel maʼalob yanil tu táan Dios kaʼachi. Le Kʼaasilbaʼal túunoʼ tu káajbaleʼ juntúul u paal Dios toj baʼax ku beetik kaʼachi. (Xok Juan 8:44.)
¿Bix tu sutuba Kʼaasilbaʼalil juntúul ángel?
Le ángel tu sutuba Kʼaasilbaʼaliloʼ tu tsʼáajuba tu contra Dios, ka tu tusaj le yáax wíinikoʼob utiaʼal ka u beetoʼob xan beyoʼ. Tu juunal tu sutuba Satanasil wa «enemigoil». (Xok Génesis 3:1-5; Apocalipsis 12:9.)
Jeʼex u maasil angeloʼob yéetel wíinikoʼobeʼ, le ángel tu sutuba Kʼaasilbaʼaliloʼ ku páajtal kaʼach u yéeyik u beetik baʼax uts wa kʼaas, baʼaleʼ káaj u tsʼíiboltik ka adorartaʼak. Maʼ chúukpaj u yóol tiʼ Diosiʼ, baʼaxeʼ maas tu tsʼíiboltaj ka nojbeʼenkúuntaʼak letiʼ. (Xok Mateo 4:8, 9; Santiago 1:13, 14.)
Le Kʼaasilbaʼaloʼ ¿bix u kʼaskúuntik u tuukul wíinik bejlaʼeʼ? ¿Unaj wa k-chʼaʼik saajkil tiʼ? Teʼ Bibliaoʼ jeʼel u páajtal a kaxtik u núukil le kʼáatchiʼobaʼ.
Maʼ xaaneʼ jeʼel u yutstal xan ta wicheʼ
LE MÁAX KU KANANOʼ
¿Unaj wa k-chʼaʼik saajkil tiʼ le Kʼaasilbaʼaloʼ?
Dioseʼ jejeláas baʼax u tsʼaamajtoʼon utiaʼal k-kanáantikba tiʼ le Kʼaasilbaʼaloʼ. Ilawil kanpʼéeliʼ.
