U jaajil
¿Tuʼux jeʼel a kaxtikeʼ?
¿Baʼax utsil jeʼel u taasik tiʼ teech yéetel tiʼ a familiaeʼ?
Utiaʼal a wojéeltikeʼ k-invitartikech utiaʼal ka xiʼikech tu yóoxpʼéel kʼiinil le asamblea tiʼ distrito tiʼ u j-jaajkunajoʼob Jéeobaoʼ.
KʼAABAʼ:
‹U Tʼaan Dioseʼ letiʼ u jaajil›
Chʼaʼabaʼan tiʼ baʼax tu yaʼalaj Jesús teʼ Juan 17:17.
BAʼAX KUN ILBIL:
Le jatsʼuts tsoltʼaan ku kʼaabaʼtik «¿Baʼax le jaajoʼ?» yaan u yeʼesik baʼaxten jeʼel u páajtal k-confiar tiʼ u Tʼaan Dios, le Bibliaoʼ.
Le kaʼapʼéel obra de teatro utiaʼal chaʼantbiloʼ yaan u yeʼesik baʼax jeʼel k-kanik tiʼ u tsikbaliloʼob le Bibliaoʼ.
MÁAXOʼOB KUN BINOʼOB:
Tuláakal máak. X-maʼ boʼolil u yokol máakiʼ, maʼ kun máan kʼáatbil taakʼiniʼ.
U YORAIL YÉETEL TUʼUX KUN BEETBIL:
Utiaʼal a wojéeltik tuʼux kun beetbil naatsʼ ta wotocheʼ ooken teʼ www.pr418.com/es; chaʼant xan junxóotʼ video. (Tiaʼan yáanal SOBRE NOSOTROS/ASAMBLEAS ANUALES)
Ilawil u programail le asamblea teʼ www.pr418.com/yua. (Tiaʼan yáanal JÓOʼSAʼANILOʼOB/LIBROʼOB YÉETEL FOLLETOʼOB)
