Dioseʼ tu beetaj wíinik utiaʼal ka kuxlak minaʼan u xuul way Luʼumeʼ; maʼ utiaʼal u kʼojaʼantal mix u kíimiliʼ. Baʼaleʼ Adán le yáax wíinikoʼ maʼ tu yuʼubaj u tʼaan Diosiʼ, ka luʼsaʼab u páajtalil u kuxtal minaʼan u xuul. Toʼoneʼ u chʼiʼibaloʼon Adán, le oʼolal tu máansajtoʼon le kʼebanoʼ (Romailoʼob 5:8, 12; 6:23). Jéeoba Dioseʼ tu túuxtaj Jesús u Paal kíimil way Luʼum utiaʼal u boʼotik le baʼax tu sataj Adanoʼ. (Xok Juan 3:16.)

Úuchik u kíimil Jesuseʼ tu tsʼáaj u páajtalil k-perdonartaʼal yéetel k-kʼamik kuxtal minaʼan u xuul. Le Bibliaoʼ ku yaʼaliktoʼon bix kun kuxtal máak ken pʼáatak minaʼan chʼíijilil, mix kʼojaʼanil mix kíimil. (Xok Isaías 25:8; 33:24; Apocalipsis 21:4, 5.)

Le áakʼab táanil tiʼ u kíimiloʼ, Jesuseʼ tu yaʼalaj tiʼ u disipuloʼob ka u kʼaʼajsoʼob yéetel junpʼéel kʼiinbesaj maʼ nojochiʼ. K-kʼaʼajsik cada jaʼab le úuchik u kíimil Jesusoʼ ku yáantkoʼon k-il bukaʼaj u yaabiltmoʼon Jéeoba yéetel Jesús. (Xok Lucas 22:19, 20; 1 Juan 4:9, 10.)

Teʼ jaʼabaʼ, u Kʼaʼajsajil u kíimil Cristoeʼ yaan u lúubul lunes 14 tiʼ abril, ken tsʼoʼokok u tʼúubul Kʼiin. K-invitartikech a muchʼaba yéetel u j-jaajkunajoʼob Jéeoba yaan ta kaajaloʼ. (Xok Romailoʼob 1:11, 12.)