Le áakʼab táanil tiʼ u kʼubik u kuxtaloʼ, Jesuseʼ tu yaʼalaj tiʼ u disipuloʼob ka u kʼaʼajsoʼob le baʼax ken u beetoʼ. Yéetel waaj minaʼan u levadurail bey xan yéetel chak vinoeʼ, tu táan letiʼobeʼ tu chuunbesaj le ku yaʼalaʼal u Ookʼin Janal Yuumtsil, wa Última Cenaoʼ. Letiʼeʼ tu yaʼalajtiʼob: «Maʼ u xuʼulul a beetkeʼex lelaʼ utiaʼal a kʼaʼajsikeneʼex» (Lucas 22:19).

Cada jaʼabeʼ toʼon u j-jaajkunajoʼob Jéeobaeʼ k-muchʼikba utiaʼal k-kʼaʼajsik le úuchik u kíimil Jesusoʼ. Teʼ jaʼab 2014, le Kʼaʼajsajiloʼ yaan k-beetik lunes 14 tiʼ abril, ken tsʼoʼokok u tʼúubul Kʼiin.

K-invitartikech utiaʼal ka xiʼikech teʼ muchʼtáambal, tuʼux kun tsolbil baʼax utsil ku taasik úuchik u kʼubik u kuxtal Jesús t-oʼolaloʼ. X-maʼ boʼolil u yokol máakiʼ yéetel maʼ kun máan kʼáatbil taakʼiniʼ. Le máax tsʼáatech le revistaaʼ jeʼel u yaʼaliktech tuʼux yéetel baʼax hora kun beetbil le Kʼaʼajsajil naatsʼ teʼ tuʼux kajaʼanechoʼ, wa maʼeʼ jeʼel u páajtal a wilik ich Internet teʼ jw.org. Maʼ u tuʼubultech, k-páaʼtik ka xiʼikechiʼ.